헬라어 문장 검색 - ΠολψβίΗιστορί01́068́

(폴리비오스, Histories, book 1, chapter 68)

Οἱ δὲ Καρχηδόνιοι τότε πρὸ ὀφθαλμῶν ἐλάμβανον τὴν αὑτῶν ἄγνοιαν, ὅτ’ ἦν οὐδὲν ὄφελοσ. μεγάλα μὲν γὰρ ἥμαρτον, εἰσ ἕνα τόπον ἁθροίσαντεσ τοσοῦτο πλῆθοσ μισθοφόρων, ἔχοντεσ οὐδεμίαν ἐλπίδα πολεμικῆσ χρείασ ἐν ταῖσ πολιτικαῖσ δυνάμεσι·

τούτου δὲ μεῖζον ἔτι, προέμενοι τὰ τέκνα καὶ τὰσ γυναῖκασ καὶ σὺν τούτοισ τὰσ ἀποσκευάσ·

καὶ τάσ τε τῶν ἐπιτηδείων ἀγορὰσ ἐκπέμποντεσ δαψιλεῖσ ἐπώλουν, καθὼσ ἐκεῖνοι βούλοιντο καὶ τάττοιεν τὰσ τιμάσ, τῶν τε τῆσ γερουσίασ ἀεί τινασ ἐξαπέστελλον πρέσβεισ, ὑπισχνούμενοι ποιήσειν πᾶν ὅ,τι ποτ’ ἂν αὐτοὺσ ἀξιώσαιεν εἰ κατὰ δύναμιν.

πεφρονηματισμένων δὲ καὶ πεπεισμένων διὰ τοὺσ προγεγονότασ αὐτοῖσ ἐν Σικελίᾳ πρὸσ τὰ Ῥωμαϊκὰ στρατόπεδα κινδύνουσ μὴ οἱο͂ν Καρχηδονίουσ ἀντοφθαλμῆσαί ποτ’ ἂν πρὸσ αὐτοὺσ ἐν τοῖσ ὅπλοισ, ἀλλὰ μηδὲ τῶν λοιπῶν ἀνθρώπων μηδένα ῥᾳδίωσ.

διόπερ ἅμα τῷ συγχωρῆσαι τὰ περὶ τῶν ὀψωνίων αὐτοῖσ τοὺσ Καρχηδονίουσ εὐθέωσ ἐπέβαινον καὶ τῶν τεθνεώτων ἵππων ἀπῄτουν τὰσ ἀξίασ.

προσδεξαμένων δὲ καὶ τοῦτο, πάλιν τῆσ προσοφειλομένησ σιτομετρίασ ἐκ πλείονοσ χρόνου τὴν μεγίστην γεγονυῖαν ἐν τῷ πολέμῳ τιμὴν ἔφασκον αὑτοὺσ δεῖν κομίζεσθαι.

καθόλου δ’ ἀεί τι νέον καὶ καινὸν προσεξεύρισκον, εἰσ ἀδύνατον ἐκβάλλοντεσ τὴν διάλυσιν διὰ τὸ πολλοὺσ καχέκτασ καὶ στασιώδεισ ἐν αὐτοῖσ ὑπάρχειν.

οὐ μὴν ἀλλὰ πᾶν τὸ δυνατὸν ὑπισχνουμένων τῶν Καρχηδονίων, κατένευσαν ἐπιτρέψειν περὶ τῶν ἀμφισβητουμένων ἑνὶ τῶν ἐν Σικελίᾳ γεγονότων στρατηγῶν.

πρὸσ μὲν οὖν Ἀμίλκαν τὸν Βάρκαν, μεθ’ οὗ συγκεκινδυνεύκεσαν ἐν τῇ Σικελίᾳ, δυσχερῶσ εἶχον, δοκοῦντεσ οὐχ ἥκιστα δι’ ἐκεῖνον ὀλιγωρεῖσθαι τῷ μήτε πρεσβεύειν πρὸσ αὐτοὺσ τήν τε στρατηγίαν ἑκουσίωσ δοκεῖν ἀποτεθεῖσθαι·

πρὸσ δὲ Γέσκωνα πάνυ διέκειντο φιλανθρώπωσ, ὃσ ἐγεγόνει μὲν ἐν Σικελίᾳ στρατηγόσ, ἐπεποίητο δ’ αὐτῶν πρόνοιαν τὴν ἐνδεχομένην ἔν τε τοῖσ ἄλλοισ καὶ μάλιστα περὶ τὴν ἀνακομιδήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 68

(폴리비오스, Histories, book 1, chapter 68)

상위

목록

SEARCH

MENU NAVIGATION