헬라어 문장 검색 - ΠολψβίΗιστορί01́051́

(폴리비오스, Histories, book 1, chapter 51)

ποιησαμένουσ τὴν συμπλοκήν. ἐπειδὴ δὲ σύνεγγυσ αὑτῶν ἦσαν, ἀρθέντων τῶν συνθημάτων ἐφ’ ἑκατέρασ τῆσ ναυαρχίδοσ συνέβαλλον ἀλλήλοισ. τὸ μὲν οὖν πρῶτον ἰσόρροποσ ἦν ὁ κίνδυνοσ, ὡσ ἂν ἀμφοτέρων τοῖσ ἀρίστοισ ἐκ τῆσ πεζικῆσ δυνάμεωσ ἐπιβάταισ χρωμένων·

ἀεὶ δὲ μᾶλλον ὑπερεῖχον οἱ Καρχηδόνιοι διὰ τὸ πολλὰ προτερήματα παρ’ ὅλον ἔχειν τὸν ἀγῶνα.

τῷ τε γὰρ ταχυναυτεῖν πολὺ περιῆσαν διὰ τὴν διαφορὰν τῆσ ναυπηγίασ καὶ τὴν τῶν πληρωμάτων ἕξιν, ἥ τε χώρα μεγάλα συνεβάλλετ’ αὐτοῖσ, ἅτε πεποιημένων τὴν ἔκταξιν ἀπὸ τῶν κατὰ τὸ πέλαγοσ τόπων.

εἴτε γὰρ πιέζοιντό τινεσ ὑπὸ τῶν πολεμίων, κατόπιν ἀνεχώρουν ἀσφαλῶσ διὰ τὸ ταχυναυτεῖν εἰσ τὸν ἀναπεπταμένον τόπον·

κἄπειτ’ ἐκ μεταβολῆσ τοῖσ προπίπτουσι τῶν διωκόντων, τοτὲ μὲν περιπλέοντεσ τοτὲ δὲ πλάγιοι προσπίπτοντεσ στρεφομένοισ καὶ δυσχρηστοῦσι διὰ τὸ βάροσ τῶν πλοίων καὶ διὰ τὴν ἀπειρίαν τῶν πληρωμάτων, ἐμβολάσ τε συνεχεῖσ ἐδίδοσαν καὶ πολλὰ τῶν σκαφῶν ἐβάπτιζον·

εἴτε κινδυνεύοι τισ τῶν συμμάχων, ἑτοίμωσ παρεβοήθουν ἔξω τοῦ δεινοῦ καὶ μετ’ ἀσφαλείασ, παρὰ τὰσ πρύμνασ κατὰ τὸ πέλαγοσ ποιούμενοι τὸν πλοῦν.

τοῖσ γε μὴν Ῥωμαίοισ τἀναντία τούτων συνέβαινε·

τοῖσ τε γὰρ πιεζομένοισ οὐκ ἦν εἰσ τοὔπισθεν δυνατὸν ἀποχωρεῖν, πρὸσ τῇ γῇ ποιουμένοισ τὸν κίνδυνον, ἀεὶ δὲ τὸ θλιβόμενον ὑπὸ τῶν κατὰ πρόσωπον σκάφοσ ἢ τοῖσ βραχέσι περιπῖπτον ἐκάθιζε κατὰ πρύμναν ἢ πρὸσ τὴν γῆν φερόμενον ἐπώκελλε. διεκπλεῖν μὲν οὖν διὰ τῶν πολεμίων νεῶν καὶ κατόπιν ἐπιφαίνεσθαι τοῖσ ἤδη πρὸσ ἑτέρουσ διαμαχομένοισ, ὅπερ ἐν τῷ ναυμαχεῖν ἐστι πρακτικώτατον, ἀδυνάτωσ εἶχον διά τε τὴν βαρύτητα τῶν πλοίων, προσέτι δὲ καὶ τὴν ἀπειρίαν τῶν πληρωμάτων.

οὐδὲ μὴν ἐπιβοηθεῖν τοῖσ δεομένοισ κατὰ πρύμναν ἐδύναντο διὰ τὸ συγκεκλεῖσθαι πρὸσ τῇ γῇ καὶ μηδὲ μικρὸν ἀπολείπεσθαι τόπον τοῖσ βουλομένοισ ἐπαρκεῖν τῷ δεομένῳ.

τοιαύτησ δὲ δυσχρηστίασ ὑπαρχούσησ περὶ τὸν ὅλον ἀγῶνα, καὶ τῶν μὲν καθιζόντων ἐν τοῖσ βράχεσι, τῶν δ’ ἐκπιπτόντων σκαφῶν, κατιδὼν ὁ στρατηγὸσ τῶν Ῥωμαίων τὸ συμβαῖνον ὡρ́μησε πρὸσ φυγήν, ἀπὸ τῶν εὐωνύμων παρὰ τὴν γῆν ἐξελίξασ, καὶ σὺν αὐτῷ περὶ τριάκοντα νῆασ, αἵπερ ἔτυχον ἐγγὺσ οὖσαι.

τῶν δὲ λοιπῶν σκαφῶν, ὄντων ἐνενήκοντα καὶ τριῶν, ἐκυρίευσαν οἱ Καρχηδόνιοι καὶ τῶν πληρωμάτων, ὅσοι μὴ τῶν ἀνδρῶν τὰσ ναῦσ εἰσ τὴν γῆν ἐκβαλόντεσ ἀπεχώρησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 51

(폴리비오스, Histories, book 1, chapter 51)

상위

목록

SEARCH

MENU NAVIGATION