헬라어 문장 검색 - ΠολψβίΗιστορί01́033́

(폴리비오스, Histories, book 1, chapter 33)

Οἱ δὲ Ῥωμαῖοι θεωροῦντεσ τοὺσ Καρχηδονίουσ τάσ τε πορείασ ποιουμένουσ διὰ τῶν ὁμαλῶν τόπων καὶ τὰσ στρατοπεδείασ τιθέντασ ἐν τοῖσ ἐπιπέδοισ τῶν χωρίων, κατ’ αὐτὸ μὲν τοῦτο ξενιζόμενοι διετρέποντο, τοῖσ γε μὴν ὅλοισ ἔσπευδον ἐγγίσαι τοῖσ πολεμίοισ. συνάψαντεσ δὲ τὴν μὲν πρώτην ἡμέραν κατεστρατοπέδευσαν ὡσ δέκα σταδίουσ ἀποσχόντεσ τῶν ὑπεναντίων.

τῇ δὲ κατὰ πόδασ οἱ μὲν προεστῶτεσ τῶν Καρχηδονίων ἐβουλεύοντο πῶσ καὶ τί πρακτέον εἰή κατὰ τὸ παρόν·

οἱ δὲ πολλοὶ προθύμωσ ἔχοντεσ πρὸσ τὸν κίνδυνον, συστρεφόμενοι κατὰ μέρη καὶ κατ’ ὄνομα τὸν Ξάνθιππον ἀναβοῶντεσ ἐξάγειν σφᾶσ ᾤοντο δεῖν τὴν ταχίστην.

οἱ δὲ στρατηγοὶ τήν τε τῶν ὄχλων ὁρμὴν καὶ προθυμίαν θεωροῦντεσ, ἅμα δὲ καὶ τοῦ Ξανθίππου διαμαρτυρομένου μὴ παριέναι τὸν καιρόν, παρήγγειλαν τῷ μὲν πλήθει διασκευάζεσθαι, τῷ δὲ Ξανθίππῳ χρῆσθαι τοῖσ πράγμασιν ἐπέτρεψαν ὥσ ποτ’ αὐτῷ δοκεῖ συμφέρειν.

ὁ δὲ λαβὼν τὴν ἐξουσίαν, τοὺσ μὲν ἐλέφαντασ ἐξαγαγὼν ἐφ’ ἕνα πρὸ πάσησ τῆσ δυνάμεωσ ἐν μετώπῳ κατέστησε, τὴν δὲ φάλαγγα τῶν Καρχηδονίων ἐν ἀποστήματι συμμέτρῳ τούτοισ κατόπιν ἐπέστησε.

τῶν δὲ μισθοφόρων τοὺσ μὲν ἐπὶ τὸ δεξιὸν κέρασ παρενέβαλεν, τοὺσ δ’ εὐκινητοτάτουσ ὁμοῦ τοῖσ ἱππεῦσιν ἑκατέρου τοῦ κέρατοσ προέστησεν.

οἱ δὲ Ῥωμαῖοι συνιδόντεσ παραταττομένουσ τοὺσ ὑπεναντίουσ ἀντεξῄεσαν ἑτοίμωσ.

καταπληττόμενοι δὲ καὶ προορώμενοι τὴν τῶν ἐλεφάντων ἔφοδον, προθέμενοι τοὺσ γροσφομάχουσ πολλὰσ ἐπ’ ἀλλήλαισ κατόπιν ἵστασαν σημείασ, τοὺσ δ’ ἱππεῖσ ἐμέρισαν ἐφ’ ἑκάτερον τὸ κέρασ.

τὴν δὲ σύμπασαν τάξιν βραχυτέραν μὲν ἢ πρόσθεν, βαθυτέραν δὲ ποιήσαντεσ τῆσ μὲν πρὸσ τὰ θηρία μάχησ δεόντωσ ἦσαν ἐστοχασμένοι, τῆσ δὲ πρὸσ τοὺσ ἱππεῖσ, πολλαπλασίουσ ὄντασ τῶν παρ’ αὐτοῖσ, ὁλοσχερῶσ ἠστόχησαν.

ἐπεὶ δ’ ἀμφότεροι κατὰ τὰσ ἑαυτῶν προαιρέσεισ καὶ καθόλου καὶ κατὰ μέροσ ἑκάστουσ ἔθηκαν εἰσ τὰσ ἁρμοζούσασ τάξεισ, ἔμενον ἐν κόσμῳ, καραδοκοῦντεσ τὸν καιρὸν τῆσ ἀλλήλων ἐπιθέσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 33

(폴리비오스, Histories, book 1, chapter 33)

상위

목록

SEARCH

MENU NAVIGATION