헬라어 문장 검색 - ΠολψβίΗιστορί01́016́

(폴리비오스, Histories, book 1, chapter 16)

Προσπεσόντων γὰρ εἰσ τὴν Ῥώμην ἐκ τῆσ Σικελίασ τῶν περὶ τὸν Ἄππιον καὶ τὰ στρατόπεδα προτερημάτων, καταστήσαντεσ ὑπάτουσ Μάνιον Ὀτακίλιον καὶ Μάνιον Οὐαλέριον τάσ τε δυνάμεισ ἁπάσασ ἐξαπέστελλον καὶ τοὺσ στρατηγοὺσ ἀμφοτέρουσ εἰσ τὴν Σικελίαν. ἔστι δὲ παρὰ Ῥωμαίοισ τὰ πάντα τέτταρα στρατόπεδα Ῥωμαϊκὰ χωρὶσ τῶν συμμάχων, ἃ κατ’ ἐνιαυτὸν προχειρίζονται·

τούτων ἕκαστον ἀνὰ τετρακισχιλίουσ πεζούσ, ἱππεῖσ δὲ τριακοσίουσ. ὧν παραγενομένων ἀπό τε τῶν Καρχηδονίων αἱ πλείουσ ἀφιστάμεναι πόλεισ προσετίθεντο τοῖσ Ῥωμαίοισ ἀπό τε τῶν Συρακοσίων.

ὁ δ’ Ιἕρων θεωρῶν τὴν διατροπὴν καὶ κατάπληξιν τῶν Σικελιωτῶν, ἅμα δὲ τὸ πλῆθοσ καὶ τὸ βάροσ τῶν Ῥωμαϊκῶν στρατοπέδων, ἐκ πάντων συνελογίζετο τούτων ἐπικυδεστέρασ εἶναι τὰσ τῶν Ῥωμαίων ἢ τὰσ τῶν Καρχηδονίων ἐλπίδασ.

διόπερ ἐπὶ τοῦτο τὸ μέροσ ὁρμήσασ τοῖσ λογισμοῖσ διεπέμπετο πρὸσ τοὺσ στρατηγούσ, ὑπὲρ εἰρήνησ καὶ φιλίασ ποιούμενοσ τοὺσ λόγουσ.

οἱ δὲ Ῥωμαῖοι προσεδέξαντο, καὶ μάλιστα διὰ τὰσ χορηγίασ·

θαλαττοκρατούντων γὰρ τῶν Καρχηδονίων εὐλαβοῦντο μὴ πανταχόθεν ἀποκλεισθῶσι τῶν ἀναγκαίων διὰ τὸ καὶ περὶ τὰ πρὸ τοῦ διαβάντα στρατόπεδα πολλὴν ἔνδειαν γεγονέναι τῶν ἐπιτηδείων.

διόπερ ὑπολαβόντεσ τὸν Ιἕρωνα μεγάλην εἰσ τοῦτο τὸ μέροσ αὑτοῖσ παρέξεσθαι χρείαν ἀσμένωσ προσεδέξαντο τὴν φιλίαν.

ποιησάμενοι δὲ συνθήκασ ἐφ’ ᾧ τὰ μὲν αἰχμάλωτα χωρὶσ λύτρων ἀποδοῦναι τὸν βασιλέα Ῥωμαίοισ, ἀργυρίου δὲ προσθεῖναι τάλαντα τούτοισ ἑκατόν, λοιπὸν ἤδη Ῥωμαῖοι μὲν ὡσ φίλοισ καὶ συμμάχοισ ἐχρῶντο τοῖσ Συρακοσίοισ.

ὁ δὲ βασιλεὺσ Ιἕρων ὑποστείλασ ἑαυτὸν ὑπὸ τὴν Ῥωμαίων σκέπην καὶ χορηγῶν ἀεὶ τούτοισ εἰσ τὰ κατεπείγοντα τῶν πραγμάτων ἀδεῶσ ἐβασίλευε τῶν Συρακοσίων τὸν μετὰ ταῦτα χρόνον, φιλοστεφανῶν καὶ φιλοδοξῶν εἰσ τοὺσ Ἕλληνασ.

ἐπιφανέστατοσ γὰρ δὴ πάντων οὗτοσ δοκεῖ καὶ πλεῖστον χρόνον ἀπολελαυκέναι τῆσ ἰδίασ εὐβουλίασ ἔν τε τοῖσ κατὰ μέροσ καὶ τοῖσ καθόλου πράγμασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 16

(폴리비오스, Histories, book 1, chapter 16)

상위

목록

SEARCH

MENU NAVIGATION