헬라어 문장 검색 - ΠολψβίΗιστορί01́015́

(폴리비오스, Histories, book 1, chapter 15)

ἡμῶν εἰρημένα σκοπεῖν ἐκ τούτων πάρεστιν. ὁ γὰρ Φιλῖνοσ ἀρχόμενοσ ἅμα τῶν πραγμάτων καὶ τῆσ δευτέρασ βύβλου φησὶ προσκαθῆσθαι τῇ Μεσσήνῃ πολεμοῦντασ τούσ τε Καρχηδονίουσ καὶ τοὺσ Συρακοσίουσ, παραγενομένουσ δὲ τοὺσ Ῥωμαίουσ κατὰ θάλατταν εἰσ τὴν πόλιν εὐθὺσ ἐξελθεῖν ἐπὶ τοὺσ Συρακοσίουσ· λαβόντασ δὲ πολλὰσ πληγὰσ ἐπανελθεῖν εἰσ τὴν Μεσσήνην·

αὖθισ δ’ ἐπὶ τοὺσ Καρχηδονίουσ ἐκπορευθέντασ οὐ μόνον πληγὰσ λαβεῖν, ἀλλὰ καὶ ζωγρίᾳ τῶν στρατιωτῶν ἱκανοὺσ ἀποβαλεῖν. ταῦτα δ’ εἰπὼν τὸν μὲν Ιἕρωνά φησι μετὰ τὴν γενομένην συμπλοκὴν οὕτωσ ἔξω γενέσθαι τοῦ φρονεῖν ὥστε μὴ μόνον παραχρῆμα τὸν χάρακα καὶ τὰσ σκηνὰσ ἐμπρήσαντα φυγεῖν νυκτὸσ εἰσ τὰσ Συρακούσασ, ἀλλὰ καὶ τὰ φρούρια πάντα καταλιπεῖν τὰ κείμενα κατὰ τῆσ τῶν Μεσσηνίων χώρασ·

ὁμοίωσ δὲ καὶ τοὺσ Καρχηδονίουσ μετὰ τὴν μάχην εὐθέωσ ἐκλιπόντασ τὸν χάρακα διελεῖν σφᾶσ εἰσ τὰσ πόλεισ, τῶν δ’ ὑπαίθρων οὐδ’ ἀντιποιεῖσθαι τολμᾶν ἔτι·

διὸ καὶ συνθεωρήσαντασ τοὺσ ἡγουμένουσ αὐτῶν ἀποδεδειλιακότασ τοὺσ ὄχλουσ βουλεύσασθαι μὴ κρίνειν διὰ μάχησ τὰ πράγματα· τοὺσ δὲ Ῥωμαίουσ ἑπομένουσ αὐτοῖσ οὐ μόνον τὴν χώραν πορθεῖν τῶν Καρχηδονίων καὶ Συρακοσίων, ἀλλὰ καὶ τὰσ Συρακούσασ αὐτὰσ προσκαθίσαντασ ἐπιβαλέσθαι πολιορκεῖν.

ταῦτα δ’, ὡσ ἐμοὶ δοκεῖ, τῆσ πάσησ ἐστὶν ἀλογίασ πλήρη καὶ διαστολῆσ οὐ προσδεῖται τὸ παράπαν.

οὓσ μὲν γὰρ πολιορκοῦντασ τὴν Μεσσήνην καὶ νικῶντασ ἐν ταῖσ συμπλοκαῖσ ὑπέθετο, τούτουσ φεύγοντασ καὶ τῶν ὑπαίθρων ἐκχωροῦντασ καὶ τέλοσ πολιορκουμένουσ καὶ ταῖσ ψυχαῖσ ἀποδεδειλιακότασ ἀπέφηνεν·

οὓσ δ’ ἡττωμένουσ καὶ πολιορκουμένουσ ὑπεστήσατο, τούτουσ διώκοντασ καὶ παραχρῆμα κρατοῦντασ τῶν ὑπαίθρων καὶ τέλοσ πολιορκοῦντασ τὰσ Συρακούσασ ἀπέδειξε.

ταῦτα δὲ συνᾴδειν ἀλλήλοισ οὐδαμῶσ δύναται·

πῶσ γάρ; ἀλλ’ ἀναγκαῖον ἢ τὰσ ὑποθέσεισ εἶναι τὰσ πρώτασ ψευδεῖσ ἢ τὰσ ὑπὲρ τῶν συμβαινόντων ἀποφάσεισ. εἰσὶ δ’ αὗται μὲν ἀληθεῖσ·

καὶ γὰρ ἐξεχώρησαν οἱ Καρχηδόνιοι καὶ Συρακόσιοι τῶν ὑπαίθρων, καὶ τὰσ Συρακούσασ ἐπολέμουν οἱ Ῥωμαῖοι κατὰ πόδασ, ὡσ δ’ οὗτόσ φησι, καὶ τὴν Ἐχέτλαν, ἐν μέσῃ κειμένην τῇ τῶν Συρακοσίων καὶ Καρχηδονίων ἐπαρχίᾳ. λοιπὸν ἀνάγκη συγχωρεῖν τὰσ ἀρχὰσ καὶ τὰσ ὑποθέσεισ εἶναι ψευδεῖσ, καὶ νικώντων εὐθέωσ τῶν Ῥωμαίων ἐν ταῖσ περὶ τὴν Μεσσήνην συμπλοκαῖσ ἡττημένουσ αὐτοὺσ ἡμῖν ὑπὸ τοῦ συγγραφέωσ ἀπηγγέλθαι.

Φιλῖνον μὲν οὖν παρ’ ὅλην ἄν τισ τὴν πραγματείαν εὑρ́οι τοιοῦτον ὄντα, παραπλησίωσ δὲ καὶ Φάβιον, ὡσ ἐπ’ αὐτῶν δειχθήσεται τῶν καιρῶν.

ἡμεῖσ δ’ ἐπειδὴ τοὺσ ἁρμόζοντασ πεποιήμεθα λόγουσ ὑπὲρ τῆσ παρεκβάσεωσ, ἐπανελθόντεσ ἐπὶ τὰσ πράξεισ πειρασόμεθα προστιθέντεσ ἀεὶ τὸν ἑξῆσ λόγον εἰσ ἀληθινὰσ ἐννοίασ ἄγειν διὰ βραχέων τοὺσ ἐντυγχάνοντασ ὑπὲρ τοῦ προειρημένου πολέμου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 15

(폴리비오스, Histories, book 1, chapter 15)

상위

목록

SEARCH

MENU NAVIGATION