헬라어 문장 검색 - ΠολψβίΗιστορί01́004́

(폴리비오스, Histories, book 1, chapter 4)

ίκοντο τῆσ τῶν ὅλων ἀρχῆσ καὶ δυναστείασ. τὸ γὰρ τῆσ ἡμετέρασ πραγματείασ ἴδιον καὶ τὸ θαυμάσιον τῶν καθ’ ἡμᾶσ καιρῶν τοῦτ’ ἔστιν ὅτι, καθάπερ ἡ τύχη σχεδὸν ἅπαντα τὰ τῆσ οἰκουμένησ πράγματα πρὸσ ἓν ἔκλινε μέροσ καὶ πάντα νεύειν ἠνάγκασε πρὸσ ἕνα καὶ τὸν αὐτὸν σκοπόν, οὕτωσ καὶ δεῖ διὰ τῆσ ἱστορίασ ὑπὸ μίαν σύνοψιν ἀγαγεῖν τοῖσ ἐντυγχάνουσι τὸν χειρισμὸν τῆσ τύχησ, ᾧ κέχρηται πρὸσ τὴν τῶν ὅλων πραγμάτων συντέλειαν. καὶ γὰρ τὸ προκαλεσάμενον ἡμᾶσ καὶ παρορμῆσαν πρὸσ τὴν ἐπιβολὴν τῆσ ἱστορίασ μάλιστα τοῦτο γέγονεν, σὺν δὲ τούτῳ καὶ τὸ μηδένα τῶν καθ’ ἡμᾶσ ἐπιβεβλῆσθαι τῇ τῶν καθόλου πραγμάτων συντάξει·

πολὺ γὰρ ἂν ἧττον ἔγωγε πρὸσ τοῦτο τὸ μέροσ ἐφιλοτιμήθην. παντελῶσ ὑπέλαβον ἀναγκαῖον εἶναι τὸ μὴ παραλιπεῖν μηδ’ ἐᾶσαι παρελθεῖν ἀνεπιστάτωσ τὸ κάλλιστον ἅμα δ’ ὠφελιμώτατον ἐπιτήδευμα τῆσ τύχησ.

πολλὰ γὰρ αὕτη καινοποιοῦσα καὶ συνεχῶσ ἐναγωνιζομένη τοῖσ τῶν ἀνθρώπων βίοισ οὐδέπω τοιόνδ’ ἁπλῶσ οὔτ’ εἰργάσατ’ ἔργον οὔτ’ ἠγωνίσατ’ ἀγώνισμα, οἱο͂ν τὸ καθ’ ἡμᾶσ.

ὅπερ ἐκ μὲν τῶν κατὰ μέροσ γραφόντων τὰσ ἱστορίασ οὐχ οἱο͂́ν τε συνιδεῖν, εἰ μὴ καὶ τὰσ ἐπιφανεστάτασ πόλεισ τισ κατὰ μίαν ἑκάστην ἐπελθὼν ἢ καὶ νὴ Δία γεγραμμένασ χωρὶσ ἀλλήλων θεασάμενοσ εὐθέωσ ὑπολαμβάνει κατανενοηκέναι καὶ τὸ τῆσ ὅλησ οἰκουμένησ σχῆμα καὶ τὴν σύμπασαν αὐτῆσ θέσιν καὶ τάξιν·

ὅπερ ἐστὶν οὐδαμῶσ εἰκόσ. καθόλου μὲν γὰρ ἔμοιγε δοκοῦσιν οἱ πεπεισμένοι διὰ τῆσ κατὰ μέροσ ἱστορίασ μετρίωσ συνόψεσθαι τὰ ὅλα παραπλήσιόν τι πάσχειν, ὡσ ἂν εἴ τινεσ ἐμψύχου καὶ καλοῦ σώματοσ γεγονότοσ διερριμμένα τὰ μέρη θεώμενοι νομίζοιεν ἱκανῶσ αὐτόπται γίνεσθαι τῆσ ἐνεργείασ αὐτοῦ τοῦ ζῴου καὶ καλλονῆσ.

εἰ γάρ τισ αὐτίκα μάλα συνθεὶσ καὶ τέλειον αὖθισ ἀπεργασάμενοσ τὸ ζῷον τῷ τ’ εἴδει καὶ τῇ τῆσ ψυχῆσ εὐπρεπείᾳ κἄπειτα πάλιν ἐπιδεικνύοι τοῖσ αὐτοῖσ ἐκείνοισ, ταχέωσ ἂν οἶμαι πάντασ αὐτοὺσ ὁμολογήσειν διότι καὶ λίαν πολύ τι τῆσ ἀληθείασ ἀπελείποντο πρόσθεν καὶ παραπλήσιοι τοῖσ ὀνειρώττουσιν ἦσαν.

ἔννοιαν μὲν γὰρ λαβεῖν ἀπὸ μέρουσ τῶν ὅλων δυνατόν, ἐπιστήμην δὲ καὶ γνώμην ἀτρεκῆ σχεῖν ἀδύνατον.

διὸ παντελῶσ βραχύ τι νομιστέον συμβάλλεσθαι τὴν κατὰ μέροσ ἱστορίαν πρὸσ τὴν τῶν ὅλων ἐμπειρίαν καὶ πίστιν.

ἐκ μέντοι γε τῆσ ἁπάντων πρὸσ ἄλληλα συμπλοκῆσ καὶ παραθέσεωσ, ἔτι δ’ ὁμοιότητοσ καὶ διαφορᾶσ, μόνωσ ἄν τισ ἐφίκοιτο καὶ δυνηθείη κατοπτεύσασ ἅμα καὶ τὸ χρήσιμον καὶ τὸ τερπνὸν ἐκ τῆσ ἱστορίασ ἀναλαβεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 4

(폴리비오스, Histories, book 1, chapter 4)

상위

목록

SEARCH

MENU NAVIGATION