헬라어 텍스트

Plutarch, Pompey, chapter 78

(플루타르코스, Pompey, chapter 78)

ταῦτα κυρώσαντεσ ἐπ’ Ἀχιλλᾷ ποιοῦνται τὴν πρᾶξιν. ὁ δὲ Σεπτίμιόν τινα πάλαι γεγονότα Πομπηϊού ταξίαρχον παραλαβών, καὶ Σάλβιον ἕτερον ἑκατοντάρχην καὶ τρεῖσ ἢ τέτταρασ ὑπηρέτασ, ἀνήχθη πρὸσ τὴν Πομπηϊού ναῦν. ἔτυχον δὲ πάντεσ εἰσ αὐτὴν οἱ δοκιμώτατοι τῶν συμπλεόντων ἐμβεβηκότεσ, ὅπωσ εἰδεῖεν τὸ πραττόμενον. ὡσ οὖν εἶδον οὐ βασιλικὴν οὐδὲ λαμπρὰν οὐδὲ ταῖσ Θεοφάνουσ ἐλπίσιν ὁμοίαν ὑποδοχήν, ἀλλ’ ἐπὶ μιᾶσ ἁλιάδοσ προσπλέοντασ ὀλίγουσ ἀνθρώπουσ, ὑπείδοντο τὴν ὀλιγωρίαν καὶ τῷ Πομπηϊῴ παρῄνουν εἰσ πέλαγοσ ἀνακρούεσθαι τὴν ναῦν, ἑώσ ἔξω βέλουσ εἰσίν.

ἐν τούτῳ δὲ πελαζούσησ τῆσ ἁλιάδοσ φθάσασ ὁ Σεπτίμιοσ ἐξανέστη καὶ Ῥωμαϊστὶ τὸν Πομπήϊον αὐτοκράτορα προσηγόρευσεν. ὁ δὲ Ἀχιλλᾶσ ἀσπασάμενοσ αὐτὸν Ἑλληνιστὶ παρεκάλει μετελθεῖν εἰσ τὴν ἁλιάδα·

τέναγοσ γὰρ εἶναι πολύ, καὶ βάθοσ οὐκ ἔχειν πλόϊμον τριήρει τὴν θάλατταν ὑπόψαμμον οὖσαν. ἅμα δὲ καὶ ναῦσ τινεσ ἑωρῶντο τῶν βασιλικῶν πληρούμεναι, καὶ τὸν αἰγιαλὸν ὁπλῖται κατεῖχον, ὥστ’ ἄφυκτα καὶ μεταβαλλομένοισ ἐφαίνετο, καὶ προσῆν τὸ διδόναι τοῖσ φονεῦσι τὴν ἀπιστίαν αὐτὴν τῆσ ἀδικίασ ἀπολογίαν. ἀσπασάμενοσ οὖν τὴν Κορνηλίαν προαποθρηνοῦσαν αὐτὸν τὸ τέλοσ, καὶ δύο ἑκατοντάρχασ προεμβῆναι κελεύσασ καὶ τῶν ἀπελευθέρων ἕνα Φίλιππον καὶ θεράποντα Σκύθην ὄνομα, δεξιουμένων αὐτὸν ἤδη τῶν περὶ τὸν Ἀχιλλᾶν ἐκ τῆσ ἁλιάδοσ, μεταστραφεὶσ πρὸσ τὴν γυναῖκα καὶ τὸν υἱὸν εἶπε Σοφοκλέουσ ἰαμβεῖα·

ὅστισ δὲ πρὸσ τύραννον ἐμπορεύεται, κείνου ’ στὶ δοῦλοσ, κἂν ἐλεύθεροσ μόλῃ.