헬라어 문장 검색 - Πλυταρ́Πομπεψ́71́

(플루타르코스, Pompey, chapter 71)

ὡσ δ’ οὖν τὸ Φαρσάλιον πεδίον ἀνδρῶν καὶ ἵππων καὶ ὅπλων ἀνεπέπληστο καὶ μάχησ ἤρθη παρ’ ἀμφοτέρων σημεῖα, πρῶτοσ ἐκ τῆσ Καίσαροσ φάλαγγοσ ἐξέδραμε Γάϊοσ Κρασσιανόσ, ἀνδρῶν ἑκατὸν εἴκοσι λοχαγῶν, μεγάλην ἀποδιδοὺσ ὑπόσχεσιν Καίσαρι. πρῶτον γὰρ αὐτὸν ἐξιὼν τοῦ χάρακοσ εἶδε, καὶ προσαγορεύσασ ἤρετο πῶσ φρονοίη περὶ τῆσ μάχησ, ὁ δὲ τὴν δεξιὰν προτείνασ ἀνεβόησε·

"νικήσεισ λαμπρῶσ, ὦ Καῖσαρ· "ἐμὲ δὲ ἢ ζῶντα τήμερον ἢ νεκρὸν ἐπαινέσεισ. τούτων τῶν λόγων μεμνημένοσ ἐξώρμησε καὶ συνεπεσπάσατο πολλοὺσ καὶ προσέβαλε κατὰ μέσουσ τοὺσ πολεμίουσ, γενομένου δὲ τοῦ ἀγῶνοσ εὐθὺσ ἐν ξίφεσι καὶ πολλῶν φονευομένων, βιαζόμενον πρόσω καὶ διακόπτοντα τοὺσ πρώτουσ ὑποστάσ τισ ὠθεῖ διὰ τοῦ στόματοσ τὸ ξίφοσ, ὥστε τὴν αἰχμὴν περάσασαν ἀνασχεῖν κατὰ τὸ ἰνίον. πεσόντοσ δὲ τοῦ Κρασσιανοῦ, κατὰ τοῦτο μὲν ἦν ἰσόρροποσ ἡ μάχη, τὸ δὲ δεξιὸν ὁ Πομπήϊοσ οὐ ταχέωσ ἐπῆγεν, ἀλλὰ παπταίνων ἐπὶ θάτερα καὶ τὸ τῶν ἱππέων ἀναμένων ἔργον ἐνδιέτριβεν.

ἤδη δὲ ἐκεῖνοι τοὺσ οὐλαμοὺσ ἀνῆγον ὡσ κυκλωσόμενοι τὸν Καίσαρα, καὶ τοὺσ προτεταγμένουσ ἱππεῖσ ὀλίγουσ ὄντασ ἐμβαλοῦντεσ εἰσ τὴν φάλαγγα.

Καίσαροσ δὲ σημεῖον ἄραντοσ, οἱ μὲν ἱππεῖσ ἐξανεχώρησαν, αἱ δὲ ἐπιτεταγμέναι σπεῖραι πρὸσ τὴν κύκλωσιν ἐκδραμοῦσαι, τρισχίλιοι ἄνδρεσ, ὑπαντιάζουσι τοὺσ πολεμίουσ, καὶ παριστάμενοι καθ’ ἵππων, ὡσ ἐδιδάχθησαν, ὑψηλοῖσ ἐχρῶντο τοῖσ ὑσσοῖσ, ἐφιέμενοι τῶν προσώπων, οἱ δέ, ἅτε μάχησ πάσησ ἄπειροι, τοιαύτην δὲ μὴ προσδοκήσαντεσ μηδὲ προμαθόντεσ, οὐκ ἐτόλμων οὐδὲ ἠνείχοντο τὰσ πληγὰσ ἐν ὄμμασι καὶ στόμασιν οὔσασ, ἀλλ’ ἀποστρεφόμενοι καὶ προϊσχόμενοι τῶν ὄψεων τὰσ χεῖρασ ἀκλεῶσ ἐτράποντο. φευγόντων δὲ τούτων ἀμελήσαντεσ οἱ Καίσαροσ ἐχώρουν ἐπὶ τοὺσ πεζούσ, ᾗ μάλιστα τῶν ἱππέων τὸ κέρασ ἐψιλωμένον περιδρομὴν ἐδίδου καὶ κύκλωσιν.

ἅμα δὲ τούτων ἐκ πλαγίου προσπεσόντων καὶ κατὰ στόμα τοῦ δεκάτου προσμίξαντοσ οὐχ ὑπέμειναν οὐδὲ συνέστησαν, ὁρῶντεσ ἐν ᾧ κυκλώσεσθαι τοὺσ πολεμίουσ ἤλπιζον αὑτοὺσ τοῦτο πάσχοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 71

(플루타르코스, Pompey, chapter 71)

상위

목록

SEARCH

MENU NAVIGATION