헬라어 문장 검색 - Πλυταρ́Πομπεψ́69́

(플루타르코스, Pompey, chapter 69)

Πομπήϊοσ δὲ τὸ μὲν δεξιὸν αὐτὸσ ἔχων ἔμελλεν ἀνθίστασθαι πρὸσ Ἀντώνιον, ἐν δὲ τῷ μέσῳ Σκηπίωνα τὸν πενθερὸν ἀντέταξε Καλβίνῳ Λευκίῳ, τὸ δὲ εὐώνυμον εἶχε μὲν Λεύκιοσ Δομέτιοσ, ἐρρώσθη δὲ τῷ πλήθει τῶν ἱππέων, ἐνταῦθα γὰρ ὀλίγου δεῖν ἅπαντεσ ἐρρύησαν ὡσ Καίσαρα βιασόμενοι καὶ τὸ δέκατον τάγμα διακόψοντεσ, οὗ πλεῖστοσ ἦν ὁ λόγοσ ὡσ μαχιμωτάτου, καὶ Καῖσαρ ἐν ἐκείνῳ ταττόμενοσ εἰώθει μάχεσθαι. κατιδὼν δὲ πεφραγμένον ἵππῳ τοσαύτῃ τῶν πολεμίων τὸ εὐώνυμον, καὶ φοβηθεὶσ τὴν λαμπρότητα τοῦ ὁπλισμοῦ, μετεπέμψατο σπείρασ ἓξ ἀπὸ τῶν ἐπιταγμάτων καὶ κατέστησεν ὄπισθεν τοῦ δεκάτου, κελεύσασ ἡσυχίαν ἄγειν ἀδήλουσ τοῖσ πολεμίοισ ὄντασ·

ὅταν δὲ προσελαύνωσιν οἱ ἱππεῖσ, διὰ τῶν προμάχων ἐκδραμόντασ μὴ προέσθαι τοὺσ ὑσσούσ, ὥσπερ εἰώθασιν οἱ κράτιστοι σπευδοντεσ ἐπὶ τὰσ ξιφουλκίασ, ἀλλὰ παίειν ἄνω συντιτρώσκοντασ ὄμματα καὶ πρόσωπα τῶν πολεμίων οὐ γὰρ μενεῖν τοὺσ καλοὺσ τούτουσ καὶ ἀνθηροὺσ πυρριχιστὰσ διὰ τὸν ὡραϊσμόν, οὐδὲ ἀντιβλέψειν πρὸσ τὸν σίδηρον ἐν ὀφθαλμοῖσ γινόμενον.

ἐν τούτοισ μὲν οὖν ὁ Καῖσαρ ἦν. ὁ δὲ Πομπήϊοσ ἀφ’ ἵππου τὴν παράταξιν ἐπισκοπῶν, ὡσ ἑώρα τοὺσ μὲν ἀντιπάλουσ μεθ’ ἡσυχίασ τὸν καιρὸν ἐν τάξει προσμένοντασ, τῆσ δ’ ὑφ’ αὑτῷ στρατιᾶσ τὸ πλεῖστον οὐκ ἀτρεμοῦν, ἀλλὰ κυμαῖνον ἀπειρίᾳ καὶ θορυβούμενον, ἔδεισε μὴ διασπασθῇ παντάπασιν ἐν ἀρχῇ τῆσ μάχησ, καὶ παράγγελμα τοῖσ προτεταγμένοισ ἔδωκεν ἑστῶτασ ἐν προβολῇ καὶ μένοντασ ἀραρότωσ δέχεσθαι τοὺσ πολεμίουσ, ὁ δὲ Καῖσαρ αἰτιᾶται τὸ στρατήγημα τοῦτο·

τῶν τε γὰρ πληγῶν τὸν ἐξ ἐπιδρομῆσ τόνον ἀμαυρῶσαι, καὶ τὴν μάλιστα τοὺσ πολλοὺσ ἐν τῷ συμφέρεσθαι τοῖσ πολεμίοισ πληροῦσαν ἐνθουσιασμοῦ καὶ φορᾶσ ἀντεξόρμησιν, ἅμα κραυγῇ καὶ δρόμῳ τὸν θυμὸν αὔξουσαν, ἀφελόντα πῆξαι καὶ καταψῦξαι τοὺσ ἄνδρασ, ἦσαν δὲ οἱ μὲν μετὰ Καίσαροσ δισχίλιοι πρὸσ δισμυρίοισ, οἱ δὲ μετὰ Πομπηϊού βραχεῖ πλείονεσ ἢ διπλάσιοι τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 69

(플루타르코스, Pompey, chapter 69)

상위

목록

SEARCH

MENU NAVIGATION