헬라어 문장 검색 - Πλυταρ́Πομπεψ́66́

(플루타르코스, Pompey, chapter 66)

ἐπὶ τούτῳ μέγα φρονήσαντεσ οἱ Πομπηϊού διὰ μάχησ ἔσπευδον κριθῆναι. Πομπήϊοσ δὲ τοῖσ μὲν ἔξω βασιλεῦσι καὶ στρατηγοῖσ καὶ πόλεσιν ὡσ νενικηκὼσ ἔγραφε, τὸν δὲ τῆσ μάχησ κίνδυνον ὠρρώδει, τῷ χρόνῳ καὶ ταῖσ ἀπορίαισ καταπολεμήσειν νομίζων ἄνδρασ ἀμάχουσ μὲν ἐν τοῖσ ὅπλοισ καὶ συνειθισμένουσ νικᾶν μετ’ ἀλλήλων πολὺν ἤδη χρόνον, πρὸσ δὲ τὴν ἄλλην στρατείαν καὶ πλάνασ καὶ μεταβάσεισ καὶ τάφρων ὀρύξεισ καὶ τειχῶν οἰκοδομίασ ἀπαγορεύοντασ ὑπὸ γήρωσ, καὶ διὰ τοῦτο ταῖσ χερσὶν ἐμφῦναι τάχιστα καὶ συμπλακῆναι σπεύδοντασ, οὐ μὴν ἀλλὰ πρότερον ἁμῶσ γέ πωσ παρῆγε πείθων τοὺσ περὶ αὐτὸν ἀτρεμεῖν ὁ Πομπήϊοσ· ἐπεὶ δὲ μετὰ τὴν μάχην ὁ Καῖσαρ ὑπὸ τῶν ἀποριῶν ἀναστὰσ ἐβάδιζε δι’ Ἀθαμάνων εἰσ Θετταλίαν, οὐκέτι καθεκτὸν ἦν τὸ φρόνημα τῶν ἀνδρῶν , ἀλλὰ φεύγειν Καίσαρα βοῶντεσ οἱ μὲν ἀκολουθεῖν καὶ διώκειν ἐκέλευον, οἱ δὲ διαβαίνειν εἰσ Ἰταλίαν, οἱ δὲ θεράποντασ εἰσ Ῥώμην καὶ φίλουσ ἔπεμπον οἰκίασ προκαταληψομένουσ ἐγγὺσ ἀγορᾶσ ὡσ αὐτίκα μετιόντεσ ἀρχάσ, ἐθελονταὶ δὲ πολλοὶ πρὸσ Κορνηλίαν ἔπλεον εἰσ Λέσβον εὐαγγελιζόμενοι πέρασ ἔχειν τὸν πόλεμον·

ἐκεῖ γὰρ αὐτὴν ὑπεξέπεμψεν ὁ Πομπήϊοσ.

αὐτὸσ δὲ Πομπήϊοσ οὔτε πρὸσ δόξαν ἡγεῖτο καλὸν αὑτῷ δευτέραν φυγὴν φεύγειν Καίσαρα καὶ διώκεσθαι, τῆσ τύχησ διώκειν διδούσησ, οὔτε ὅσιον ἐγκαταλιπεῖν Σκηπίωνα καὶ τοὺσ περὶ τὴν Ἑλλάδα καὶ Θετταλίαν ἄνδρασ ὑπατικούσ, εὐθὺσ ὑπὸ Καίσαρι γενησομένουσ μετὰ χρημάτων καὶ δυνάμεων μεγάλων, τῆσ δὲ Ῥώμησ μάλιστα κήδεσθαι τὸν ἀπωτάτω πολεμοῦντα περὶ αὐτῆσ, ὅπωσ ἀπαθὴσ κακῶν οὖσα καὶ ἀνήκοοσ περιμένῃ τὸν κρατοῦντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 66

(플루타르코스, Pompey, chapter 66)

상위

목록

SEARCH

MENU NAVIGATION