헬라어 문장 검색 - Πλυταρ́Πομπεψ́51́

(플루타르코스, Pompey, chapter 51)

ἐν τούτῳ δὲ τῷ χρόνῳ μέγαν ἦραν οἱ Κελτικοὶ πόλεμοι Καίσαρα· καὶ δοκῶν πορρωτάτω τῆσ Ῥώμησ ἀπεῖναι καὶ συνηρτῆσθαι Βέλγαισ καὶ Σουήβοισ καὶ Βρεττανοῖσ, ἐλάνθανεν ὑπὸ δεινότητοσ ἐν μέσῳ τῷ δήμῳ καὶ τοῖσ κυριωτάτοισ πράγμασι καταπολιτευόμενοσ τὸν Πομπήϊον. αὐτὸσ μὲν γὰρ ὡσ σῶμα τὴν στρατιωτικὴν δύναμιν περικείμενοσ, οὐκ ἐπὶ τοὺσ βαρβάρουσ, ἀλλ’ ὥσπερ ἐν θήραισ καὶ κυνηγεσίοισ τοῖσ πρὸσ ἐκείνουσ ἀγῶσι γυμνάζων, διεπόνει, καὶ κατεσκεύαζεν ἄμαχον καὶ φοβεράν, χρυσὸν δὲ καὶ ἄργυρον καὶ τἆλλα λάφυρα καὶ τὸν ἄλλον πλοῦτον τὸν ἐκ πολέμων τοσούτων περιγινόμενον εἰσ τὴν Ῥώμην ἀποστέλλων, καὶ διαπειρῶν ταῖσ δωροδοκίαισ καὶ συγχορηγῶν ἀγορανόμοισ καὶ στρατηγοῖσ καὶ ὑπάτοισ καὶ γυναιξὶν αὐτῶν, ᾠκειοῦτο πολλούσ·

ὥστε ὑπερβαλόντοσ αὐτοῦ τὰσ Ἄλπεισ καὶ διαχειμάζοντοσ ἐν Λούκῃ, τῶν μὲν ἄλλων ἀνδρῶν καὶ γυναικῶν ἁμιλλωμένων καὶ φερομένων πολὺ πλῆθοσ γενέσθαι, συγκλητικοὺσ δὲ διακοσίουσ, ἐν οἷσ καὶ Πομπήϊοσ ἦν καὶ Κράσσοσ, ἀνθυπάτων δὲ καὶ στρατηγῶν ἑκατὸν εἴκοσι ῥάβδουσ ἐπὶ ταῖσ Καίσαροσ θύραισ ὀφθῆναι.

τοὺσ μὲν οὖν ἄλλουσ ἅπαντασ ἐμπλήσασ ἐλπίδων καὶ χρημάτων ἀπέστελλε, Κράσσῳ δὲ καὶ Πομπηϊῴ πρὸσ αὐτὸν ἐγένοντο συνθῆκαι, μετιέναι μὲν ὑπατείασ ἐκείνουσ καὶ Καίσαρα συλλαμβάνειν αὐτοῖσ, πέμποντα τῶν στρατιωτῶν συχνοὺσ ἐπὶ τὴν ψῆφον, ἐπὰν δὲ αἱρεθῶσι τάχιστα, πράττειν μὲν ἑαυτοῖσ ἐπαρχιῶν καὶ στρατοπέδων ἡγεμονίασ, Καίσαρι δὲ τὰσ οὔσασ βεβαιοῦν εἰσ ἄλλην πενταετίαν.

ἐπὶ τούτοισ ἐξενεχθεῖσιν εἰσ τοὺσ πολλοὺσ χαλεπῶσ ἔφερον οἱ πρῶτοι·

καὶ Μαρκελλῖνοσ ἐν τῷ δήμῳ καταστὰσ ἀμφοῖν ἐναντίον ἠρώτησεν εἰ μετίασιν ὑπατείαν. καὶ τῶν πολλῶν ἀποκρίνασθαι κελευόντων, πρῶτοσ Πομπήϊοσ εἶπεν ὡσ τάχα μὲν ἂν μετέλθοι, τάχα δὲ· οὐκ ἂν μετέλθοι· Κράσσοσ δὲ πολιτικώτερον οὕτω γὰρ ἔφη πράξειν ὁποτέρωσ ἂν οἰήται τῷ κοινῷ συνοίσειν. ἐπιφυομένου δὲ Πομπηϊῴ Μαρκελλίνου καὶ σφοδρῶσ λέγειν δοκοῦντοσ, ὁ Πομπήϊοσ ἔφη πάντων ἀδικώτατον εἶναι τὸν Μαρκελλῖνον, ὃσ χάριν οὐκ ἔχει λόγιοσ μὲν ἐξ ἀφώνου δι’ αὐτόν, ἐμετικὸσ δὲ ἐκ πεινατικοῦ γενόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 51

(플루타르코스, Pompey, chapter 51)

상위

목록

SEARCH

MENU NAVIGATION