헬라어 문장 검색 - Πλυταρ́Πομπεψ́49́

(플루타르코스, Pompey, chapter 49)

ἐπεὶ δὲ καὶ πληγὰσ ἐν ἀγορᾷ μέχρι τραυμάτων συνέβη γενέσθαι, καί Κλωδίου τισ οἰκέτησ παραδυόμενοσ ἐν ὄχλῳ διὰ τῶν περιεστώτων πρὸσ τὸν Πομπήϊον ἠλέγχθη ξίφοσ ἔχειν, ταῦτα ποιούμενοσ πρόφασιν, ἄλλωσ δὲ τοῦ Κλωδίου τήν ἀσέλγειαν καί τὰσ βλασφημίασ δεδιώσ, οὐκέτι προῆλθεν εἰσ ἀγορὰν ὅσον ἐκεῖνοσ ἦρχε χρόνον, ἀλλ’ οἰκουρῶν διετέλει καὶ σκεπτόμενοσ μετὰ τῶν φίλων ὅπωσ ἂν ἐξακέσαιτο τῆσ βουλῆσ καί τῶν ἀρίστων τήν πρὸσ αὐτὸν ὀργήν. Κουλλέωνι μὲν οὖν κελεύοντι τήν Ιοὐλίαν ἀφεῖναι καί μεταβαλέσθαι πρὸσ τήν σύγκλητον ἀπὸ τῆσ Καίσαροσ φιλίασ οὐ προσέσχε, τοῖσ δὲ Κικέρωνα καταγαγεῖν ἀξιοῦσιν, ἄνδρα καί Κλωδίῳ πολεμιώτατον καί τῇ βουλῇ προσφιλέστατον, ἐπείσθη·

καί προαγαγὼν τὸν ἀδελφὸν αὐτοῦ δεόμενον σὺν χειρὶ πολλῇ, τραυμάτων ἐν ἀγορᾷ γενομένων καί τινων ἀναιρεθέντων, ἐκράτησε τοῦ Κλωδίου. καί νόμῳ κατελθὼν ὁ Κικέρων τήν τε βουλὴν εὐθὺσ τῷ Πομπηϊῴ διήλλαττε, καί τῷ σιτικῷ νόμῳ συνηγορῶν τρόπῳ τινὶ πάλιν γῆσ καί θαλάττησ, ὅσην ἐκέκτηντο Ῥωμαῖοι, κύριον ἐποίει Πομπήϊον.

ἐπ’ αὐτῷ γὰρ ἐγίνοντο λιμένεσ, ἐμπόρια, καρπῶν διαθέσεισ, ἑνὶ λόγῳ, τὰ τῶν πλεόντων πράγματα, τὰ τῶν γεωργούντων. Κλώδιοσ δὲ ᾐτιᾶτο μὴ γεγράφθαι τὸν νόμον διὰ τήν σιτοδείαν, ἀλλ’ ὅπωσ ὁ νόμοσ γραφείη γεγονέναι τήν σιτοδείαν, ὥσπερ ἐκ λιποθυμίασ αὐτοῦ μαραινομένην τήν δύναμιν ἀρχῇ νέᾳ πάλιν ἀναζωπυροῦντοσ καί ἀναλαμβάνοντοσ.

ἕτεροι δὲ τοῦ ὑπάτου Σπινθῆροσ ἀποφαίνουσι τοῦτο σόφισμα, κατακλείσαντοσ εἰσ ἀρχὴν μείζονα Πομπήϊον, ὅπωσ αὐτὸσ ἐκπεμφθῇ Πτολεμαίῳ τῷ βασιλεῖ βοηθῶν. οὐ μὴν ἀλλὰ καί Κανίδιοσ εἰσήνεγκε δημαρχῶν νόμον, ἄνευ στρατιᾶσ Πομπήϊον ἔχοντα ῥαβδούχουσ δύο διαλλάττειν Ἀλεξανδρεῦσι τὸν βασιλέα, καί Πομπήϊοσ μὲν ἐδόκει τῷ νόμῳ μὴ δυσχεραίνειν, ἡ δὲ σύγκλητοσ ἐξέβαλεν, εὐπρεπῶσ σκηψαμένη δεδιέναι περὶ τἀνδρόσ.

ἦν δὲ γράμμασιν ἐντυχεῖν διερριμμένοισ κατ’ ἀγορὰν καί παρὰ τὸ βουλευτήριον ὡσ δὴ Πτολεμαίου δεομένου Πομπήϊον αὐτῷ στρατηγὸν ἀντὶ τοῦ Σπινθῆροσ δοθῆναι. Τιμαγένησ δὲ καί ἄλλωσ τὸν Πτολεμαῖον οὐκ οὔσησ ἀνάγκησ ἀπελθεῖν φησι, καί καταλιπεῖν Αἴγυπτον ὑπὸ Θεοφάνουσ πεισθέντα πράττοντοσ Πομπηϊῴ χρηματισμοὺσ καί στρατηγίασ καινῆσ ὑπόθεσιν.

ἀλλὰ τοῦτο μὲν οὐχ οὕτωσ ἡ Θεοφάνουσ μοχθηρία πιθανὸν ὡσ ἄπιστον ἡ Πομπηϊού ποιεῖ φύσισ, οὐκ ἔχουσα κακόηθεσ οὐδ’ ἀνελεύθερον οὕτω τὸ φιλότιμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 49

(플루타르코스, Pompey, chapter 49)

상위

목록

SEARCH

MENU NAVIGATION