헬라어 문장 검색 - Πλυταρ́Πομπεψ́48́

(플루타르코스, Pompey, chapter 48)

ἐκ δὲ τούτου Πομπήϊοσ ἐμπλήσασ στρατιωτῶν τὴν πόλιν ἅπαντα τὰ πράγματα βίᾳ κατεῖχε. βύβλῳ τε γὰρ εἰσ ἀγορὰν τῷ ὑπάτῳ κατιόντι μετὰ Λευκόλλου καὶ Κάτωνοσ ἄφνω προσπεσόντεσ κατέκλασαν τὰσ ῥάβδουσ, αὐτοῦ δέ τισ κοπρίων κόφινον ἐκ κεφαλῆσ τοῦ Βύβλου κατεσκέδασε, δύο δὲ δήμαρχοι τῶν συμπροπεμπόντων ἐτρώθησαν. οὕτω δὲ τῶν ἐνισταμένων τὴν ἀγορὰν ἐρημώσαντεσ ἐπεκύρωσαν τὸν περὶ τῆσ διανομῆσ τῶν χωρίων νόμον δελεασθεὶσ ὁ δῆμοσ εἰσ πᾶσαν ἤδη τιθασὸσ αὐτοῖσ ἐγεγόνει καὶ κατάντησ πρᾶξιν, οὐδὲν πολυπραγμονῶν, ἀλλ’ ἐπιφέρων σιωπῇ τοῖσ γραφομένοισ τὴν ψῆφον.

ἐκυρώθησαν οὖν Πομπηϊῴ μὲν αἱ διατάξεισ ὑπὲρ ὧν Λεύκολλοσ ἤριζε, Καίσαρι δὲ τὴν ἐντὸσ Ἄλπεων καὶ τὴν ἐκτὸσ ἔχειν Γαλατίαν καὶ Ἰλλυριοὺσ εἰσ πενταετίαν καὶ τέσσαρα τάγματα τέλεια στρατιωτῶν, ὑπάτουσ δὲ εἰσ τὸ μέλλον εἶναι Πείσωνα τὸν Καίσαροσ πενθερὸν καὶ Γαβίνιον, ἄνδρα τῶν Πομπηϊού κολάκων ὑπερφυέστατον.

πραττομένων δὲ τούτων Βύβλοσ μὲν εἰσ τὴν οἰκίαν κατακλεισάμενοσ ὀκτὼ μηνῶν οὐ προῆλθεν ὑπατεύων, ἀλλ’ ἐξέπεμπε διαγράμματα βλασφημίασ ἀμφοῖν ἔχοντα καὶ κατηγορίασ, Κάτων δὲ ὥσπερ ἐπίπνουσ καὶ φοιβόληπτοσ ἐν τῇ βουλῇ τὰ μέλλοντα τῇ πόλει καὶ τῷ Πομπηϊῴ προηγόρευε, Λεύκολλοσ δὲ ἀπειπὼν ἡσυχίαν ἦγεν ὡσ οὐκέτι πρὸσ πολιτείαν ὡραῖοσ·

ὅτε δὴ καὶ Πομπήϊοσ ἔφη, γέροντι τὸ τρυφᾶν ἀωρότερον εἶναι τοῦ πολιτεύεσθαι. καὶ Κάτωνα προφάσει στρατηγίασ εἰσ Κύπρον ἀπέπεμψε, Καίσαροσ εἰσ Γαλατίαν ἐξεληλακότοσ, αὑτῷ δὲ προσέχοντα τὸν δῆμον ἑώρα πάντα πράττοντι καὶ πολιτευομένῳ πρόσ χάριν, εὐθὺσ ἐπεχείρει τῶν Πομπηϊού διατάξεων ἐνίασ ἀναιρεῖν, καὶ Τιγράνην τὸν αἰχμάλωτον ἀφαρπάσασ εἶχε σὺν αὑτῷ, καὶ τοῖσ φίλοισ δίκασ ἐπῆγε, πεῖραν ἐν ἐκείνοισ τῆσ Πομπηϊού λαμβάνων δυνάμεωσ.

τέλοσ δέ, προελθόντοσ αὐτοῦ πρόσ τινα δίκην, ἔχων ὑφ’ αὑτῷ πλῆθοσ ἀνθρώπων ἀσελγείασ καὶ ὀλιγωρίασ μεστὸν αὐτὸσ μὲν εἰσ ἐπιφανῆ τόπον καταστὰσ ἐρωτήματα τοιαῦτα προὔβαλλε·

"τίσ ἐστιν αὐτοκράτωρ ἀκόλαστοσ; "τίσ ἀνὴρ ἄνδρα ζητεῖ; "τίσ ἑνὶ δακτύλῳ κνᾶται τὴν κεφαλήν; οἱ δέ, ὥσπερ χορὸσ εἰσ ἀμοιβαῖα συγκεκροτημένοσ, ἐκείνου τὴν τήβεννον ἀνασείοντοσ ἐφ’ ἑκάστῳ μέγα βοῶντεσ ἀπεκρίναντο· "Πομπήϊοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 48

(플루타르코스, Pompey, chapter 48)

상위

목록

SEARCH

MENU NAVIGATION