헬라어 문장 검색 - Πλυταρ́Πομπεψ́41́

(플루타르코스, Pompey, chapter 41)

τοῦ δὲ βασιλέωσ τῶν περὶ τὴν Πέτραν Ἀράβων πρότερον μὲν ἐν οὐδενὶ λόγῳ τὰ Ῥωμαίων τιθεμένου, τότε δὲ δείσαντοσ ἰσχυρῶσ καὶ γράψαντοσ ὅτι πάντα πείθεσθαι καὶ ποιεῖν ἔγνωκεν, ἐκβεβαιώσασθαι βουλόμενοσ αὐτοῦ τὴν διάνοιαν ὁ Πομπήϊοσ ἐστράτευσεν ἐπὶ τὴν Πέτραν οὐ πάνυ τι τοῖσ πολλοῖσ ἄμεμπτον στρατείαν· ἀπόδρασιν γὰρ ᾤοντο τῆσ Μιθριδάτου διώξεωσ εἶναι, καὶ πρὸσ ἐκεῖνον ἠξίουν τρέπεσθαι τὸν ἀρχαῖον ἀνταγωνιστήν, αὖθισ ἀναζωπυροῦντα καὶ παρασκευαζόμενον, ὡσ ἀπηγγέλλετο, διὰ Σκυθῶν καὶ Παιόνων στρατὸν ἐλαύνειν ἐπὶ τὴν Ἰταλίαν, ὁ δὲ ῥᾷον οἰόμενοσ αὐτοῦ καταλύσειν τὴν δύναμιν πολεμοῦντοσ ἢ τὸ σῶμα λήψεσθαι φεύγοντοσ, οὐκ ἐβούλετο τρίβεσθαι μάτην περὶ τὴν δίωξιν, ἑτέρασ δὲ τοῦ πολέμου παρενθήκασ ἐποιεῖτο καὶ τὸν χρόνον εἷλκεν.

ἡ δὲ τύχη τὴν ἀπορίαν ἔλυσεν.

οὐκέτι γὰρ αὐτοῦ τῆσ Πέτρασ πολλὴν ὁδὸν ἀπέχοντοσ, ἤδη δὲ τῆσ ἡμέρασ ἐκείνησ βεβλημένου χάρακα καὶ γυμνάζοντοσ ἑαυτὸν ἵππῳ παρὰ τὸ στρατόπεδον, γραμματηφόροι προσήλαυνον ἐκ Πόντου κομίζοντεσ εὐαγγέλια. δῆλοι δ’ εὐθύσ εἰσι ταῖσ αἰχμαῖσ τῶν δοράτων· δάφναισ γὰρ ἀναστέφονται. τούτουσ ἰδόντεσ οἱ στρατιῶται συνετρόχαζον πρὸσ τὸν Πομπήϊον. ὁ δὲ πρῶτον μὲν ἐβούλετο τὰ γυμνάσια συντελεῖν, βοώντων δὲ καὶ δεομένων καταπηδήσασ ἀπὸ τοῦ ἵππου καὶ λαβὼν τὰ γράμματα προῄει.

βήματοσ δὲ οὐκ ὄντοσ οὐδὲ τοῦ στρατιωτικοῦ γενέσθαι φθάσαντοσ ὃ ποιοῦσιν αὐτοὶ τῆσ γῆσ ἐκτομὰσ βαθείασ λαμβάνοντεσ καὶ κατ’ ἀλλήλων συντιθέντεσ, ὑπὸ τῆσ τότε σπουδῆσ καὶ προθυμίασ τὰ σάγματα τῶν ὑποζυγίων συμφορήσαντεσ ὕψοσ ἐξῆραν· ἐπὶ τοῦτο προβὰσ ὁ Πομπήϊοσ ἀπήγγειλεν αὐτοῖσ ὅτι Μιθριδάτησ τέθνηκε στασιάσαντοσ Φαρνάκου τοῦ υἱοῦ διαχρησάμενοσ αὑτόν, τὰ δὲ ἐκεῖ πάντα πράγματα Φαρνάκησ κατεκληρώσατο, καὶ ἑαυτῷ καὶ Ῥωμαίοισ γέγραφε ποιούμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 41

(플루타르코스, Pompey, chapter 41)

상위

목록

SEARCH

MENU NAVIGATION