헬라어 문장 검색 - Πλυταρ́Πομπεψ́36́

(플루타르코스, Pompey, chapter 36)

ὁρμήσασ δὲ μετὰ τὴν μάχην ὁ Πομπήϊοσ ἐλαύνειν ἐπὶ τὴν Ὑρκανίαν καὶ Κασπίαν θάλασσαν, ὑπὸ πλήθουσ ἑρπετῶν θανασίμων ἀπετράπη τριῶν ὁδὸν ἡμερῶν ἀποσχών, εἰσ δὲ τὴν μικρὰν Ἀρμενίαν ἀνεχώρησε. καὶ τῷ μὲν Ἐλυμαίων καὶ Μήδων βασιλεῖ πέμψασι πρέσβεισ ἀντέγραψε φιλικῶσ, τὸν δὲ Πάρθον, εἰσ τὴν Γορδυηνὴν ἐμβεβληκότα καὶ περικόπτοντα τοὺσ ὑπὸ Τιγράνῃ, πέμψασ μετὰ Ἀφρανίου δύναμιν ἐξήλασε διωχθέντα μέχρι τῆσ Ἀρβηλίτιδοσ.

ὅσαι δὲ τῶν Μιθριδάτου παλλακίδων ἀνήχθησαν, οὐδεμίαν ἔγνω, πάσασ δὲ τοῖσ γονεῦσι καὶ οἰκείοισ ἀνέπεμπεν. ἦσαν γὰρ αἱ πολλαὶ θυγατέρεσ καὶ γυναῖκεσ στρατηγῶν καὶ δυναστῶν. Στρατονίκη δέ, ἣ μέγιστον εἶχεν ἀξίωμα καὶ τὸ πολυχρυσότατον τῶν φρουρίων ἐφύλαττεν, ἦν μέν, ὡσ ἐοίκε, ψάλτου τινὸσ οὐχ εὐτυχοῦσ τἆλλα, πρεσβύτου δὲ θυγάτηρ, οὕτω δὲ εὐθὺσ εἷλε παρὰ πότον ψήλασα τὸν Μιθριδάτην, ὥστε ἐκείνην μὲν ἔχων ἀνεπαύετο, τὸν δὲ πρεσβύτην ἀπέπεμψε δυσφοροῦντα τῷ μηδὲ προσρήσεωσ τυχεῖν ἐπιεικοῦσ.

ὡσ μέντοι περὶ ὄρθρον ἐγερθεὶσ εἶδεν ἔνδον ἐκπωμάτων μὲν ἀργυρῶν καὶ χρυσῶν τραπέζασ, ὄχλον δὲ θεραπείασ πολύν, εὐνούχουσ δὲ καὶ παῖδασ ἱμάτια τῶν πολυτελῶν προσφέροντασ αὐτῷ, καὶ πρὸ τῆσ θύρασ ἵππον ἑστῶτα κεκοσμημένον ὥσπερ οἱ τῶν φίλων τοῦ βασιλέωσ, χλευασμὸν εἶναι τὸ χρῆμα καὶ παιδιὰν ἡγούμενοσ ὡρ́μησε φεύγειν διὰ θυρῶν, τῶν δὲ θεραπόντων ἀντιλαμβανομένων, καὶ λεγόντων ὅτι πλουσίου τεθνηκότοσ ἔναγχοσ οἶκον αὐτῷ μέγαν ὁ βασιλεὺσ δεδώρηται, καὶ ταῦτα μικραί τινεσ ἀπαρχαὶ καὶ δείγματα τῶν ἄλλων χρημάτων καὶ κτημάτων εἰσίν, οὕτω πιστεύσασ μόλισ καὶ τὴν πορφύραν ἀναλαβὼν καὶ ἀναπηδήσασ ἐπὶ τὸν ἵππον ἤλαυνε διὰ τῆσ πόλεωσ βοῶν·

"ἐμὰ ταῦτα πάντα ἐστί.

πρὸσ δὲ τοὺσ καταγελῶντασ οὐ τοῦτο ἔλεγεν εἶναι θαυμαστόν, ἀλλ’ ὅτι μὴ λίθοισ βάλλει τοὺσ ἀπαντῶντασ ὑφ’ ἡδονῆσ μαινόμενοσ, ταύτησ μὲν ἦν καὶ γενεᾶσ καὶ αἵματοσ ἡ Στρατονίκη.

τῷ δὲ Πομπηϊῴ καὶ τὸ χωρίον παρεδίδου τοῦτο καὶ δῶρα πολλὰ προσήνεγκεν, ὧν ἐκεῖνοσ ὅσα κόσμον ἱεροῖσ καὶ λαμπρότητα τῷ θριάμβῳ παρέξειν ἐφαίνετο λαβὼν μόνα, τὰ λοιπὰ τὴν Στρατονίκην ἐκέλευε κεκτῆσθαι χαίρουσαν. ὁμοίωσ δὲ καὶ τοῦ βασιλέωσ τῶν Ἰβήρων κλίνην τε καὶ τράπεζαν καὶ θρόνον, ἅπαντα χρυσᾶ, πέμψαντοσ αὐτῷ καὶ δεηθέντοσ λαβεῖν, καὶ ταῦτα τοῖσ ταμίαισ παρέδωκεν εἰσ τὸ δημόσιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 36

(플루타르코스, Pompey, chapter 36)

상위

목록

SEARCH

MENU NAVIGATION