헬라어 문장 검색 - Πλυταρ́Πομπεψ́22́

(플루타르코스, Pompey, chapter 22)

Ψηφισθέντοσ οὖν αὐτῷ δευτέρου θριάμβου καὶ ὑπατείασ οὐ διὰ ταῦτα θαυμαστὸσ ἐδόκει καὶ μέγασ, ἀλλ’ ἐκεῖνο τεκμήριον ἐποιοῦντο τῆσ λαμπρότητοσ, ὅτι Κράσσοσ, ἀνὴρ τῶν τότε πολιτευομένων πλουσιωτατοσ καὶ δεινότατοσ εἰπεῖν καὶ μέγιστοσ, αὐτόν τε Πομπήϊον ὑπερφρονῶν καὶ τούσ ἄλλουσ ἅπαντασ, οὐκ ἐθάρρησεν ὑπατείαν μετιέναι πρότερον ἢ Πομπηϊού δεηθῆναι. καὶ μέντοι Πομπήϊοσ ἠγάπησε, πάλαι δεόμενοσ χρείασ τινὸσ ὑπάρξαι καὶ φιλανθρωπίασ πρὸσ αὐτόν·

ὥστε καὶ δεξιοῦσθαι προθύμωσ καὶ παρακαλεῖν τὸν δῆμον, ἐπαγγελλόμενοσ χάριν ἕξειν οὐκ ἐλάττονα τοῦ συνάρχοντοσ ἢ τῆσ ἀρχῆσ. οὐ μὴν ἀλλ’ ἀποδειχθέντεσ ὕπατοι διεφέροντο πάντα καὶ προσέκρουον ἀλλήλοισ·

καὶ ἐν ’μὲν τῇ βουλῇ μᾶλλον ἴσχυεν ὁ Κράσσοσ, ἐν δὲ τῷ δήμῳ μέγα τὸ Πομπηϊού κράτοσ ἦν. καὶ γὰρ ἀπέδωκε τὴν δημαρχίαν αὐτῷ, καὶ τὰσ δίκασ περιεῖδεν αὖθισ εἰσ τοὺσ ἱππέασ νόμῳ μεταφερομένασ. ἥδιστον δὲ θέαμα τῷ δήμῳ παρέσχεν αὐτὸσ ἑαυτὸν τὴν στρατείαν παραιτούμενοσ. ἔθοσ γάρ ἐστι Ῥωμαίων τοῖσ ἱππεῦσιν, ὅταν στρατεύσωνται τὸν νόμιμον χρόνον, ἄγειν εἰσ ἀγορὰν τὸν ἵππον ἐπὶ τούσ δύο ἄνδρασ οὓσ τιμητὰσ καλοῦσι, καὶ καταριθμησαμένουσ τῶν στρατηγῶν καὶ αὐτοκρατόρων ἕκαστον ὑφ’ οἷσ ἐστρατεύσαντο, καὶ δόντασ εὐθύνασ τῆσ στρατείασ ἀφίεσθαι.

νέμεται δὲ καὶ τιμὴ καὶ ἀτιμία προσήκουσα τοῖσ βίοισ ἑκάστων. τότε δὴ προεκάθηντο μὲν οἱ τιμηταὶ Γέλλιοσ καὶ Λέντλοσ ἐν κόσμῳ, καὶ πάροδοσ ἦν τῶν ἱππέων ἐξεταζομένων, ὤφθη δὲ Πομπήϊοσ ἄνωθεν ἐπ’ ἀγορὰν κατερχόμενοσ, τὰ μὲν ἄλλα παράσημα τῆσ ἀρχῆσ ἔχων, αὐτὸσ δὲ διὰ χειρὸσ ἄγων τὸν ἵππον.

ὡσ δ’ ἐγγὺσ ἦν καὶ καταφανὴσ ἐγεγόνει, κελεύσασ διασχεῖν τοὺσ ῥαβδοφόρουσ τῷ βήματι προσήγαγε τὸν ἵππον. ἦν δὲ τῷ δήμῳ θαῦμα καὶ σιωπὴ πᾶσα, τούσ τε ἄρχοντασ αἰδὼσ ἅμα καὶ χαρὰ πρὸσ τὴν ὄψιν ἔσχεν.

εἶτα ὁ μὲν πρεσβύτεροσ ἠρώτησε· "πυνθάνομαί σου, ὦ Πομπήϊε Μάγνε, εἰ πάσασ ἐστράτευσαι τὰσ κατὰ νόμον στρατείασ; "ἐστράτευμαι, καὶ πάσασ ὑπ’ ἐμαυτῷ αὐτοκράτορι. τοῦτο ἀκούσασ ὁ δῆμοσ ἐξέκραγε, καὶ κατασχεῖν οὐκέτι τὴν βοὴν ὑπὸ χαρᾶσ ἦν, ἀλλ’ ἀναστάντεσ οἱ τιμηταὶ προέπεμπον αὐτόν οἴκαδε, χαριζόμενοι τοῖσ πολίταισ ἑπομένοισ καὶ κροτοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 22

(플루타르코스, Pompey, chapter 22)

상위

목록

SEARCH

MENU NAVIGATION