헬라어 문장 검색 - Πλυταρ́Πομπεψ́20́

(플루타르코스, Pompey, chapter 20)

Πομπήϊοσ δὲ τὰ πλεῖστα τῶν ἰδίων ἐξανηλωκὼσ καὶ κατακεχρημένοσ εἰσ τόν πόλεμον, ᾔτει χρήματα τὴν σύγκλητον, ὡσ ἀφιξόμενοσ εἰσ Ἰταλίαν μετὰ τῆσ δυνάμεωσ εἰ μὴ πέμποιεν. ὑπατεύων δὲ Λεύκολλοσ τότε καὶ Πομπηϊῴ μὲν ὢν διάφοροσ, μνώμενοσ δ’ ἑαυτῷ τόν Μιθριδατικὸν πόλεμον, ἔσπευσεν ἀποσταλῆναι τὰ χρήματα, φοβούμενοσ αἰτίαν Πομπηϊῴ παρασχεῖν δεομένῳ Σερτώριον ἀφεῖναι καὶ πρὸσ Μιθριδάτην τραπέσθαι, λαμπρὸν μὲν εἰσ δόξαν, εὐμεταχείριστον δὲ φαινόμενον ἀνταγωνιστήν. ἐν τούτῳ δὲ θνήσκει Σερτώριοσ ὑπὸ τῶν φίλων δολοφονηθείσ·

ὧν Περπέννασ ὁ κορυφαιότατοσ ἐπεχείρησεν ἐκείνῳ τὰ αὐτὰ ποιεῖν, ἀπὸ τῶν αὐτῶν μὲν ὁρμώμενοσ δυνάμεων καὶ παρασκευῶν, τόν δὲ χρώμενον αὐταῖσ ὁμοίωσ οὐκ ἔχων λογισμόν. εὐθὺσ οὖν ὁ Πομπήϊοσ ἐπεξελθὼν καὶ ῥεμβόμενον ἐν τοῖσ πράγμασι τόν Περπένναν καταμαθών, δέλεαρ αὐτῷ δέκα σπείρασ ὑφῆκεν, εἰσ τὸ πεδίον διασπαρῆναι κελεύσασ. τραπομένου δὲ πρὸσ ταύτασ ἐκείνου καὶ διώκοντοσ, ἄθρουσ ἐπιφανεὶσ καὶ συνάψασ μάχην ἐκράτησε πάντων, καὶ διεφθάρησαν οἱ πλεῖστοι τῶν ἡγεμόνων ἐν τῇ μάχῃ·

τόν δὲ Περπένναν ἀχθέντα πρὸσ αὐτὸν ἀπέκτεινεν, οὐκ ἀχάριστοσ οὐδ’ ἀμνήμων γενόμενοσ τῶν περὶ Σικελίαν, ὡσ ἐγκαλοῦσιν ἔνιοι, μεγάλῃ δὲ διανοίᾳ καὶ σωτηρίῳ τῶν ὅλων γνώμῃ χρησάμενοσ. ὁ γὰρ Περπέννασ τῶν Σερτωρίου γραμμάτων γεγονὼσ κύριοσ ἐδείκνυεν ἐπιστολὰσ τῶν ἐν Ῥώμῃ δυνατωτάτων ἀνδρῶν, οἳ τὰ παρόντα κινῆσαι βουλόμενοι πράγματα καὶ μεταστῆσαι τὴν πολιτείαν ἐκάλουν τόν Σερτώριον εἰσ τὴν Ἰταλίαν.

φοβηθεὶσ οὖν ὁ Πομπήϊοσ ταῦτα, μὴ μείζονασ ἀναστήσῃ τῶν πεπαυμένων πολέμων, τόν τε Περπένναν ἀνεῖλε καὶ τὰσ ἐπιστολὰσ οὐδ’ ἀναγνοὺσ κατέκαυσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 20

(플루타르코스, Pompey, chapter 20)

상위

목록

SEARCH

MENU NAVIGATION