헬라어 문장 검색 - Πλυταρ́Πομπεψ́19́

(플루타르코스, Pompey, chapter 19)

ἐπαρθεὶσ δὲ τῇ πράξει καὶ μέγα φρονῶν ἐπ’ αὑτὸν ἔσπευδε Σερτώριον, ὡσ μὴ μετάσχοι τῆσ νίκησ Μέτελλοσ. περὶ δὲ Σούκρωνι ποταμῷ τῆσ ἡμέρασ ἤδη τελευτώσησ συνέβαλον τὰσ δυνάμεισ, δεδιότεσ ἐπελθεῖν τὸν Μέτελλον, ὁ μὲν ὡσ μόνοσ, ὁ δὲ ὡσ μόνῳ διαγωνίσαιτο. τὸ μὲν οὖν τέλοσ ἀμφίδοξον ἔσχεν ὁ ἀγών·

ἑκατέρου γὰρ θάτερον κέρασ ἐνίκησε· τῶν δὲ στρατηγῶν πλέον ἠνέγκατο Σερτώριοσ· ἐτρέψατο γὰρ τὸ καθ’ αὑτὸν ἐκεῖνοσ ἀντιταχθείσ. Πομπηϊῴ δὲ ἀνὴρ μέγασ ἱππότῃ πεζὸσ ἐφώρμησε· συμπεσόντων δ’ εἰσ τὸ αὐτὸ καὶ γενομένων ἐν λαβαῖσ ἀπέσκηψαν αἱ πληγαὶ τῶν ξιφῶν εἰσ τὰσ χεῖρασ ἀμφοῖν, οὐχ ὁμοίωσ· ἐτρώθη μὲν γὰρ ὁ Πομπήϊοσ μόνον, ἐκείνου δὲ ἀπέκοψε τὴν χεῖρα, πλειόνων δὲ συνδραμόντων ἐπ’ αὐτόν, ἤδη τῆσ τροπῆσ γεγενημένησ, ἀνελπίστωσ διέφυγε, προέμενοσ τὸν ἵππον τοῖσ πολεμίοισ φάλαρα χρυσᾶ καὶ κόσμον ἄξιον πολλοῦ περικείμενον. ταῦτα γὰρ διανεμόμενοι καὶ περὶ τούτων μαχόμενοι πρὸσ ἀλλήλουσ ἀπελείφθησαν.

ἅμα δὲ ἡμέρᾳ παρετάξαντο μὲν ἀμφότεροι πάλιν ἐκβεβαιούμενοι τὸ νίκημα , Μετέλλου δὲ προσιόντοσ ἀνεχώρησεν ὁ Σερτώριοσ σκεδασθέντι τῷ στρατῷ.

τοιαῦται γὰρ ἦσαν αἱ διαλύσεισ καὶ πάλιν συνδρομαὶ τῶν ἀνθρώπων ὥστε πολλάκισ μόνον πλανᾶσθαι τὸν Σερτώριον, πολλάκισ δὲ αὖθισ ἐπιέναι μυριάσι πεντεκαίδεκα στρατιᾶσ, ὥσπερ χειμάρρουν ἐξαίφνησ πιμπλάμενον. ὁ δ’ οὖν Πομπήϊοσ, ἐπεὶ μετὰ τὴν μάχην ἀπήντα τῷ Μετέλλῳ καὶ πλησίον ἀλλήλων ἦσαν, ἐκέλευσεν ὑφεῖναι τὰσ ῥάβδουσ, θεραπεύων ὡσ προὔχοντα τιμῇ τὸν Μέτελλον.

ὁ δὲ καὶ τοῦτο διεκώλυσε καὶ τἆλλα χρηστὸσ ἦν ἀνὴρ περὶ αὐτόν, οὐδὲν ὡσ ὑπατικῷ καὶ πρεσβυτέρῳ νέμων ἑαυτῷ πλέον, ἀλλ’ ἢ τὸ σύνθημα κοινῇ στρατοπεδευόντων εἰσ ἅπαντασ ἐξεπέμπετο παρὰ Μετέλλου· τὰ πολλὰ δὲ χωρὶσ ἐστρατοπεδεύοντο. διέκοπτε γὰρ αὐτοὺσ καὶ διΐστη ποικίλοσ ὢν ὁ πολέμιοσ καὶ δεινὸσ ἐν βραχεῖ πολλαχοῦ περιφανῆναι καὶ μεταγαγεῖν ἀπ’ ἄλλων εἰσ ἄλλουσ ἀγῶνασ, τέλοσ δὲ περικόπτων μὲν ἀγοράσ, ληϊζόμενοσ δὲ τὴν χώραν, ἐπικρατῶν δὲ τῆσ θαλάσσησ, ἐξέβαλεν ἀμφοτέρουσ τῆσ ὑφ’ ἑαυτὸν Ἰβηρίασ, ἀναγκασθέντασ εἰσ ἀλλοτρίασ καταφυγεῖν ἐπαρχίασ ἀπορίᾳ τῶν ἐπιτηδείων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 19

(플루타르코스, Pompey, chapter 19)

상위

목록

SEARCH

MENU NAVIGATION