헬라어 문장 검색 - Πλυταρ́Πομπεψ́08́

(플루타르코스, Pompey, chapter 8)

οὔπω δὲ ταῦτα Σύλλασ ἐπέπυστο, πρὸσ δὲ τὰσ πρώτασ ἀγγελίασ καὶ φήμασ ὑπὲρ αὐτοῦ δεδοικὼσ ἐν τοσούτοισ καὶ τηλικούτοισ ἀναστρεφομένου στρατηγοῖσ πολεμίοισ, ἐδίωκε βοηθήσων. ὡσ γὰρ εἶδεν αὐτὸν ὁ Σύλλασ προσιόντα καὶ τὴν στρατιὰν παρεστῶσαν εὐανδρίᾳ τε θαυμαστὴν καὶ διὰ τὰσ κατορθώσεισ ἐπηρμένην καὶ ἱλαράν, ἀποπηδήσασ τοῦ ἵππου καὶ προσαγορευθείσ, ὡσ εἰκόσ, αὐτοκράτωρ ἀντιπροσηγόρευσεν αὐτοκράτορα τὸν Πομπήϊον, οὐδενὸσ ἂν προσδοκήσαντοσ ἀνδρὶ νέῳ καὶ μηδέπω βουλῆσ μετέχοντι κοινώσασθαι τοὔνομα τοῦτο Σύλλαν, περὶ οὗ Σκηπίωσι καὶ Μαρίοισ ἐπολέμει.

καὶ τἆλλα δὲ ἦν ὁμολογοῦντα ταῖσ πρώταισ φιλοφροσύναισ, ὑπεξανισταμένου τε προσιόντι τῷ Πομπηϊῴ καὶ τῆσ κεφαλῆσ ἀπάγοντοσ τὸ ἱμάτιον, ἃ πρὸσ ἄλλον οὐ ῥᾳδίωσ ἑωρᾶτο ποιῶν, καίπερ ὄντων πολλῶν καὶ ἀγαθῶν περὶ αὐτόν.

οὐ μὴν ἐκουφίσθη γε τούτοισ ὁ Πομπήϊοσ, ἀλλ’ εὐθὺσ εἰσ τὴν Κελτικὴν ὑπ’ αὐτοῦ πεμπόμενοσ, ἣν ἔχων ὁ Μέτελλοσ ἐδόκει μηδὲν ἄξιον πράττειν τῆσ παρασκευῆσ, οὐ καλῶσ ἔφη ἔχειν πρεσβύτερον καὶ προὔχοντα δόξῃ στρατηγίασ ἀφαιρεῖσθαι, βουλομένῳ μέντοι τῷ Μετέλλῳ καὶ κελεύοντι συμπολεμεῖν καὶ βοηθεῖν ἕτοιμοσ εἶναι.

δεξαμένου δὲ τοῦ Μετέλλου καὶ γράψαντοσ ἥκειν, ἐμβαλὼν εἰσ τὴν Κελτικὴν αὐτόσ τε καθ’ ἑαυτὸν ἔργα θαυμαστὰ διεπράττετο, καὶ τοῦ Μετέλλου τὸ μάχιμον καὶ θαρσαλέον ἤδη σβεννύμενον ὑπὸ γήρωσ αὖθισ ἐξερρίπιζε καὶ συνεξεθέρμαινεν, ὥσπερ ὁ ῥέων καὶ πεπυρωμένοσ χαλκὸσ τῷ πεπηγότι καὶ ψυχρῷ περιχυθεὶσ λέγεται τοῦ πυρὸσ μᾶλλον ἀνυγραίνειν καὶ συνανατήκειν.

ἀλλὰ γάρ, ὥσπερ ἀθλητοῦ πρωτεύσαντοσ ἐν ἀνδράσι καὶ τοὺσ πανταχοῦ καθελόντοσ ἐνδόξωσ ἀγῶνασ εἰσ οὐδένα λόγον τὰσ παιδικὰσ τίθενται νίκασ οὐδ’ ἀναγράφουσιν, οὕτωσ ἃσ ἔπραξε τότε πράξεισ ὁ Πομπήϊοσ, αὐτὰσ καθ’ ἑαυτὰσ ὑπερφυεῖσ οὔσασ, πλήθει δὲ καὶ μεγέθει τῶν ὑστέρων ἀγώνων καὶ πολέμων κατακεχωσμένασ, ἐδεδίειν κινεῖν, μὴ περὶ τὰ πρῶτα πολλῆσ διατριβῆσ γενομένησ τῶν μεγίστων καὶ μάλιστα δηλούντων τὸ ἦθοσ ἔργων καὶ παθημάτων τοῦ ἀνδρὸσ ἀπολειφθῶμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 8

(플루타르코스, Pompey, chapter 8)

상위

목록

SEARCH

MENU NAVIGATION