헬라어 문장 검색 - Πλυταρ́Αντονψ́87́

(플루타르코스, Antony, chapter 87)

Ἀντωνίου δὲ γενεὰν ἀπολιπόντοσ ἐκ τριῶν γυναικῶν ἑπτὰ παῖδασ, ὁ πρεσβύτατοσ Ἄντυλλοσ ὑπὸ Καίσαροσ ἀνῃρέθη μόνοσ· τοὺσ λοιποὺσ δὲ Ὀκταουία παραλαβοῦσα μετὰ τῶν ἐξ ἑαυτῆσ ἔθρεψε. καὶ Κλεοπάτραν μὲν τὴν ἐκ Κλεοπάτρασ Ιὄβᾳ τῷ χαριεστάτῳ βασιλέων συνῴκισεν, Ἀντώνιον δὲ τὸν ἐκ Φουλβίασ οὕτω μέγαν ἐποίησεν ὥστε τὴν πρώτην παρὰ Καίσαρι τιμὴν Ἀγρίππου, τὴν δὲ δευτέραν τῶν Λιβίασ παίδων ἐχόντων, τρίτον εἶναι καὶ δοκεῖν Ἀντώνιον. ἐκ δὲ Μαρκέλλου δυεῖν αὐτῇ θυγατέρων οὐσῶν, ἑνὸσ δὲ υἱοῦ Μαρκέλλου, τοῦτον μὲν ἅμα παῖδα καὶ γαμβρὸν ἐποιήσατο Καῖσαρ, τῶν δὲ θυγατέρων Ἀγρίππᾳ τὴν ἑτέραν ἔδωκεν.

ἐπεὶ δὲ Μάρκελλοσ ἐτελεύτησε κομιδῆ νεόγαμοσ καὶ Καίσαρι γαμβρὸν ἔχοντα πίστιν οὐκ εὔπορον ἦν ἐκ τῶν ἄλλων φίλων ἑλέσθαι, λόγον ἡ Ὀκταουία προσήνεγκεν ὡσ χρὴ τὴν Καίσαροσ θυγατέρα λαβεῖν Ἀγρίππαν, ἀφέντα τὴν ἑαυτῆσ. πεισθέντοσ δὲ Καίσαροσ πρῶτον, εἶτα Ἀγρίππου, τὴν μὲν αὑτῆσ ἀπολαβοῦσα συνῴκισεν Ἀντωνίῳ, τὴν δὲ Καίσαροσ Ἀγρίππασ ἔγημεν.

ἀπολειπομένων δὲ τῶν Ἀντωνίου καὶ Ὀκταουίασ δυεῖν θυγατέρων τὴν μὲν Δομίτιοσ Αἠνόβαρβοσ ἔλαβε, τὴν δὲ σωφροσύνῃ καὶ κάλλει περιβόητον Ἀντωνίαν Δροῦσοσ, ὁ Λιβίασ υἱόσ, πρόγονοσ δὲ Καίσαροσ. ἐκ τούτων ἐγένετο Γερμανικὸσ καὶ Κλαύδιοσ· ὧν Κλαύδιοσ μὲν ὕστερον ἦρξε, τῶν δὲ Γερμανικοῦ παίδων Γάϊοσ μὲν ἄρξασ ἐπιφανῶσ οὐ πολὺν χρόνον ἀνῃρέθη μετὰ τέκνου καὶ γυναικόσ, Ἀγριππίνα δὲ υἱὸν ἐξ Αἠνοβάρβου Λεύκιον Δομίτιον ἔχουσα Κλαυδίῳ Καίσαρι συνῴκησε.

καὶ θέμενοσ τὸν υἱὸν αὐτῆσ Κλαύδιοσ Νέρωνα Γερμανικὸν προσωνόμασεν. οὗτοσ ἄρξασ ἐφ’ ἡμῶν ἀπέκτεινε τὴν μητέρα καὶ μικρὸν ἐδέησεν ὑπὸ ἐμπληξίασ καὶ παραφροσύνησ ἀνατρέψαι τὴν Ῥωμαίων ἡγεμονίαν, πέμπτοσ ἀπὸ Ἀντωνίου κατ’ ἀριθμὸν διαδοχῆσ γενόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 87

(플루타르코스, Antony, chapter 87)

상위

목록

SEARCH

MENU NAVIGATION