헬라어 문장 검색 - Πλυταρ́Αντονψ́40́

(플루타르코스, Antony, chapter 40)

χαλεπὸσ δὲ ἀμφοτέροισ ἦν ὁ πόλεμοσ, καὶ τὸ μέλλον αὐτοῦ φοβερώτερον, Ἀντωνίῳ μὲν προσδοκῶντι λιμόν· οὐκέτι γὰρ ἦν ἄνευ τραυμάτων καὶ νεκρῶν πολλῶν ἐπισιτίσασθαι· Φραάτησ δὲ τοὺσ Πάρθουσ ἐπιστάμενοσ πάντα μᾶλλον ἢ χειμῶνοσ ἔξω προσταλαιπωρεῖν καὶ θυραυλεῖν δυναμένουσ, ἐφοβεῖτο μὴ τῶν Ῥωμαίων ἐγκαρτερούντων καὶ παραμενόντων ἀπολίπωσιν αὐτόν, ἤδη τοῦ ἀέροσ συνισταμένου μετὰ φθινοπωρινὴν ἰσημερίαν. δόλον οὖν συντίθησι τοιόνδε.

Πάρθων οἱ γνωριμώτατοι περὶ τὰσ σιτολογίασ καὶ τὰσ ἄλλασ ἀπαντήσεισ μαλακώτερον τοῖσ Ῥωμαίοισ προσεφέροντο, λαμβάνειν τε παριέντεσ αὐτοῖσ ἔνια καὶ τὴν ἀρετὴν ἐπαινοῦντεσ ὡσ πολεμικωτάτων ἀνδρῶν καὶ θαυμαζομένων ὑπὸ τοῦ σφετέρου βασιλέωσ δικαίωσ. ἐκ δὲ τούτου προσελαύνοντεσ ἐγγυτέρω καὶ τοὺσ ἵππουσ ἀτρέμα παραβάλλοντεσ ἐλοιδόρουν τὸν Ἀντώνιον, ὅτι βουλομένῳ Φραάτῃ διαλλαγῆναι καὶ φείσασθαι τοιούτων ἀνδρῶν καὶ τοσούτων ἀφορμὴν οὐ δίδωσιν, ἀλλὰ τοὺσ χαλεποὺσ καὶ μεγάλουσ κάθηται πολεμίουσ ἀναμένων, λιμὸν καὶ χειμῶνα, δἰ ὧν ἔργον ἐστὶ καὶ προπεμπομένουσ ὑπὸ Πάρθων ἀποφεύγειν.

πολλῶν δὲ ταῦτα πρὸσ τὸν Ἀντώνιον ἀναφερόντων, μαλασσόμενοσ ὑπὸ τῆσ ἐλπίδοσ ὅμωσ οὐ πρότερον ἐπεκηρυκεύσατο πρὸσ τὸν Πάρθον ἢ πυθέσθαι τῶν φιλοφρονουμένων ἐκείνων βαρβάρων εἰ τοῦ βασιλέωσ ταῦτα φρονοῦντοσ διαλέγοιντο. φασκόντων δὲ καὶ παρακαλούντων μὴ δεδιέναι μηδὲ ἀπιστεῖν, ἔπεμψέ τινασ τῶν ἑταίρων πάλιν τὰσ σημαίασ ἀξιῶν ἀπολαβεῖν καὶ τοὺσ αἰχμαλώτουσ, ὡσ δὴ μὴ παντάπασιν ἀγαπᾶν τὸ σωθῆναι καὶ διαφυγεῖν νομισθείη.

τοῦ δὲ Πάρθου ταῦτα μὲν ἐᾶν κελεύοντοσ, ἀπιόντι δὲ εὐθὺσ εἰρήνην καὶ ἀσφάλειαν εἶναι φήσαντοσ, ὀλίγαισ ἡμέραισ συσκευασάμενοσ ἀνεζεύγνυεν. ὢν δὲ καὶ δήμῳ πιθανὸσ ἐντυχεῖν καὶ στρατὸν ἄγειν διὰ λόγου παρ’ ὁντινοῦν τῶν τότε πεφυκώσ, ἐξέλιπεν αὐτὸσ αἰσχύνῃ καὶ κατηφείᾳ τὸ παραθαρρῦναι τὸ πλῆθοσ, Δομίτιον δὲ Αἠνόβαρβον ἐκέλευε τοῦτο ποιῆσαι.

καί τινεσ μὲν ἠγανάκτησαν ὡσ ὑπερορώμενοι, τὸ δὲ πλεῖστον ἐπεκλάσθη καὶ συνεφρόνησε τὴν αἰτίαν· διὸ καὶ μᾶλλον ᾤοντο δεῖν ἀνταιδεῖσθαι καὶ πείθεσθαι τῷ στρατηγῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 40

(플루타르코스, Antony, chapter 40)

상위

목록

SEARCH

MENU NAVIGATION