헬라어 문장 검색 - Πλυταρ́Αντονψ́34́

(플루타르코스, Antony, chapter 34)

ἐξιέναι δὲ μέλλων ἐπὶ τὸν πόλεμον ἀπὸ τῆσ ἱερᾶσ ἐλαίασ στέφανον ἔλαβε, καὶ κατά τι λόγιον ἀπὸ τῆσ Κλεψύδρασ ὕδατοσ ἐμπλησάμενοσ ἀγγεῖον ἐκόμιζεν. ἐν τούτῳ δὲ Πάκορον τὸν βασιλέωσ παῖδα, μεγάλῳ στρατῷ Πάρθων αὖθισ ἐπὶ Συρίαν ἐλαύνοντα, συμπεσὼν Οὐεντίδιοσ ἐν τῇ Κυρρηστικῇ τρέπεται, καὶ διαφθείρει παμπόλλουσ, ἐν πρώτοισ Πακόρου πεσόντοσ. τοῦτο τὸ ἔργον ἐν τοῖσ ἀοιδιμωτάτοισ γενόμενον Ῥωμαίοισ τε τῶν κατὰ Κράσσον ἀτυχημάτων ἔκπλεω ποινὴν παρέσχε, καὶ Πάρθουσ αὖθισ εἴσω Μηδίασ καὶ Μεσοποταμίασ συνέστειλε, τρισὶ μάχαισ ἐφεξῆσ κατὰ κράτοσ ἡττημένουσ.

Οὐεντίδιοσ δὲ Πάρθουσ μὲν προσωτέρω διώκειν ἀπέγνω, φθόνον Ἀντωνίου δείσασ, τοὺσ δὲ ἀφεστῶτασ ἐπιὼν κατεστρέφετο καὶ τὸν Κομμαγηνὸν Ἀντίοχον ἐν πόλει Σαμοσάτοισ ἐπολιόρκει. δεομένου δὲ χίλια τάλαντα δοῦναι καὶ ποιεῖν Ἀντωνίῳ τὸ προσταττόμενον, ἐκέλευε πέμπειν πρὸσ Ἀντώνιον.

ἤδη γὰρ ἐγγὺσ ἦν ἐπιών, καὶ τὸν Οὐεντίδιον οὐκ εἰά σπένδεσθαι τῷ Ἀντιόχῳ, βουλόμενοσ ἕν γε τοῦτο τῶν ἔργων ἐπώνυμον αὑτοῦ γενέσθαι καὶ μὴ πάντα διὰ Οὐεντιδίου κατορθοῦσθαι. τῆσ δὲ πολιορκίασ μῆκοσ λαμβανούσησ καὶ τῶν ἔνδον, ὡσ ἀπέγνωσαν τὰσ διαλύσεισ, πρὸσ ἀλκὴν τραπομένων, πράττων οὐδέν, ἐν αἰσχύνῃ δὲ καὶ μεταγνώσει γενόμενοσ, ἀγαπητῶσ ἐπὶ τριακοσίοισ σπένδεται ταλάντοισ πρὸσ τὸν Ἀντίοχον·

καὶ μικρὰ τῶν ἐν Συρίᾳ καταστησάμενοσ εἰσ Ἀθήνασ ἐπανῆλθε, καὶ τὸν Οὐεντίδιον οἷσ ἔπρεπε τιμήσασ ἔπεμψεν ἐπὶ τὸν θρίαμβον. οὗτοσ ἀπὸ Πάρθων ἄχρι δεῦρο τεθριάμβευκε μόνοσ, ἀνὴρ γένει μὲν ἀφανήσ, ἀπολαύσασ δὲ τῆσ Ἀντωνίου φιλίασ τὸ λαβεῖν ἀφορμὰσ πράξεων μεγάλων, αἷσ κάλλιστα χρησάμενοσ ἐβεβαίωσε τὸν περὶ Ἀντωνίου λεγόμενον καὶ Καίσαροσ λόγον, ὡσ εὐτυχέστεροι δἰ ἑτέρων ἦσαν ἢ δἰ αὑτῶν στρατηγεῖν.

καὶ γὰρ Σόσσιοσ Ἀντωνίου στρατηγὸσ ἐν Συρίᾳ πολλὰ διεπράττετο, καὶ Κανίδιοσ ἀπολειφθεὶσ ὑπ’ αὐτοῦ περὶ Ἀρμενίαν τούτουσ τε νικῶν καὶ τοὺσ Ἰβήρων καὶ Ἀλβανῶν βασιλέασ ἄχρι τοῦ Καυκάσου προῆλθεν.

ἀφ’ ὧν ἐν τοῖσ βαρβάροισ ὄνομα καὶ κλέοσ ηὔξετο τῆσ Ἀντωνίου δυνάμεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 34

(플루타르코스, Antony, chapter 34)

상위

목록

SEARCH

MENU NAVIGATION