헬라어 문장 검색 - ΗεροδόΤηεΗιστ́7́254́

(헤로도토스, The Histories, book 7, chapter 236)

λέγει μετὰ τοῦτον Ἀχαιμένησ, ἀδελφεόσ τε ἐὼν Ξέρξεω καὶ τοῦ ναυτικοῦ στρατοῦ στρατηγόσ, παρατυχών τε τῷ λόγῳ καὶ δείσασ μὴ ἀναγνωσθῇ Ξέρξησ ποιέειν ταῦτα, "ὦ βασιλεῦ, ὁρῶ σε ἀνδρὸσ ἐνδεκόμενον λόγουσ ὃσ φθονέει τοι εὖ πρήσσοντι ἢ καὶ προδιδοῖ πρήγματα τὰ σά. καὶ γὰρ δὴ καὶ τρόποισι τοιούτοισι χρεώμενοι Ἕλληνεσ χαίρουσι· τοῦ τε εὐτυχέειν φθονέουσι καὶ τὸ κρέσσον στυγέουσι. εἰ δ’ ἐπὶ τῇσι παρεούσῃσι τύχῃσι, τῶν νέεσ νεναυηγήκασι τετρακόσιαι, ἄλλασ ἐκ τοῦ στρατοπέδου τριηκοσίασ ἀποπέμψεισ περιπλέειν Πελοπόννησον, ἀξιόμαχοί τοι γίνονται οἱ ἀντίπαλοι·

ἁλὴσ δὲ ἐὼν ὁ ναυτικὸσ στρατὸσ δυσμεταχείριστόσ τε αὐτοῖσι γίνεται, καὶ ἀρχὴν οὐκ ἀξιόμαχοί τοι ἔσονται, καὶ πᾶσ ὁ ναυτικὸσ τῷ πεζῷ ἀρήξει καὶ ὁ πεζὸσ τῷ ναυτικῷ ὁμοῦ πορευόμενοσ· εἰ δὲ διασπάσεισ, οὔτε σὺ ἔσεαι ἐκείνοισι χρήσιμοσ οὔτε ἐκεῖνοι σοί. τὰ σεωτοῦ δὲ τιθέμενον εὖ γνώμην ἔχω τὰ τῶν ἀντιπολέμων μὴ ἐπιλέγεσθαι πρήγματα, τῇ τε στήσονται τὸν πόλεμον τά τε ποιήσουσι ὅσοι τε πλῆθοσ εἰσί.

ἱκανοὶ γὰρ ἐκεῖνοί γε αὐτοὶ ἑωυτῶν πέρι φροντίζειν εἰσί, ἡμεῖσ δὲ ἡμέων ὡσαύτωσ. Λακεδαιμόνιοι δὲ ἢν ἰώσι ἀντία Πέρσῃσι ἐσ μάχην, οὐδὲν τὸ παρεὸν τρῶμα ἀκεῦνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 236

(헤로도토스, The Histories, book 7, chapter 236)

상위

목록

SEARCH

MENU NAVIGATION