헬라어 문장 검색 - ΗεροδόΤηεΗιστ́7́137́

(헤로도토스, The Histories, book 7, chapter 119)

ὣσ δὲ παραπλησίωσ καὶ ἐν τῇσι ἄλλῃσι πόλισι οἱ ἐπεστεῶτεσ ἀπεδείκνυσαν τὸν λόγον. τὸ γὰρ δεῖπνον τοιόνδε τι ἐγίνετο, οἱᾶ ἐκ πολλοῦ χρόνου προειρημένον καὶ περὶ πολλοῦ ποιευμένων· τοῦτο μέν, ὡσ ἐπύθοντο τάχιστα τῶν κηρύκων τῶν περιαγγελλόντων, δασάμενοι σῖτον ἐν τῇσι πόλισι οἱ ἀστοὶ ἄλευρά τε καὶ ἄλφιτα ἐποίευν πάντεσ ἐπὶ μῆνασ συχνούσ·

τοῦτο δὲ κτήνεα ἐσίτευον ἐξευρίσκοντεσ τιμῆσ τὰ κάλλιστα, ἔτρεφόν τε ὄρνιθασ χερσαίουσ καὶ λιμναίουσ ἔν τε οἰκήμασι καὶ λάκκοισι, ἐσ ὑποδοχὰσ τοῦ στρατοῦ· τοῦτο δὲ χρύσεά τε καὶ ἀργύρεα ποτήριά τε καὶ κρητῆρασ ἐποιεῦντο καὶ τἆλλα ὅσα ἐπὶ τράπεζαν τιθέαται πάντα. ταῦτα μὲν αὐτῷ τε βασιλέι καὶ τοῖσι ὁμοσίτοισι μετ’ ἐκείνου ἐπεποίητο, τῇ δὲ ἄλλῃ στρατιῇ τὰ ἐσ φορβὴν μοῦνα τασσόμενα.

ὅκωσ δὲ ἀπίκοιτο ἡ στρατιή, σκηνὴ μὲν ἔσκε πεπηγυῖα ἑτοίμη ἐσ τὴν αὐτὸσ σταθμὸν ποιεέσκετο Ξέρξησ, ἡ δὲ ἄλλη στρατιὴ ἔσκε ὑπαίθριοσ. ὡσ δὲ δείπνου ἐγίνετο ὡρ́η, οἱ μὲν δεκόμενοι ἔχεσκον πόνον, οἳ δὲ ὅκωσ πλησθέντεσ νύκτα αὐτοῦ ἀγάγοιεν, τῇ ὑστεραίῃ τήν τε σκηνὴν ἀνασπάσαντεσ καὶ τὰ ἔπιπλα πάντα λαβόντεσ οὕτω ἀπελαύνεσκον, λείποντεσ οὐδὲν ἀλλὰ φερόμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 119

(헤로도토스, The Histories, book 7, chapter 119)

상위

목록

SEARCH

MENU NAVIGATION