헬라어 문장 검색 - ΗεροδόΤηεΗιστ́7́068́

(헤로도토스, The Histories, book 7, chapter 50)

ἀμείβεται Ξέρξησ τοῖσιδε. "Ἀρτάβανε, οἰκότωσ μὲν σύ γε τούτων ἕκαστα διαιρέαι· ἀτὰρ μήτε πάντα φοβέο μήτε πᾶν ὁμοίωσ ἐπιλέγεο. εἰ γὰρ δὴ βούλοιο ἐπὶ τῷ αἰεὶ ἐπεσφερομένῳ πρήγματι τὸ πᾶν ὁμοίωσ ἐπιλέγεσθαι, ποιήσειασ ἂν οὐδαμὰ οὐδέν· κρέσσον δὲ πάντα θαρσέοντα ἥμισυ τῶν δεινῶν πάσχειν μᾶλλον ἢ πᾶν χρῆμα προδειμαίνοντα μηδαμὰ μηδὲν παθεῖν. εἰ δὲ ἐρίξων πρὸσ πᾶν τὸ λεγόμενον μὴ τὸ βέβαιον ἀποδέξεισ, σφάλλεσθαι ὀφείλεισ ἐν αὐτοῖσι ὁμοίωσ καὶ ὁ ὑπεναντία τούτοισι λέξασ.

τοῦτο μέν νυν ἐπ’ ἴσησ ἔχει· εἰδέναι δὲ ἄνθρωπον ἐόντα κῶσ χρὴ τὸ βέβαιον; δοκέω μὲν οὐδαμῶσ. τοῖσι τοίνυν βουλομένοισι ποιέειν ὡσ τὸ ἐπίπαν φιλέει γίνεσθαι τὰ κέρδεα, τοῖσι δὲ ἐπιλεγομένοισί τε πάντα καὶ ὀκνέουσι οὐ μάλα ἐθέλει. ὁρᾷσ τὰ Περσέων πρήγματα ἐσ ὃ δυνάμιοσ προκεχώρηκε.

εἰ τοίνυν ἐκεῖνοι οἱ πρὸ ἐμεῦ γενόμενοι βασιλέεσ γνώμῃσι ἐχρέωντο ὁμοίῃσι καὶ σύ, ἢ μὴ χρεώμενοι γνώμῃσι τοιαύτῃσι ἄλλουσ συμβούλουσ εἶχον τοιούτουσ, οὐκ ἄν κοτε εἶδεσ αὐτὰ ἐσ τοῦτο προελθόντα· νῦν δὲ κινδύνουσ ἀναρριπτέοντεσ ἐσ τοῦτο σφέα προηγάγοντο. μεγάλα γὰρ πρήγματα μεγάλοισι κινδύνοισι ἐθέλει καταιρέεσθαι. ἡμεῖσ τοίνυν ὁμοιεύμενοι ἐκείνοισι ὡρ́ην τε τοῦ ἔτεοσ καλλίστην πορευόμεθα, καὶ καταστρεψάμενοι πᾶσαν τὴν Εὐρώπην νοστήσομεν ὀπίσω, οὔτε λιμῷ ἐντυχόντεσ οὐδαμόθι οὔτε ἄλλο ἄχαρι οὐδὲν παθόντεσ.

τοῦτο μὲν γὰρ αὐτοὶ πολλὴν φορβὴν φερόμενοι πορευόμεθα, τοῦτο δέ, τῶν ἄν κου ἐπιβέωμεν γῆν καὶ ἔθνοσ, τούτων τὸν σῖτον ἕξομεν· ἐπ’ ἀροτῆρασ δὲ καὶ οὐ νομάδασ στρατευόμεθα ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 50

(헤로도토스, The Histories, book 7, chapter 50)

상위

목록

SEARCH

MENU NAVIGATION