헬라어 문장 검색 - ΗεροδόΤηεΗιστ́7́057́

(헤로도토스, The Histories, book 7, chapter 39)

κάρτα τε ἐθυμώθη ὁ Ξέρξησ καὶ ἀμείβετο τοῖσιδε. "ὦ κακὲ ἄνθρωπε, σὺ ἐτόλμησασ, ἐμεῦ στρατευομένου αὐτοῦ ἐπὶ τὴν Ἑλλάδα καὶ ἄγοντοσ παῖδασ ἐμοὺσ καὶ ἀδελφεοὺσ καὶ οἰκηίουσ καὶ φίλουσ, μνήσασθαι περὶ σέο παιδόσ, ἐὼν ἐμὸσ δοῦλοσ, τὸν χρῆν πανοικίῃ αὐτῇ τῇ γυναικὶ συνέπεσθαι ; εὖ νυν τόδ’ ἐξεπίστασο, ὡσ ἐν τοῖσι ὠσὶ τῶν ἀνθρώπων οἰκέει ὁ θυμόσ, ὃσ χρηστὰ μὲν ἀκούσασ τέρψιοσ ἐμπιπλεῖ τὸ σῶμα, ὑπεναντία δὲ τούτοισι ἀκούσασ ἀνοιδέει. ὅτε μέν νυν χρηστὰ ποιήσασ ἕτερα τοιαῦτα ἐπηγγέλλεο, εὐεργεσίῃσι βασιλέα οὐ καυχήσεαι ὑπερβαλέσθαι·

ἐπείτε δὲ ἐσ τὸ ἀναιδέστερον ἐτράπευ, τὴν μὲν ἀξίην οὐ λάμψεαι, ἐλάσσω δὲ τῆσ ἀξίησ. σὲ μὲν γὰρ καὶ τοὺσ τέσσερασ τῶν παίδων ῥύεται τὰ ξείνια· τοῦ δὲ ἑνόσ, τοῦ περιέχεαι μάλιστα, τῇ ψυχῇ ζημιώσεαι. ὡσ δὲ ταῦτα ὑπεκρίνατο, αὐτίκα ἐκέλευε τοῖσι προσετέτακτο ταῦτα πρήσσειν, τῶν Πυθίου παίδων ἐξευρόντασ τὸν πρεσβύτατον μέσον διαταμεῖν, διαταμόντασ δὲ τὰ ἡμίτομα διαθεῖναι τὸ μὲν ἐπὶ δεξιὰ τῆσ ὁδοῦ τὸ δ’ ἐπ’ ἀριστερά, καὶ ταύτῃ διεξιέναι τὸν στρατόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 39

(헤로도토스, The Histories, book 7, chapter 39)

상위

목록

SEARCH

MENU NAVIGATION