헬라어 문장 검색 - Διοδορ́Λιβραρψ́6́62́

(디오도로스 시켈로스, Library, book xiii, chapter 105)

οἱ δὲ τῶν Ἀθηναίων στρατηγοὶ πυθόμενοι τοὺσ Λακεδαιμονίουσ πάσῃ τῇ δυνάμει πολιορκεῖν Λάμψακον, συνήγαγόν τε πανταχόθεν τριήρεισ καὶ κατὰ σπουδὴν ἀνήχθησαν ἐπ’ αὐτοὺσ ναυσὶν ἑκατὸν ὀγδοήκοντα. εὑρόντεσ δὲ τὴν πόλιν ἡλωκυῖαν, τότε μὲν ἐν Αἰγὸσ ποταμοῖσ καθώρμισαν τὰσ ναῦσ, μετὰ δὲ ταῦτ’ ἐπιπλέοντεσ τοῖσ πολεμίοισ καθ’ ἡμέραν εἰσ ναυμαχίαν προεκαλοῦντο.

οὐκ ἀνταναγομένων δὲ τῶν Πελοποννησίων, οἱ μὲν Ἀθηναῖοι διηπόρουν ὅ,τι χρήσωνται τοῖσ πράγμασιν, οὐ δυνάμενοι τὸν πλείω χρόνον ἐκεῖ διατρέφειν τὰσ δυνάμεισ. Ἀλκιβιάδου δὲ πρὸσ αὐτοὺσ ἐλθόντοσ καὶ λέγοντοσ, ὅτι Μήδοκοσ καὶ Σεύθησ οἱ τῶν Θρᾳκῶν βασιλεῖσ εἰσιν αὐτῷ φίλοι, καὶ δύναμιν πολλὴν ὡμολόγησαν δώσειν, ἐὰν βούληται διαπολεμεῖν τοῖσ Λακεδαιμονίοισ·

διόπερ αὐτοὺσ ἠξίου μεταδοῦναι τῆσ ἡγεμονίασ, ἐπαγγελλόμενοσ αὐτοῖσ δυεῖν θάτερον, ἢ ναυμαχεῖν τοὺσ πολεμίουσ ἀναγκάσειν ἢ πεζῇ μετὰ Θρᾳκῶν πρὸσ αὐτοὺσ διαγωνιεῖσθαι. ταῦτα δὲ ὁ Ἀλκιβιάδησ ἔπραττεν ἐπιθυμῶν δι’ ἑαυτοῦ τῇ πατρίδι μέγα τι κατεργάσασθαι καὶ διὰ τῶν εὐεργεσιῶν τὸν δῆμον ἀποκαταστῆσαι εἰσ τὴν ἀρχαίαν εὔνοιαν.

οἱ δὲ τῶν Ἀθηναίων στρατηγοί, νομίσαντεσ τῶν μὲν ἐλαττωμάτων ἑαυτοῖσ τὴν μέμψιν ἀκολουθήσειν, τὰ δ’ ἐπιτεύγματα προσάψειν ἅπαντασ Ἀλκιβιάδῃ, ταχέωσ αὐτὸν ἐκέλευσαν ἀπιέναι καὶ μηκέτι προσεγγίζειν τῷ στρατοπέδῳ. ἐπεὶ δ’ οἱ μὲν πολέμιοι ναυμαχεῖν οὐκ ἤθελον, τὸ δὲ στρατόπεδον σιτοδεία κατεῖχε, Φιλοκλῆσ ἐκείνην τὴν ἡμέραν ἀφηγούμενοσ τοῖσ μὲν ἄλλοισ τριηράρχοισ προσέταξε πληρώσαντασ τὰσ τριήρεισ ἀκολουθεῖν, αὐτὸσ δ’ ἑτοίμασ ἔχων ναῦσ τριάκοντα τάχιον ἐξέπλευσεν.

ὁ δὲ Λύσανδροσ παρά τινων αὐτομόλων ταῦτ’ ἀκούσασ, μετὰ πασῶν τῶν νεῶν ἀναχθεὶσ καὶ τὸν Φιλοκλέα τρεψάμενοσ πρὸσ τὰσ ἄλλασ ναῦσ κατεδίωξεν.

οὔπω δὲ τῶν τριήρων τοῖσ Ἀθηναίοισ πεπληρωμένων θόρυβοσ κατεῖχεν ἅπαντασ διὰ τὴν ἀπροσδόκητον ἐπιφάνειαν τῶν πολεμίων.

ὁ δὲ Λύσανδροσ συνιδὼν τὴν τῶν ἐναντίων ταραχήν, Ἐτεόνικον μὲν μετὰ τῶν εἰωθότων πεζῇ μάχεσθαι ταχέωσ ἀπεβίβασεν·

ὁ δὲ ὀξέωσ τῇ τοῦ καιροῦ ῥοπῇ χρησάμενοσ μέροσ κατελάβετο τῆσ παρεμβολῆσ· αὐτὸσ δ’ ὁ Λύσανδροσ ἁπάσαισ ταῖσ τριήρεσιν ἐξηρτυμέναισ ἐπιπλεύσασ, καὶ σιδηρᾶσ ἐπιβαλὼν χεῖρασ, ἀπέσπα τὰσ ὁρμούσασ ἐπὶ τῇ γῇ ναῦσ. Ἀθηναῖοι δὲ τὸ παράδοξον ἐκπεπληγμένοι, καὶ μήτ’ ἀναχθῆναι ταῖσ ναυσὶν ἀναστροφὴν ἔχοντεσ μήτε πεζῇ διαγωνίζεσθαι δυνάμενοι, βραχὺν ἀντισχόντεσ χρόνον ἐτράπησαν, εὐθὺ δ’ οἱ μὲν τὰσ ναῦσ, οἱ δὲ τὴν παρεμβολὴν ἐκλιπόντεσ ἔφυγον, ὅπου ποθ’ ἕκαστοσ ἤλπιζε σωθήσεσθαι.

τῶν μὲν οὖν τριήρων δέκα μόνον διεξέπεσον, ὧν μίαν ἔχων Κόνων ὁ στρατηγὸσ τὴν μὲν εἰσ Ἀθήνασ ἐπάνοδον ἀπέγνω φοβηθεὶσ τὴν ὀργὴν τοῦ δήμου, πρὸσ Εὐαγόραν δὲ τὸν ἀφηγούμενον τῆσ Κύπρου κατέφυγεν, ἔχων πρὸσ αὐτὸν φιλίαν·

τῶν δὲ στρατιωτῶν οἱ πλεῖστοι μὲν κατὰ γῆν φυγόντεσ εἰσ Σηστὸν διεσώθησαν. Λύσανδροσ δὲ τὰσ λοιπὰσ ναῦσ παραλαβὼν αἰχμαλώτουσ, καὶ ζωγρήσασ Φιλοκλέα τὸν στρατηγόν, ἀπαγαγὼν εἰσ Λάμψακον ἀπέσφαξεν.

μετὰ δὲ ταῦτ’ εἰσ Λακεδαίμονα τοὺσ τὴν νίκην ἀπαγγελοῦντασ ἀπέστειλεν ἐπὶ τῆσ κρατίστησ τριήρουσ, κοσμήσασ τοῖσ πολυτελεστάτοισ τὴν ναῦν ὅπλοισ καὶ λαφύροισ. ἐπὶ δὲ τοὺσ εἰσ Σηστὸν καταφυγόντασ Ἀθηναίουσ στρατεύσασ τὴν μὲν πόλιν εἷλε, τοὺσ δ’ Ἀθηναίουσ ὑποσπόνδουσ ἀφῆκεν.

εὐθὺσ δὲ τῇ δυνάμει πλεύσασ ἐπὶ Σάμον αὐτὸσ μὲν ταύτην ἐπολιόρκει, Γύλιππον δὲ τὸν εἰσ Σικελίαν τοῖσ Συρακοσίοισ τῷ ναυτικῷ συμπολεμήσαντα ἀπέστειλεν εἰσ Σπάρτην τά τε λάφυρα κομίζοντα καὶ μετὰ τούτων ἀργυρίου τάλαντα χίλια καὶ πεντακόσια. ὄντοσ δὲ τοῦ χρήματοσ ἐν σακίοισ, καὶ ταῦτ’ ἔχοντοσ ἑκάστου σκυτάλην ἔχουσαν τὴν ἐπιγραφὴν τὸ πλῆθοσ τοῦ χρήματοσ δηλοῦσαν, ταύτην ἀγνοήσασ ὁ Γύλιπποσ τὰ μὲν σακία παρέλυσεν, ἐξελόμενοσ δὲ τάλαντα τριακόσια, καὶ διὰ τῆσ ἐπιγραφῆσ γνωσθεὶσ ὑπὸ τῶν ἐφόρων, ἔφυγε καὶ κατεδικάσθη θανάτῳ.

παραπλησίωσ δὲ καὶ τὸν πατέρα τοῦ Γυλίππου Κλέαρχον συνέβη φυγεῖν ἐν τοῖσ ἔμπροσθεν χρόνοισ, ὅτι δόξασ παρὰ Περικλέουσ λαβεῖν χρήματα περὶ τοῦ τὴν εἰσβολὴν εἰσ τὴν Ἀττικὴν μὴ ποιήσασθαι κατεδικάσθη θανάτῳ, καὶ φυγὼν ἐν Θουρίοισ τῆσ Ἰταλίασ διέτριβεν.

οὗτοι μὲν οὖν, ἄνδρεσ ἱκανοὶ τἄλλα δόξαντεσ εἶναι, ταῦτα πράξαντεσ τὸν ἄλλον βίον αὐτῶν κατῄσχυναν. Ἀθηναῖοι δὲ τὴν τῶν δυνάμεων φθορὰν ἀκούσαντεσ τοῦ μὲν ἀντέχεσθαι τῆσ θαλάττησ ἀπέστησαν, περὶ δὲ τὴν τῶν τειχῶν κατασκευὴν ἐγίνοντο καὶ τοὺσ λιμένασ ἀπεχώννυον, ἐλπίζοντεσ, ὅπερ ἦν εἰκόσ, εἰσ πολιορκίαν καταστήσεσθαι.

εὐθὺ γὰρ οἱ μὲν τῶν Λακεδαιμονίων βασιλεῖσ Ἆγισ καὶ Παυσανίασ μετὰ πολλῆσ δυνάμεωσ ἐμβαλόντεσ εἰσ τὴν Ἀττικὴν πρὸσ τοῖσ τείχεσιν ἐστρατοπέδευον, Λύσανδροσ δὲ πλέον ἢ διακοσίαισ τριήρεσιν εἰσ τὸν Πειραιέα κατέπλευσεν.

οἱ δ’ Ἀθηναῖοι τηλικούτοισ περιεχόμενοι κακοῖσ ὅμωσ ἀντεῖχον, καὶ ῥᾳδίωσ τὴν πόλιν παρεφύλαττον ἐπί τινα χρόνον. τοῖσ δὲ Πελοποννησίοισ ἔδοξεν, ἐπείπερ δυσχερὴσ ἦν ἡ πολιορκία, τὰσ μὲν δυνάμεισ ἀπαγαγεῖν ἐκ τῆσ Ἀττικῆσ, ταῖσ δὲ ναυσὶ μακρὰν ἐφεδρεύειν, ὅπωσ αὐτοῖσ μὴ παρακομισθῇ σῖτοσ.

οὗ συντελεσθέντοσ, οἱ μὲν Ἀθηναῖοι εἰσ δεινὴν σπάνιν ἐνέπεσον ἁπάντων μέν, μάλιστα δὲ τροφῆσ διὰ τὸ ταύτην ἀεὶ κατὰ θάλατταν αὐτοῖσ κομίζεσθαι.

ἐπιτείνοντοσ δὲ τοῦ δεινοῦ καθ’ ἡμέραν, ἡ μὲν πόλισ ἔγεμε νεκρῶν, οἱ δὲ λοιποὶ διαπρεσβευσάμενοι πρὸσ Λακεδαιμονίουσ συνέθεντο τὴν εἰρήνην, ὥστε τὰ μακρὰ σκέλη καὶ τὰ τείχη τοῦ Πειραιέωσ περιελεῖν, καὶ μακρὰσ ναῦσ μὴ πλεῖον ἔχειν δέκα, τῶν δὲ πόλεων πασῶν ἐκχωρῆσαι καὶ Λακεδαιμονίοισ ἡγεμόσι χρῆσθαι. ὁ μὲν οὖν Πελοποννησιακὸσ πόλεμοσ, μακρότατοσ γενόμενοσ ὧν ἴσμεν, τοιοῦτον ἔσχε τὸ τέλοσ, ἔτη διαμείνασ ἑπτὰ πρὸσ τοῖσ εἴκοσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 105

(디오도로스 시켈로스, Library, book xiii, chapter 105)

상위

목록

SEARCH

MENU NAVIGATION