헬라어 문장 검색 - Διοδορ́Λιβραρψ́6́61́

(디오도로스 시켈로스, Library, book xiii, chapter 104)

τοῦ δ’ ἔτουσ τούτου διελθόντοσ Ἀθήνησι μὲν ἦρχεν Ἀλεξίασ, ἐν δὲ τῇ Ῥώμῃ ἀντὶ τῶν ὑπάτων τρεῖσ χιλίαρχοι κατεστάθησαν, Γάιοσ Ιοὔλιοσ, Πούπλιοσ Κορνήλιοσ, Γάιοσ Σερουίλιοσ. τούτων δὲ τὴν ἀρχὴν παραλαβόντων Ἀθηναῖοι μετὰ τὴν ἀναίρεσιν τῶν στρατηγῶν ἐπὶ τὴν ἡγεμονίαν ἔταξαν Φιλοκλέα, καὶ τὸ ναυτικὸν αὐτῷ παραδόντεσ ἐξέπεμψαν πρὸσ Κόνωνα, προστάξαντεσ κοινῶσ ἀφηγεῖσθαι τῶν δυνάμεων. ὃσ ἐπεὶ κατέπλευσε πρὸσ Κόνωνα εἰσ Σάμον, τὰσ ναῦσ ἁπάσασ ἐπλήρωσεν, οὔσασ τρεῖσ πρὸσ ταῖσ ἑκατὸν ἑβδομήκοντα.

τούτων εἴκοσι μὲν ἔδοξεν αὐτοῦ καταλιπεῖν, ταῖσ δ’ ἄλλαισ ἁπάσαισ ἀνήχθησαν εἰσ Ἑλλήσποντον, ἡγουμένου Κόνωνοσ καὶ Φιλοκλέουσ. Λύσανδροσ δ’ ὁ τῶν Λακεδαιμονίων ναύαρχοσ ἐκ Πελοποννήσου παρὰ τῶν ἐγγὺσ συμμάχων τριάκοντα πέντε ναῦσ ἀθροίσασ κατέπλευσεν εἰσ Ἔφεσον.

μεταπεμψάμενοσ δὲ καὶ τὸν ἐκ Χίου στόλον ἐξήρτυεν· ἀνέβη δὲ καὶ πρὸσ Κῦρον τὸν Δαρείου τοῦ βασιλέωσ υἱόν, καὶ χρήματα πολλὰ παρέλαβε πρὸσ τὰσ τῶν στρατιωτῶν διατροφάσ. ὁ δὲ Κῦροσ, μεταπεμπομένου τοῦ πατρὸσ αὐτὸν εἰσ Πέρσασ, τῷ Λυσάνδρῳ τῶν ὑφ’ αὑτὸν πόλεων τὴν ἐπιστασίαν παρέδωκε καὶ τοὺσ φόρουσ τούτῳ τελεῖν συνέταξεν.

ὁ δὲ Λύσανδροσ πάντων τῶν εἰσ πόλεμον εὐπορήσασ εἰσ Ἔφεσον ἀνέστρεψεν. καθ’ ὃν δὴ χρόνον ἐν τῇ Μιλήτῳ τινὲσ ὀλιγαρχίασ ὀρεγόμενοι κατέλυσαν τὸν δῆμον, συμπραξάντων αὐτοῖσ Λακεδαιμονίων.

καὶ τὸ μὲν πρῶτον Διονυσίων ὄντων ἐν ταῖσ οἰκίαισ τοὺσ μάλιστα ἀντιπράττοντασ συνήρπασαν καὶ περὶ τεσσαράκοντα ὄντασ ἀπέσφαξαν, μετὰ δέ, τῆσ ἀγορᾶσ πληθούσησ,τριακοσίουσ ἐπιλέξαντεσ τοὺσ εὐπορωτάτουσ ἀνεῖλον. οἱ δὲ χαριέστατοι τῶν τὰ τοῦ δήμου φρονούντων, ὄντεσ οὐκ ἐλάττουσ χιλίων, φοβηθέντεσ τὴν περίστασιν ἔφυγον πρὸσ Φαρνάβαζον τὸν σατράπην·

οὗτοσ δὲ φιλοφρόνωσ αὐτοὺσ δεξάμενοσ, καὶ στατῆρα χρυσοῦν ἑκάστῳ δωρησάμενοσ, κατῴκισεν εἰσ Βλαῦδα, φρούριόν τι τῆσ Λυδίασ. Λύσανδροσ δὲ μετὰ τῶν πλείστων νεῶν ἐπὶ Ιἄσον τῆσ Καρίασ πλεύσασ, κατὰ κράτοσ αὐτὴν εἷλεν Ἀθηναίοισ συμμαχοῦσαν, καὶ τοὺσ μὲν ἡβῶντασ ὀκτακοσίουσ ὄντασ ἀπέσφαξε, παῖδασ δὲ καὶ γυναῖκασ λαφυροπωλήσασ κατέσκαψε τὴν πόλιν.

μετὰ δὲ ταῦτ’ ἐπὶ τὴν Ἀττικὴν καὶ πολλοὺσ τόπουσ πλεύσασ μέγα μὲν οὐδὲν οὐδ’ ἄξιον μνήμησ ἔπραξε·

διὸ καὶ ταῦτα μὲν οὐκ ἀναγράφειν ἐσπουδάσαμεν· τὸ δὲ τελευταῖον Λάμψακον ἑλὼν τὴν μὲν Ἀθηναίων φρουρὰν ἀφῆκεν ὑπόσπονδον, τὰσ δὲ κτήσεισ ἁρπάσασ τοῖσ Λαμψακηνοῖσ ἀπέδωκε τὴν πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 104

(디오도로스 시켈로스, Library, book xiii, chapter 104)

상위

목록

SEARCH

MENU NAVIGATION