헬라어 문장 검색 - Διοδορ́Λιβραρψ́6́54́

(디오도로스 시켈로스, Library, book xiii, chapter 93)

ἐκ δὲ τῆσ Γέλασ ἐνεχθέντων γραμμάτων, ὅπωσ ἀποσταλῶσι στρατιῶται πλείουσ, ἔλαβεν ὁ Διονύσιοσ οἰκείαν ἔφοδον τῆσ ἰδίασ προαιρέσεωσ. ἀποσταλεὶσ γὰρ μετὰ στρατιωτῶν πεζῶν μὲν δισχιλίων, ἱππέων δὲ τετρακοσίων, ἦλθε συντόμωσ εἰσ τὴν πόλιν τῶν Γελῴων, ἣν τότε παρεφύλαττε Δέξιπποσ ὁ Λακεδαιμόνιοσ, κατασταθεὶσ ὑπὸ Συρακοσίων. ὁ δ’ οὖν Διονύσιοσ καταλαβὼν τοὺσ εὐπορωτάτουσ στασιάζοντασ πρὸσ τὸν δῆμον, καὶ κατηγορήσασ αὐτῶν ἐν ἐκκλησίᾳ καὶ κατακρίνασ, αὐτοὺσ μὲν ἀπέκτεινε, τὰσ δ’ οὐσίασ αὐτῶν ἐδήμευσεν, ἐκ δὲ τῶν χρημάτων τούτων τοῖσ μὲν φρουροῦσι τὴν πόλιν, ὧν ἡγεῖτο Δέξιπποσ, ἀπέδωκε τοὺσ ὀφειλομένουσ μισθούσ·

τοῖσ δὲ μετ’ αὐτοῦ παραγεγονόσιν ἐκ Συρακουσῶν ἐπηγγείλατο διπλοῦσ ποιήσειν τοὺσ μισθούσ, ὧν ἡ πόλισ ἔταξε. διὰ δὲ τούτου τοῦ τρόπου τούσ τ’ ἐν Γέλᾳ στρατιώτασ καὶ τοὺσ μετ’ αὐτοῦ ταῖσ εὐνοίαισ ἰδίουσ κατεσκεύασεν.

ἐπῃνεῖτο δὲ καὶ ὑπὸ τοῦ δήμου τῶν Γελῴων ὡσ αἴτιοσ αὐτοῖσ γεγενημένοσ τῆσ ἐλευθερίασ· τοῖσ γὰρ δυνατωτάτοισ φθονοῦντεσ τὴν ἐκείνων ὑπεροχὴν δεσποτείαν αὐτῶν ἀπεκάλουν. διόπερ ἐξέπεμψαν πρέσβεισ τοὺσ ἐπαινοῦντασ ἐν Συρακούσαισ καὶ τὰ ψηφίσματα φέροντασ, ἐν οἷσ αὐτὸν μεγάλαισ δωρεαῖσ ἐτίμησαν.

ὁ δὲ Διονύσιοσ ἐπεβάλετο μὲν τὸν Δέξιππον πείθειν κοινωνῆσαι τῆσ ἐπιβολῆσ· ἐπεὶ δ’ οὐ συγκατετίθετο, μετὰ τῶν ἰδίων στρατιωτῶν ἕτοιμοσ ἦν ἀνακάμπτειν εἰσ Συρακούσασ. οἱ δὲ Γελῷοι πυνθανόμενοι τοὺσ Καρχηδονίουσ μέλλειν μετὰ πάσησ τῆσ δυνάμεωσ ἐπὶ πρώτην στρατεύειν τὴν Γέλαν, ἐδέοντο τοῦ Διονυσίου μεῖναι καὶ μὴ περιιδεῖν αὐτοὺσ τὰ αὐτὰ τοῖσ Ἀκραγαντίνοισ παθόντασ.

οἷσ ἐπαγγειλάμενοσ ὁ Διονύσιοσ συντόμωσ ἥξειν μετὰ πλείονοσ δυνάμεωσ, ἐξώρμησεν ἐκ τῆσ Γέλασ μετὰ τῶν ἰδίων στρατιωτῶν. θέασ δ’ οὔσησ ἐν ταῖσ Συρακούσαισ, κατὰ τὴν ὡρ́αν τῆσ ἀπαλλαγῆσ τῶν ἐκ τοῦ θεάτρου παρῆν εἰσ τὴν πόλιν.

συνδραμόντων δὲ τῶν ὄχλων ἐπ’ αὐτὸν καὶ πυνθανομένων περὶ τῶν Καρχηδονίων, ἀγνοεῖν αὐτοὺσ ἔφη, διότι τῶν ἔξωθεν πολεμιωτέρουσ ἔχουσι τοὺσ ἔνδον τῶν κοινῶν προεστῶτασ, οἷσ οἱ μὲν πολῖται πιστεύοντεσ ἑορτάζουσιν, αὐτοὶ δὲ διαφοροῦντεσ τὰ δημόσια τοὺσ στρατιώτασ ἀμίσθουσ πεποιήκασι, καὶ τῶν πολεμίων ἀνυπερβλήτουσ ποιουμένων τὰσ εἰσ τὸν πόλεμον παρασκευὰσ καὶ μελλόντων ἐπὶ Συρακούσασ τὴν δύναμιν ἄγειν, τούτων οὐδ’ ἡντινοῦν ποιοῦνται φροντίδα. δι’ ἣν δ’ αἰτίαν ταῦτα πράττουσιν, εἰδέναι μὲν καὶ πρότερον, νῦν δὲ σαφέστερον ἀνεγνωκέναι·

Ἰμίλκωνα γὰρ πρὸσ αὐτὸν ἀπεσταλκέναι κήρυκα, πρόφασιν μὲν ὑπὲρ τῶν αἰχμαλώτων, παρακαλεῖν δὲ ‐ πλῆθοσ τῶν συναρχόντων περιποιησάμενον μηδὲν τῶν πραττομένων πολυπραγμονεῖν ‐ μή γ’ ἀντιπράττειν, ἐπειδὴ συνεργεῖν οὐ προαιρεῖται. μηκέτ’ οὖν βούλεσθαι στρατηγεῖν, ἀλλὰ παρεῖναι τὴν ἀρχὴν ἀποθησόμενοσ·

οὐ γὰρ ἀνεκτὸν εἶναι, τῶν ἄλλων πωλούντων τὴν πατρίδα, μόνον κινδυνεύειν μετὰ τῶν πολιτῶν ἅμα καὶ δόξειν μετεσχηκέναι τῆσ προδοσίασ. παροξυνθέντων δὲ ἐπὶ τοῖσ ῥηθεῖσι καὶ τοῦ λόγου διὰ πάσησ τῆσ δυνάμεωσ ῥυέντοσ, τότε μὲν εἷσ ἕκαστοσ ἀγωνιῶν εἰσ οἶκον ἐχωρίσθη·

τῇ δ’ ὑστεραίᾳ συναχθείσησ ἐκκλησίασ, ἐν ᾗ τῶν ἀρχόντων πολλὰ κατηγορήσασ οὐ μετρίωσ εὐδοκίμησε, τὸν δὲ δῆμον κατὰ τῶν στρατηγῶν παρώξυνε. τέλοσ δὲ τῶν καθημένων τινὲσ ἀνεβόησαν στρατηγὸν αὐτὸν αὐτοκράτορα καθιστάναι καὶ μὴ περιμένειν, ἄχρισ ἂν οἱ πολέμιοι τοῖσ τείχεσιν ἐπεισίωσι·

χρείαν γὰρ ἔχειν τὸ μέγεθοσ τοῦ πολέμου τοιούτου στρατηγοῦ, δι’ οὗ δυνατὸν εἶναι εὐπορεῖν τοῖσ πράγμασιν· τὰ δὲ περὶ τῶν προδοτῶν ἐν ἐκκλησίᾳ ἑτέρᾳ βουλεύεσθαι· τῶν γὰρ ἐνεστώτων καιρῶν ἀλλότριον εἶναι· καὶ πρότερον δὲ Καρχηδονίων τὰσ τριάκοντα μυριάδασ περὶ τὴν Ἱμέραν νενικῆσθαι στρατηγοῦντοσ Γέλωνοσ αὐτοκράτοροσ. ταχὺ δὲ τῶν πολλῶν, ὥσπερ εἰώθασιν, ἐπὶ τὸ χεῖρον ῥεπόντων, ὁ Διονύσιοσ ἀπεδείχθη στρατηγὸσ αὐτοκράτωρ.

ἐπεὶ δ’ οὖν αὐτῷ τὰ πράγματα κατὰ νοῦν ἠκολούθει, ψήφισμα ἔγραψε τοὺσ μισθοὺσ διπλασίουσ εἶναι· πάντασ γὰρ ἔφησε τούτου γενομένου προθυμοτέρουσ ἔσεσθαι πρὸσ τὸν ἀγῶνα, καὶ περὶ τῶν χρημάτων παρεκάλει μηθὲν ἀγωνιᾶν· ἔσεσθαι γὰρ αὐτῶν τὸν πόρον ῥᾴδιον. διαλυθείσησ δὲ τῆσ ἐκκλησίασ οὐκ ὀλίγοι τῶν Συρακοσίων κατηγόρουν τῶν πραχθέντων, ὥσπερ οὐκ αὐτοὶ ταῦτα κεκυρωκότεσ·

τοῖσ γὰρ λογισμοῖσ εἰσ ἑαυτοὺσ ἐρχόμενοι τὴν ἐσομένην δυναστείαν ἀνεθεώρουν. οὗτοι μὲν οὖν βεβαιῶσαι βουλόμενοι τὴν ἐλευθερίαν ἔλαθον ἑαυτοὺσ δεσπότην τῆσ πατρίδοσ καθεστακότεσ· ὁ δὲ Διονύσιοσ τὴν μετάνοιαν τῶν ὄχλων φθάσαι βουλόμενοσ, ἐπεζήτει δι’ οὗ τρόπου δύναιτο φύλακασ αἰτήσασθαι τοῦ σώματοσ·

τούτου γὰρ συγχωρηθέντοσ ῥᾳδίωσ ἤμελλε κυριεύσειν τῆσ τυραννίδοσ. εὐθὺσ οὖν παρήγγειλε τοὺσ ἐν ἡλικίᾳ πάντασ ἑώσ ἐτῶν τεσσαράκοντα λαβόντασ ἐπισιτισμὸν ἡμερῶν τριάκοντα καταντᾶν μετὰ τῶν ὅπλων εἰσ Λεοντίνουσ. αὕτη δ’ ἡ πόλισ τότε φρούριον ἦν τῶν Συρακοσίων, πλῆρεσ ὑπάρχον φυγάδων καὶ ξένων ἀνθρώπων. ἤλπιζε γὰρ τούτουσ συναγωνιστὰσ ἕξειν, ἐπιθυμοῦντασ μεταβολῆσ, τῶν δὲ Συρακοσίων τοὺσ πλείστουσ οὐδ’ ἥξειν εἰσ Λεοντίνουσ. οὐ μὴν ἀλλὰ νυκτὸσ ἐπὶ τῆσ χώρασ στρατοπεδεύων, καὶ προσποιηθεὶσ ἐπιβουλεύεσθαι, κραυγὴν ἐποίησε καὶ θόρυβον διὰ τῶν ἰδίων οἰκετῶν·

τοῦτο δὲ πράξασ συνέφυγεν εἰσ τὴν ἀκρόπολιν, καὶ διενυκτέρευσε πυρὰ καίων καὶ τοὺσ γνωριμωτάτουσ τῶν στρατιωτῶν μεταπεμπόμενοσ. ἅμα δ’ ἡμέρᾳ τοῦ πλήθουσ ἀθροισθέντοσ εἰσ Λεοντίνουσ, πολλὰ πρὸσ τὴν τῆσ ἐπιβολῆσ ὑπόθεσιν πιθανολογήσασ ἔπεισε τοὺσ ὄχλουσ δοῦναι φύλακασ αὐτῷ τῶν στρατιωτῶν ἑξακοσίουσ, οὓσ ἂν προαιρῆται.

λέγεται δὲ τοῦτο πρᾶξαι τὸν Διονύσιον ἀπομιμούμενον Πεισίστρατον τὸν Ἀθηναῖον· καὶ γὰρ ἐκεῖνόν φασιν ἑαυτὸν κατατραυματίσαντα προελθεῖν εἰσ τὴν ἐκκλησίαν ὡσ ἐπιβεβουλευμένον, καὶ διὰ τοῦτο φυλακὴν λαβεῖν παρὰ τῶν πολιτῶν, ᾗ χρησάμενον τὴν τυραννίδα περιπεποιῆσθαι.

καὶ τότε Διονύσιοσ τῇ παραπλησίᾳ μηχανῇ τὸ πλῆθοσ ἐξαπατήσασ ἐνήργει τὰ τῆσ τυραννίδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 93

(디오도로스 시켈로스, Library, book xiii, chapter 93)

상위

목록

SEARCH

MENU NAVIGATION