헬라어 문장 검색 - Διοδορ́Λιβραρψ́6́49́

(디오도로스 시켈로스, Library, book xiii, chapter 83)

ἦν δὲ τῶν Ἀκραγαντίνων σχεδὸν πλουσιώτατοσ κατ’ ἐκεῖνον τὸν χρόνον Τελλίασ, ὃσ κατὰ τὴν οἰκίαν ξενῶνασ ἔχων πλείουσ πρὸσ ταῖσ πύλαισ ἔταττεν οἰκέτασ, οἷσ παρηγγελμένον ἦν ἅπαντασ τοὺσ ξένουσ καλεῖν ἐπὶ ξενίᾳ. πολλοὶ δὲ καὶ τῶν ἄλλων Ἀκραγαντίνων ἐποίουν τὸ παραπλήσιον, ἀρχαϊκῶσ καὶ φιλανθρώπωσ ὁμιλοῦντεσ· διόπερ καὶ Ἐμπεδοκλῆσ λέγει περὶ αὐτῶν, ξείνων αἰδοῖοι λιμένεσ, κακότητοσ ἄπειροι. καὶ δή ποτε πεντακοσίων ἱππέων παραγενομένων ἐκ Γέλασ χειμερίου περιστάσεωσ οὔσησ, καθάπερ φησὶ Τίμαιοσ ἐν τῇ πεντεκαιδεκάτῃ βίβλῳ, πάντασ αὐτὸσ ὑπεδέξατο, καὶ παραχρῆμα πᾶσιν ἱμάτια καὶ χιτῶνασ ἔνδοθεν προενέγκασ ἔδωκεν.

καὶ Πολύκλειτοσ ἐν ταῖσ ἱστορίαισ ἐξηγεῖται περὶ τοῦ κατὰ τὴν οἰκίαν πιθεῶνοσ λέγων ὡσ διαμείναντοσ αὐτοῦ τε στρατευομένου ἐν Ἀκράγαντι τεθεωρηκότοσ·

εἶναι δ’ ἐν αὐτῷ τριακοσίουσ μὲν πίθουσ ἐξ αὐτῆσ τῆσ πέτρασ τετμημένουσ, ἕκαστον ἑκατὸν ἀμφορεῖσ χωροῦντα· κολυμβήθραν δὲ παρ’ αὐτοῖσ ὑπάρχειν κεκονιαμένην, χωροῦσαν ἀμφορεῖσ χιλίουσ, ἐξ ἧσ τὴν ῥύσιν εἰσ τοὺσ πίθουσ γίνεσθαι. γεγονέναι δέ φασι τὸν Τελλίαν τὸ μὲν εἶδοσ εὐτελῆ παντελῶσ, τὸ δὲ ἦθοσ θαυμαστόν.

ἀποσταλέντοσ οὖν αὐτοῦ πρὸσ Κεντοριπίνουσ κατὰ πρεσβείαν, καὶ παρεληλυθότοσ εἰσ τὴν ἐκκλησίαν, τὸ μὲν πλῆθοσ προέπεσεν εἰσ ἄκαιρον γέλωτα, θεωροῦν καταδεέστερον τῆσ περὶ αὐτοῦ δόξησ· ὁ δ’ ὑπολαβὼν εἶπε μὴ θαυμάζειν· ἐν ἔθει γὰρ εἶναι τοῖσ Ἀκραγαντίνοισ πρὸσ μὲν τὰσ ἐπιδόξουσ πόλεισ ἀποστέλλειν τοὺσ κρατίστουσ τῷ κάλλει, πρὸσ δὲ τὰσ ταπεινὰσ καὶ λίαν εὐτελεῖσ ὁμοίουσ. οὐ μόνον δὲ περὶ τὸν Τελλίαν συνέβαινεν εἶναι τοῦ πλούτου μεγαλοπρέπειαν, ἀλλὰ καὶ περὶ πολλοὺσ ἄλλουσ Ἀκραγαντίνουσ.

Ἀντισθένησ γοῦν ὁ ἐπικαλούμενοσ Ῥόδοσ γάμουσ ἐπιτελῶν τῆσ θυγατρὸσ εἱστίασε τοὺσ πολίτασ ἐπὶ τῶν στενωπῶν ὧν ᾤκουν ἕκαστοι, καὶ ζεύγη τῇ νύμφῃ συνηκολούθησε πλείω τῶν ὀκτακοσίων· πρὸσ δὲ τούτοισ οὐ μόνον οἱ κατ’ αὐτὴν τὴν πόλιν ἱππεῖσ, ἀλλὰ καὶ τῶν ἀστυγειτόνων πολλοὶ κληθέντεσ ἐπὶ τὸν γάμον συμπροέπεμψαν τὴν νύμφην. περιττότατον δέ φασι γενέσθαι τὸ περὶ τὴν τοῦ φωτὸσ κατασκευήν·

τούσ τε γὰρ βωμοὺσ τοὺσ ἐν πᾶσι τοῖσ ἱεροῖσ καὶ τοὺσ ἐν τοῖσ στενωποῖσ καθ’ ὅλην τὴν πόλιν ἐπλήρωσε ξύλων, καὶ τοῖσ ἐπὶ τῶν ἐργαστηρίων ἔδωκε σχίδακασ καὶ κληματίδασ, παραγγείλασ, ὅταν ἀπὸ τῆσ ἀκροπόλεωσ ἀναφθῇ πῦρ, ἅπαντασ ἐπιτελεῖν τὸ παραπλήσιον· ὧν ποιησάντων τὸ προσταχθέν, καθ’ ὃν καιρὸν ἤγετο ἡ νύμφη, προηγουμένων πολλῶν τῶν τὰσ δᾷδασ φερόντων, ἡ μὲν πόλισ ἔγεμε φωτόσ, τὸ δὲ συνακολουθοῦν πλῆθοσ οὐκ ἐχώρουν αἱ δημόσιαι κατὰ τὸ ἑξῆσ ὁδοί, πάντων συμφιλοτιμουμένων τῇ τἀνδρὸσ μεγαλοπρεπείᾳ.

κατ’ ἐκεῖνον γὰρ τὸν χρόνον Ἀκραγαντῖνοι μὲν ἦσαν πλείουσ τῶν δισμυρίων, σὺν δὲ τοῖσ κατοικοῦσι ξένοισ οὐκ ἐλάττουσ τῶν εἴκοσι μυριάδων. φασὶ δὲ τὸν Ἀντισθένην, ἐπειδὴ τὸν υἱὸν ἑώρα πολεμοῦντά τινα τῶν ἀγρογειτόνων πένητα καὶ βιαζόμενον ἑαυτῷ τὸ ἀγρίδιον πωλῆσαι, μέχρι μέν τινοσ ἐπιπλήττειν, τῆσ δ’ ἐπιθυμίασ ἐπίτασιν λαμβανούσησ, φῆσαι δεῖν μὴ σπεύδειν πῶσ ἄπορον ποιήσῃ τὸν γείτονα, ἀλλὰ τοὐναντίον ὅπωσ πλούσιοσ ὑπάρχῃ·

οὕτωσ γὰρ αὐτὸν ἐπιθυμήσειν μὲν ἀγροῦ μείζονοσ, οὐ δυνάμενον δὲ παρὰ τοῦ γείτονοσ προσαγοράσαι τὸν ὑπάρχοντα πωλήσειν. διὰ δὲ τὸ μέγεθοσ τῆσ κατὰ τὴν πόλιν εὐπορίασ τοσαύτην συνέβαινε τρυφὴν εἶναι παρὰ τοῖσ Ἀκραγαντίνοισ, ὥστε μετ’ ὀλίγον τῆσ πολιορκίασ γινομένησ ποιῆσαι ψήφισμα περὶ τῶν ἐν τοῖσ φυλακείοισ διανυκτερευόντων, ὅπωσ μή τισ ἔχῃ πλεῖον τύλησ καὶ περιστρώματοσ καὶ κωδίου καὶ δυεῖν προσκεφαλαίων.

τοιαύτησ δὲ τῆσ σκληροτάτησ στρωμνῆσ ὑπαρχούσησ, ἔξεστι λογίζεσθαι τὴν κατὰ τὸν λοιπὸν βίον τρυφήν.

περὶ μὲν οὖν τούτων οὔτε παραδραμεῖν ἠθελήσαμεν οὔτ’ ἐπὶ πλεῖον μακρολογεῖν, ἵνα μὴ τῶν ἀναγκαιοτέρων ἀποπίπτωμεν. οἱ δὲ Καρχηδόνιοι τὰσ δυνάμεισ διαβιβάσαντεσ εἰσ τὴν Σικελίαν ἀνέζευξαν ἐπὶ τὴν πόλιν τῶν Ἀκραγαντίνων, καὶ δύο παρεμβολὰσ ἐποιήσαντο, μίαν μὲν ἐπί τινων λόφων, ἐφ’ ὧν τούσ τε Ἴβηρασ καί τινασ τῶν Λιβύων ἔταξαν εἰσ τετρακισμυρίουσ·

τὴν δ’ ἄλλην οὐκ ἄπωθεν τῆσ πόλεωσ ποιησάμενοι τάφρῳ βαθείᾳ καὶ χάρακι περιέλαβον. καὶ πρῶτον μὲν ἀπέστειλαν πρέσβεισ πρὸσ τοὺσ Ἀκραγαντίνουσ, ἀξιοῦντεσ μάλιστα μὲν συμμαχεῖν αὐτοῖσ, εἰ δὲ μή γε, ἡσυχίαν ἔχειν καὶ φίλουσ εἶναι Καρχηδονίοισ ἐν εἰρήνῃ μένοντασ·

οὐ προσδεξαμένων δὲ τῶν ἐν τῇ πόλει τοὺσ λόγουσ, εὐθὺσ τὰ τῆσ πολιορκίασ ἐνηργεῖτο. οἱ μὲν οὖν Ἀκραγαντῖνοι τοὺσ ἐν ἡλικίᾳ πάντασ καθώπλισαν, καὶ καταστήσαντεσ εἰσ τάξιν τοὺσ μὲν ἐπὶ τῶν τειχῶν ἔστησαν, τοὺσ δὲ ἐφέδρουσ πρὸσ τὰσ τῶν καταπονουμένων διαδοχάσ.

συνεμάχει δ’ αὐτοῖσ Δέξιππόσ τε ὁ Λακεδαιμόνιοσ προσφάτωσ ἐκ Γέλασ παρὼν μετὰ ξένων χιλίων πεντακοσίων· οὗτοσ γὰρ κατ’ ἐκεῖνον τὸν χρόνον, ὡσ Τίμαιόσ φησιν, ἐν Γέλᾳ διέτριβεν, ἔχων ἀξίωμα διὰ τὴν πατρίδα. διόπερ ἠξίωσαν αὐτὸν οἱ Ἀκραγαντῖνοι μισθωσάμενον στρατιώτασ ὡσ πλείστουσ ἐλθεῖν εἰσ Ἀκράγαντα·

ἅμα δὲ τούτοισ ἐμισθώθησαν καὶ οἱ πρότερον Ἀννίβᾳ συμμαχήσαντεσ Καμπανοί, περὶ ὀκτακοσίουσ ὄντεσ. οὗτοι δὲ κατέσχον τὸν ὑπὲρ τῆσ πόλεωσ λόφον, τὸν Ἀθήναιον μὲν ὀνομαζόμενον, κατὰ δὲ τῆσ πόλεωσ εὐφυῶσ κείμενον. Ἰμίλκασ δὲ καὶ Ἀννίβασ οἱ τῶν Καρχηδονίων στρατηγοὶ διασκεψάμενοι τὰ τείχη, καὶ καθ’ ἕνα τόπον θεωροῦντεσ εὐέφοδον οὖσαν τὴν πόλιν, δύο πύργουσ προσήγαγον τοῖσ τείχεσιν ὑπερμεγέθεισ.

τὴν μὲν οὖν πρώτην ἡμέραν ἐπὶ τούτων τειχομαχήσαντεσ καὶ συχνοὺσ ἀνελόντεσ ἀνεκαλέσαντο τῇ σάλπιγγι τοὺσ μαχομένουσ· τῆσ δὲ νυκτὸσ ἐπιγενομένησ οἱ κατὰ τὴν πόλιν ἐπεξελθόντεσ ἐνεπύρισαν τὰσ μηχανάσ. οἱ δὲ περὶ τὸν Ἀννίβαν σπεύδοντεσ κατὰ πλείονα μέρη τὰσ προσβολὰσ ποιεῖσθαι, παρήγγειλαν τοῖσ στρατιώταισ καθαιρεῖν τὰ μνήματα καὶ χώματα κατασκευάζειν μέχρι τῶν τειχῶν.

ταχὺ δὲ τῶν ἔργων διὰ τὴν πολυχειρίαν συντελουμένων ἐνέπεσεν εἰσ τὸ στρατόπεδον πολλὴ δεισιδαιμονία. τὸν γὰρ τοῦ Θήρωνοσ τάφον ὄντα καθ’ ὑπερβολὴν μέγαν συνέβαινεν ὑπὸ κεραυνοῦ διασεῖσθαι·

διόπερ αὐτοῦ καθαιρουμένου τῶν τε μάντεών τινεσ προνοήσαντεσ διεκώλυσαν, εὐθὺ δὲ καὶ λοιμὸσ ἐνέπεσεν εἰσ τὸ στρατόπεδον, καὶ πολλοὶ μὲν ἐτελεύτων, οὐκ ὀλίγοι δὲ στρέβλαισ καὶ δειναῖσ ταλαιπωρίαισ περιέπιπτον. ἀπέθανε δὲ καὶ Ἀννίβασ ὁ στρατηγόσ, καὶ τῶν ἐπὶ τὰσ φυλακὰσ προπεμπομένων ἤγγελλόν τινεσ διὰ νυκτὸσ εἴδωλα φαίνεσθαι τῶν τετελευτηκότων.

Ἰμίλκασ δὲ θεωρῶν τὰ πλήθη δεισιδαιμονοῦντα πρῶτον μὲν ἐπαύσατο καθαιρῶν τὰ μνημεῖα, μετὰ δὲ ταῦτα ἱκέτευε τοὺσ θεοὺσ κατὰ τὸ πάτριον ἔθοσ τῷ μὲν Κρόνῳ παῖδα σφαγιάσασ, τῷ δὲ Ποσειδῶνι πλῆθοσ ἱερείων καταποντίσασ. οὐ μὴν ἀπέστη γε τῶν ἔργων, ἀλλὰ χώσασ τὸν παρὰ τὴν πόλιν ποταμὸν μέχρι τῶν τειχῶν ἐπέστησε πάσασ τὰσ μηχανὰσ καὶ καθ’ ἡμέραν προσβολὰσ ἐποιεῖτο. οἱ δὲ Συρακόσιοι θεωροῦντεσ τὴν Ἀκράγαντοσ πολιορκίαν, καὶ φοβούμενοι μὴ τῆσ αὐτῆσ τοῖσ Σελινουντίοισ καὶ τοῖσ Ἱμεραίοισ τύχωσιν οἱ πολιορκούμενοι τύχησ, πάλαι μὲν ἔσπευδον ἐκπέμψαι τὴν βοήθειαν, τότε δὲ παραγενομένων τῶν ἐξ Ἰταλίασ καὶ Μεσσήνησ συμμάχων στρατηγὸν Λαφναῖον εἵλαντο.

τὴν δὲ δύναμιν ἀθροίσαντεσ παρέλαβον κατὰ τὴν ὁδὸν Καμαριναίουσ καὶ Γελῴουσ·

ἔτι δὲ τῶν ἐκ τῆσ μεσογείου μεταπεμψάμενοί τινασ ἐπ’ Ἀκράγαντοσ τὴν πορείαν ἐποιοῦντο, συμπαραπλεουσῶν αὐτοῖσ καὶ τῶν νεῶν τριάκοντα. εἶχον δὲ τοὺσ πάντασ πεζοὺσ μὲν πλείουσ τῶν τρισμυρίων, ἱππεῖσ δ’ οὐκ ἐλάττουσ τῶν πεντακισχιλίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 83

(디오도로스 시켈로스, Library, book xiii, chapter 83)

상위

목록

SEARCH

MENU NAVIGATION