헬라어 문장 검색 - Διοδορ́Λιβραρψ́6́29́

(디오도로스 시켈로스, Library, book xiii, chapter 52)

ἀπενεχθείσησ δὲ τῆσ νίκησ εἰσ Ἀθήνασ, ὁ μὲν δῆμοσ ἐκ τῶν προτέρων συμφορῶν ἀνελπίστουσ εὐτυχίασ ὁρῶν τῇ πόλει προσγεγενημένασ μετέωροσ ἦν ἐπὶ τοῖσ εὐημερήμασι, καὶ τοῖσ μὲν θεοῖσ πανδημεὶ θυσίασ καὶ πανηγύρεισ ἐποιήσατο, εἰσ δὲ τὸν πόλεμον ἐπέλεξε χιλίουσ τῶν ὁπλιτῶν τοὺσ κρατίστουσ, ἱππεῖσ δ’ ἑκατόν, πρὸσ δὲ τούτοισ τριάκοντα τριήρεισ ἀπέστειλε τοῖσ περὶ τὸν Ἀλκιβιάδην, ὅπωσ τὰσ περὶ Λακεδαιμονίουσ πόλεισ ἀδεῶσ πορθῶσι κρατοῦντεσ τῆσ θαλάττησ. οἱ δὲ Λακεδαιμόνιοι ὡσ ἤκουσαν τὴν περὶ Κύζικον αὐτοῖσ γενομένην συμφοράν, πρέσβεισ ἐξέπεμψαν εἰσ Ἀθήνασ ὑπὲρ εἰρήνησ, ὧν ἦν ἀρχιπρεσβευτὴσ Ἔνδιοσ.

ἐξουσίασ δ’ αὐτῷ δοθείσησ παρελθὼν συντόμωσ καὶ λακωνικῶσ διελέχθη· διόπερ ἔκρινα μὴ παραλιπεῖν τοὺσ ῥηθέντασ λόγουσ. βουλόμεθα πρὸσ ὑμᾶσ ἄγειν εἰρήνην, ἄνδρεσ Ἀθηναῖοι, καὶ τὰσ μὲν πόλεισ ἔχειν ἃσ ἑκάτεροι κρατοῦμεν, τὰ δὲ φρούρια τὰ παρ’ ἀλλήλοισ καταλῦσαι, τῶν δ’ αἰχμαλώτων λυτροῦντεσ ἀνθ’ ἑνὸσ Ἀθηναίου λαβεῖν ἕνα Λάκωνα.

οὐ γὰρ ἀγνοοῦμεν τὸν πόλεμον ἀμφοτέροισ μὲν βλαβερόν, πολὺ δὲ μᾶλλον ὑμῖν. παραπέμψαντεσ δὲ τὸν ἐμὸν λόγον ἐκ τῶν πραγμάτων μάθετε.

ἡμεῖσ μὲν ἅπασαν τὴν Πελοπόννησον γεωργοῦμεν, ὑμεῖσ δὲ βραχὺ μέροσ τῆσ Ἀττικῆσ· καὶ Λάκωσι μὲν ὁ πόλεμοσ πολλοὺσ συνέθηκε συμμάχουσ, Ἀθηναίων δὲ τοσούτουσ ἀφείλατο ὅσουσ τοῖσ πολεμίοισ ἔδωκε· καὶ ἡμῖν μὲν ὁ πλουσιώτατοσ τῶν κατὰ τὴν οἰκουμένην βασιλέων χορηγόσ ἐστι τοῦ πολέμου, ὑμῖν δὲ οἱ πενιχρότατοι τῶν κατὰ τὴν οἰκουμένην· διόπερ οἱ μὲν ἡμέτεροι κατὰ τὸ μέγεθοσ τῶν μισθῶν προθύμωσ στρατεύονται, οἱ δὲ ὑμέτεροι, τὰσ εἰσφορὰσ ἀπὸ τῶν ἰδίων διδόντεσ οὐσιῶν, ἅμα καὶ τὰσ κακοπαθείασ φεύγουσι καὶ τὰσ δαπάνασ.

ἔπειθ’ ἡμεῖσ μὲν κατὰ θάλατταν πολεμοῦντεσ σκάφεσι πολιτικοῖσ μόνον κινδυνεύομεν, ὑμεῖσ δὲ πολίτασ ἔχετε τοὺσ πλείστουσ ἐν ταῖσ ναυσίν.

τὸ δὲ μέγιστον, ἡμεῖσ μὲν κἂν κρατηθῶμεν ἐν τοῖσ κατὰ θάλατταν πράγμασι, τήν γε κατὰ γῆν ἡγεμονίαν ὁμολογουμένωσ ἔχομεν· οὐδὲ γὰρ οἶδε τὸ φυγεῖν πεζὸσ Σπαρτιάτησ· ὑμεῖσ δὲ τῆσ θαλάττησ ἐκβληθέντεσ οὐχ ὑπὲρ ἡγεμονίασ πεζῆσ, ἀλλ’ ὑπὲρ ἀναστάσεωσ ἀγωνιᾶτε. καταλείπεταί μοι διδάξαι, πῶσ τοσαῦτα καὶ τηλικαῦτα πλεονεκτοῦντεσ ἐν τῷ πολεμεῖν εἰρήνην ἄγειν παρακαλοῦμεν.

ἐγὼ δ’ ὠφελεῖσθαι μὲν ἐκ τοῦ πολεμεῖν οὔ φημι τὴν Σπάρτην, βλάπτεσθαι μέντοι γε ἔλαττον τῶν Ἀθηναίων. ἀποπλήκτων δὲ εὐδοκεῖν συνατυχοῦντασ τοῖσ πολεμίοισ, παρὸν μηδ’ ὅλωσ ἀτυχίασ λαβεῖν πεῖραν· οὐ τοσαύτην γὰρ ἡ τῶν πολεμίων ἀπώλεια φέρει χαράν, ἡλίκην ἔχει λύπην ἡ τῶν ἰδίων ταλαιπωρία. οὐ μόνον δὲ τούτων ἕνεκα διαλυθῆναι σπεύδομεν,ἀλλὰ καὶ τὸ πάτριον ἔθοσ τηροῦντεσ·

θεωροῦντεσ γὰρ τὰσ ἐν τῷ πολέμῳ φιλονεικίασ πολλὰ καὶ δεινὰ πάθη ποιούσασ, οἰόμεθα δεῖν φανερὸν ποιῆσαι πᾶσι καὶ θεοῖσ καὶ ἀνθρώποισ, ὅτι τούτων ἥκιστα πάντων ἐσμὲν αἴτιοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 52

(디오도로스 시켈로스, Library, book xiii, chapter 52)

상위

목록

SEARCH

MENU NAVIGATION