헬라어 문장 검색 - Διοδορ́Λιβραρψ́6́25́

(디오도로스 시켈로스, Library, book xiii, chapter 46)

οὐ μὴν οὐδ’ οἱ τοῖσ καταστρώμασιν ἐπιβεβηκότεσ ἄπρακτον εἶχον τὴν φιλοτιμίαν, ἀλλ’ οἱ μὲν ἐκ πολλοῦ διαστήματοσ ἐφεστηκότεσ ἐτόξευον κατὰ τὸ συνεχέσ, καὶ ταχὺ ὁ τόποσ ἦν βελῶν πλήρησ· οἱ δ’ ἀεὶ προσιόντεσ ἐγγυτέρω τὰσ λόγχασ ἠκόντιζον, οἱ μὲν ἐπὶ τοὺσ ἀμυνομένουσ ἐπιβάτασ, οἱ δ’ ἐπ’ αὐτοὺσ βαλεῖν φιλοτιμούμενοι τοὺσ κυβερνήτασ· ὁπότε δὲ συνερείσειαν αἱ ναῦσ, τοῖσ τε δόρασιν ἠγωνίζοντο καὶ κατὰ τὰσ προσαγωγὰσ εἰσ τὰσ τῶν πολεμίων τριήρεισ μεθαλλόμενοι τοῖσ ξίφεσιν ἀλλήλουσ ἠμύνοντο. κατὰ δὲ τὰσ γινομένασ ἐλαττώσεισ τῶν νικώντων ἐπαλαλαζόντων καὶ τῶν ἄλλων μετὰ βοῆσ παραβοηθούντων, κραυγὴ σύμμικτοσ ἐγίνετο παρ’ ὅλον τὸν τῆσ ναυμαχίασ τόπον.

ἐπὶ πολὺν οὖν χρόνον ἰσόρροποσ ἦν ἡ μάχη διὰ τὴν ὑπερβολὴν τῆσ παρ’ ἀμφοτέροισ φιλοτιμίασ· μετὰ δὲ ταῦτα Ἀλκιβιάδησ ἐκ Σάμου παραδόξωσ ἐπεφάνη μετὰ νεῶν εἴκοσι, πλέων κατὰ τύχην εἰσ Ἑλλήσποντον. τούτων δὲ πόρρω μὲν οὐσῶν, ἑκάτεροι σφίσι βοήθειαν ἐλπίζοντεσ παραγενέσθαι, μετέωροι ταῖσ ἐλπίσιν ἐγίνοντο καὶ πολὺ προθυμότερον ταῖσ τόλμαισ διεκινδύνευον·

ἐπεὶ δ’ ἤδη σύνεγγυσ ἦν ὁ στόλοσ, καὶ τοῖσ μὲν Λακεδαιμονίοισ οὐδὲν ἐφαίνετο σύσσημον, τοῖσ δ’ Ἀθηναίοισ Ἀλκιβιάδησ μετέωρον ἐποίησεν ἐπίσημον φοινικοῦν ἀπὸ τῆσ ἰδίασ νεώσ, ὅπερ ἦν σύσσημον αὐτοῖσ διατεταγμένον, οἱ μὲν Λακεδαιμόνιοι καταπλαγέντεσ ἐτράπησαν, οἱ δ’ Ἀθηναῖοι τῷ προτερήματι μετεωρισθέντεσ μετὰ σπουδῆσ ἐπεδίωκον τὰσ ὑποφευγούσασ. καὶ δέκα μὲν νεῶν εὐθὺσ ἐκυρίευσαν, μετὰ δὲ ταῦτα χειμῶνοσ ἐπιγενομένου καὶ πνευμάτων μεγάλων πολλὰ περὶ τὸν διωγμὸν αὐτοὺσ ἐμποδίζεσθαι συνέβαινε·

διὰ γὰρ τὸ μέγεθοσ τῶν κυμάτων τὰ μὲν σκάφη τοῖσ οἰάξιν ἠπείθει, τὰσ δ’ ἐμβολὰσ ἀπράκτουσ συνέβαινε γίνεσθαι, τῶν τυπτομένων νεῶν ὑποχωρουσῶν. τέλοσ δ’ οἱ μὲν Λακεδαιμόνιοι πρὸσ τὴν γῆν κατενεχθέντεσ ἔφυγον πρὸσ τὸ πεζὸν τοῦ Φαρναβάζου στρατόπεδον, οἱ δ’ Ἀθηναῖοι τὸ μὲν πρῶτον ἐπεχείρησαν ἀποσπᾶν τὰσ ναῦσ ἀπὸ τῆσ γῆσ καὶ παραβόλωσ διεκινδύνευον, ὑπὸ δὲ τοῦ Περσικοῦ στρατεύματοσ ἀνακοπέντεσ ἀπέπλευσαν εἰσ Σηστόν.

ὁ γὰρ Φαρνάβαζοσ βουλόμενοσ τοῖσ Λακεδαιμονίοισ ὑπὲρ ὧν ἐνεκάλουν ἀπολογεῖσθαι, βιαιότερον διηγωνίζετο πρὸσ τοὺσ Ἀθηναίουσ·

ἅμα δὲ καὶ περὶ τῶν εἰσ Φοινίκην ἀποσταλεισῶν νεῶν τριακοσίων ἐδίδαξεν, ὡσ τοῦτο ἔπραξε πυνθανόμενοσ τόν τε τῶν Ἀράβων βασιλέα καὶ τὸν τῶν Αἰγυπτίων ἐπιβουλεύειν τοῖσ περὶ Φοινίκην πράγμασιν. τῆσ δὲ ναυμαχίασ τοιοῦτον τὸ τέλοσ λαβούσησ Ἀθηναῖοι τότε μὲν εἰσ Σηστὸν ἀπέπλευσαν ἤδη νυκτὸσ οὔσησ, ἅμα δ’ ἡμέρᾳ τά τε ναυάγια συνήγαγον καὶ πρὸσ τῷ προτέρῳ τροπαίῳ πάλιν ἕτερον ἔστησαν.

Μίνδαροσ δὲ νυκτὸσ περὶ πρώτην φυλακὴν εἰσ Ἄβυδον ἀναχθεὶσ τάσ τε πεπονηκυίασ ναῦσ ἐπεσκεύαζε καὶ πρὸσ Λακεδαιμονίουσ διεπέμψατο περὶ βοηθείασ πεζῆσ τε καὶ ναυτικῆσ·

διενοεῖτο γὰρ ἐν ὅσῳ τὰ κατὰ τὸν στόλον ἕτοιμα ἐγίνετο, πεζῇ μετὰ Φαρναβάζου τὰσ συμμαχούσασ κατὰ τὴν Ἀσίαν πόλεισ Ἀθηναίοισ πολιορκήσειν. Χαλκιδεῖσ δὲ καὶ σχεδὸν οἱ λοιποὶ πάντεσ οἱ τὴν Εὔβοιαν κατοικοῦντεσ ἀφεστηκότεσ ἦσαν Ἀθηναίων, καὶ διὰ τοῦτο περιδεεῖσ ἐγίνοντο, μήποτε νῆσον οἰκοῦντεσ ἐκπολιορκηθῶσιν ὑπ’ Ἀθηναίων θαλασσοκρατούντων·

ἠξίουν οὖν Βοιωτοὺσ κοινῇ χῶσαι τὸν Εὔριπον, ὥστε συνάψαι τὴν Εὔβοιαν τῇ Βοιωτίᾳ. συγκαταθεμένων δὲ τῶν Βοιωτῶν διὰ τὸ κἀκείνοισ συμφέρειν τὴν Εὔβοιαν εἶναι τοῖσ μὲν ἄλλοισ νῆσον, ἑαυτοῖσ δ’ ἤπειρον·

διόπερ αἱ πόλεισ ἅπασαι πρὸσ τὴν διάχωσιν ἐπερρώσθησαν καὶ πρὸσ ἀλλήλασ ἡμιλλῶντο· οὐ γὰρ μόνον τοῖσ πολίταισ ἐξιέναι πανδημεὶ προσέταξαν, ἀλλὰ καὶ τοῖσ παροικοῦσι ξένοισ, ὥστε διὰ τὸ πλῆθοσ τῶν τοῖσ ἔργοισ προσιόντων τὴν πρόθεσιν ταχέωσ λαβεῖν συντέλειαν. τῆσ μὲν οὖν Εὐβοίασ κατεσκευάσθη τὸ χῶμα κατὰ τὴν Χαλκίδα, τῆσ δὲ Βοιωτίασ πλησίον Αὐλίδοσ·

ἐνταῦθα γὰρ ὁ μεταξὺ τόποσ ἦν στενώτατοσ. συνέβαινε μὲν οὖν καὶ πρότερον ἀεὶ κατ’ ἐκεῖνον τὸν τόπον εἶναι ῥοῦν καὶ πυκνὰσ ποιεῖσθαι τροπὰσ τὴν θάλατταν, τότε δὲ πολὺ μᾶλλον ἦν ἐπιτείνοντα τὰ κατὰ τὸν ῥοῦν, ὡσ ἂν εἰσ στενὸν ἄγαν συγκεκλεισμένησ τῆσ θαλάττησ· ὁ γὰρ διέκπλουσ ἀπελείφθη μιᾷ νηί. ᾠκοδόμησαν δὲ καὶ πύργουσ ὑψηλοὺσ ἐπ’ ἀμφοτέρων τῶν ἄκρων, καὶ ξυλίνασ τοῖσ διάρροισ ἐπέστησαν γεφύρασ. Θηραμένησ δ’ ὑπ’ Ἀθηναίων ἀποσταλεὶσ μετὰ νεῶν τριάκοντα τὸ μὲν πρῶτον ἐπεχείρησε κωλύειν τοὺσ ἐπὶ τῶν ἔργων, πολλοῦ δὲ πλήθουσ στρατιωτῶν συμπαρόντοσ τοῖσ κατασκευάζουσι τὰ χώματα ταύτησ μὲν τῆσ ἐπιβολῆσ ἀπέστη, τὸν δὲ πλοῦν ἐπὶ τῶν νήσων ἐποιήσατο.

βουλόμενοσ δὲ τούσ τε πολίτασ καὶ συμμάχουσ ἀναπαῦσαι τῶν εἰσφορῶν, τήν τε τῶν πολεμίων χώραν ἐπόρθησε καὶ πολλὰσ ὠφελείασ ἤθροισεν.

ἐπῄει δὲ καὶ τὰσ συμμαχίδασ πόλεισ, καὶ τοὺσ ἐν αὐταῖσ νεωτερίζοντασ εἰσεπράττετο χρήματα. καταπλεύσασ δ’ εἰσ Πάρον καὶ καταλαβὼν ὀλιγαρχίαν ἐν τῇ πόλει, τῷ μὲν δήμῳ τὴν ἐλευθερίαν ἀποκατέστησε, παρὰ δὲ τῶν ἁψαμένων τῆσ ὀλιγαρχίασ χρημάτων πλῆθοσ εἰσεπράξατο.

συνέβη δὲ περὶ τοῦτον τὸν χρόνον ἐν τῇ Κορκύρᾳ γενέσθαι μεγάλην στάσιν καὶ σφαγήν, ἣν δι’ ἑτέρασ μὲν αἰτίασ λέγεται γενέσθαι, μάλιστα δὲ διὰ τὴν ὑπάρχουσαν αὐτοῖσ πρὸσ ἀλλήλουσ ἔχθραν.

ἐν οὐδεμιᾷ γάρ ποτε πόλει τοιοῦτοι πολιτῶν φόνοι συνετελέσθησαν οὐδὲ μείζων ἔρισ καὶ φιλονεικία πρὸσ ὄλεθρον ἀνήκουσα.

δοκοῦσι γὰρ οἱ μὲν ἀναιρεθέντεσ ὑπ’ ἀλλήλων πρὸ ταύτησ τῆσ στάσεωσ γεγονέναι περὶ χιλίουσ καὶ πεντακοσίουσ, καὶ πάντεσ οὗτοι πρωτεύοντεσ τῶν πολιτῶν. τούτων δ’ ἐπιγεγενημένων τῶν ἀτυχημάτων ἑτέραν αὐτοῖσ συμφορὰν ἐπέστησεν ἡ τύχη, τὴν πρὸσ ἀλλήλουσ πάλιν αὐξήσασα διαφοράν.

οἱ μὲν γὰρ προέχοντεσ τοῖσ ἀξιώμασι τῶν Κορκυραίων ὀρεγόμενοι τῆσ ὀλιγαρχίασ ἐφρόνουν τὰ Λακεδαιμονίων, ὁ δὲ δημοτικὸσ ὄχλοσ ἔσπευδε τοῖσ Ἀθηναίοισ συμμαχεῖν. καὶ γὰρ διαφερούσασ τὰσ σπουδὰσ εἶχον οἱ περὶ τῆσ ἡγεμονίασ διαγωνιζόμενοι δῆμοι·

Λακεδαιμόνιοι γὰρ τοὺσ πρωτεύοντασ ἐν ταῖσ συμμαχίσι πόλεσιν ἐποίουν ἐπὶ τῆσ διοικήσεωσ τῶν κοινῶν, Ἀθηναῖοι δὲ δημοκρατίασ ἐν ταῖσ πόλεσι καθίστανον. οἱ δ’ οὖν Κορκυραῖοι θεωροῦντεσ τοὺσ δυνατωτάτουσ τῶν πολιτῶν ὄντασ πρὸσ τῷ τὴν πόλιν ἐγχειρίζειν Λακεδαιμονίοισ, μετεπέμψαντο παρ’ Ἀθηναίων δύναμιν τὴν παραφυλάξουσαν τὴν πόλιν.

Κόνων δ’ ὁ στρατηγὸσ τῶν Ἀθηναίων πλεύσασ εἰσ Κόρκυραν, ἑξακοσίουσ μὲν τῶν ἐκ Ναυπάκτου Μεσσηνίων κατέλιπεν ἐν τῇ πόλει, αὐτὸσ δὲ μετὰ τῶν νεῶν παρέπλευσε, καὶ καθωρμίσθη πρὸσ τῷ τῆσ Ἥρασ τεμένει.

οἱ δὲ ἑξακόσιοι μετὰ τῶν δημοτικῶν ὁρμήσαντεσ ἐπὶ τοὺσ τὰ Λακεδαιμονίων φρονοῦντασ ἐξαίφνησ ἀγορᾶσ πληθούσησ οὓσ μὲν συνελάμβανον, οὓσ δ’ ἐφόνευον, πλείουσ δὲ τῶν χιλίων ἐφυγάδευσαν·

ἐποιήσαντο δὲ τοὺσ μὲν δούλουσ ἐλευθέρουσ, τοὺσ δὲ ξένουσ πολίτασ, εὐλαβούμενοι τό τε πλῆθοσ καὶ τὴν δύναμιν τῶν φυγάδων. οἱ μὲν οὖν ἐκπεσόντεσ ἐκ τῆσ πατρίδοσ εἰσ τὴν καταντίον ἤπειρον ἔφυγον·

μετὰ δέ τινασ ἡμέρασ τῶν ἐν τῇ πόλει τινεσ φρονοῦντεσ τὰ τῶν φυγάδων κατελάβοντο τὴν ἀγοράν, καὶ μεταπεμψάμενοι τοὺσ φυγάδασ περὶ τῶν ὅλων διηγωνίζοντο. τέλοσ δὲ νυκτὸσ καταλαβούσησ εἰσ ὁμολογίασ ἦλθον πρὸσ ἀλλήλουσ, καὶ τῆσ φιλονεικίασ παυσάμενοι κοινῶσ ᾤκουν τὴν πατρίδα. ἡ μὲν οὖν ἐν Κορκύρᾳ σφαγὴ τοιοῦτον ἔσχε τὸ τέλοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 46

(디오도로스 시켈로스, Library, book xiii, chapter 46)

상위

목록

SEARCH

MENU NAVIGATION