헬라어 문장 검색 - Διοδορ́Λιβραρψ́6́20́

(디오도로스 시켈로스, Library, book xiii, chapter 37)

τοιούτων δ’ ἐλαττωμάτων τοῖσ Ἀθηναίοισ εἰσ ἕνα καιρὸν συνδραμόντων ἅπαντεσ καταλελύσθαι τὸν πόλεμον διειλήφεισαν· οὐκέτι γὰρ τοὺσ Ἀθηναίουσ οὐδὲ τὸν ἐλάχιστον χρόνον οὐδεὶσ ἤλπιζε τοιαῦτα ὑποστήσεσθαι. οὐ μὴν τὰ πράγματά γε τῇ τῶν πολλῶν ὑπολήψει τέλοσ ἔσχεν ἀκόλουθον, ἀλλ’ εἰσ τοὐναντίον πάντα διὰ τὰσ τῶν διαπολεμούντων ὑπεροχὰσ μεταπεσεῖν συνέβη διὰ τοιαύτασ αἰτίασ. Ἀλκιβιάδησ φυγὰσ ὢν ἐξ Ἀθηνῶν συνεπολέμησε χρόνον τινὰ τοῖσ Λακεδαιμονίοισ, καὶ μεγάλασ ἐν τῷ πολέμῳ χρείασ παρέσχετο·

ἦν γὰρ καὶ λόγῳ δυνατώτατοσ καὶ τόλμῃ πολὺ προέχων τῶν πολιτῶν, ἔτι δ’ εὐγενείᾳ καὶ πλούτῳ πρῶτοσ Ἀθηναίων. οὗτοσ οὖν ἐπιθυμῶν τῆσ εἰσ τὴν πατρίδα τυχεῖν καθόδου, πάντα ἐμηχανᾶτο πρὸσ τὸ τοῖσ Ἀθηναίοισ πρᾶξαί τι τῶν χρησίμων, καὶ μάλιστ’ ἐν οἷσ καιροῖσ ἐδόκουν τοῖσ ὅλοισ ἐλαττοῦσθαι.

ἔχων οὖν φιλίαν πρὸσ Φαρνάβαζον τὸν Δαρείου σατράπην, καὶ θεωρῶν αὐτὸν μέλλοντα τριακοσίασ ναῦσ ἀποστέλλειν τοῖσ Λακεδαιμονίοισ εἰσ συμμαχίαν, ἔπεισεν ἀποστῆναι τῆσ πράξεωσ·

ἐδίδασκε γὰρ ὡσ οὐ συμφέρει τῷ βασιλεῖ τοὺσ Λακεδαιμονίουσ ποιεῖν ἄγαν ἰσχυρούσ· οὐ γὰρ συνοίσειν Πέρσαισ· κρεῖττον οὖν εἶναι περιορᾶν τοὺσ διαπολεμοῦντασ ἴσουσ ὄντασ, ὅπωσ πρὸσ ἀλλήλουσ ὡσ πλεῖστον χρόνον διαφέρωνται. ὅθεν ὁ Φαρνάβαζοσ διαλαβὼν εὖ λέγειν τὸν Ἀλκιβιάδην, πάλιν τὸν στόλον ἀπέστειλεν εἰσ Φοινίκην.

τότε μὲν οὖν τηλικαύτην τῶν Λακεδαιμονίων συμμαχίαν παρείλατο· μετὰ δέ τινα χρόνον τυχὼν τῆσ καθόδου, καὶ δυνάμεωσ ἡγησάμενοσ, πολλαῖσ μὲν μάχαισ ἐνίκησε Λακεδαιμονίουσ, καὶ τελέωσ τὰ τῶν Ἀθηναίων πράγματα πεσόντα πάλιν ἤγειρεν. ἀλλὰ περὶ μὲν τούτων ἐν τοῖσ οἰκείοισ χρόνοισ ἀκριβέστερον ἐροῦμεν, ἵνα μὴ παρὰ φύσιν προλαμβάνωμεν τῇ γραφῇ τοὺσ καιρούσ.

τοῦ γὰρ ἐνιαυσιαίου χρόνου διεληλυθότοσ Ἀθήνησι μὲν ἦρχε Θεόπομποσ, Ῥωμαῖοι δ’ ἀντὶ τῶν ὑπάτων τέτταρασ χιλιάρχουσ κατέστησαν, Τιβέριον Ποστούμιον καὶ Γάιον Κορνήλιον, πρὸσ δὲ τούτοισ Γάιον Οὐαλέριον καὶ Καίσωνα Φάβιον.

περὶ δὲ τούτουσ τοὺσ χρόνουσ Ἀθηναῖοι τὴν ἐκ τῶν τετρακοσίων ὀλιγαρχίαν κατέλυσαν καὶ τὸ σύστημα τῆσ πολιτείασ ἐκ τῶν πολιτῶν συνεστήσαντο. τούτων δὲ πάντων ἦν εἰσηγητὴσ Θηραμένησ, ἀνὴρ καὶ τῷ βίῳ κόσμιοσ καὶ φρονήσει δοκῶν διαφέρειν τῶν ἄλλων·

καὶ γὰρ τὸν Ἀλκιβιάδην οὗτοσ μόνοσ συνεβούλευσε κατάγειν, δι’ ὃν πάλιν ἑαυτοὺσ ἀνέλαβον, καὶ πολλῶν ἄλλων εἰσηγητὴσ γενόμενοσ ἐπ’ ἀγαθῷ τῆσ πατρίδοσ οὐ μετρίασ ἀποδοχῆσ ἐτύγχανεν. ἀλλὰ ταῦτα μὲν μικρὸν ὕστερον ἐγενήθη, εἰσ δὲ τὸν πόλεμον Ἀθηναῖοι μὲν στρατηγοὺσ κατέστησαν Θράσυλλον καὶ Θρασύβουλον, οἳ τὸν στόλον εἰσ Σάμον ἀθροίσαντεσ ἐγύμναζον τοὺσ στρατιώτασ εἰσ ναυμαχίαν καθ’ ἡμέραν ἀναπείρασ ποιούμενοι.

Μίνδαροσ δ’ ὁ τῶν Λακεδαιμονίων ναύαρχοσ χρόνον μέν τινα περὶ τὴν Μίλητον διέτριβε, προσδοκῶν τὴν παρὰ Φαρναβάζου βοήθειαν·

τριακοσίασ γὰρ τριήρεισ ἀκούων ἐκ Φοινίκησ καταπεπλευκέναι μετέωροσ ἦν ταῖσ ἐλπίσι, νομίζων τηλικούτῳ στόλῳ καταλύσειν τὴν Ἀθηναίων ἡγεμονίαν· μετ’ ὀλίγον δὲ πυθόμενόσ τινων, ὅτι πεισθεὶσ Ἀλκιβιάδῃ πάλιν ἀπέστειλε τὸν στόλον εἰσ Φοινίκην, τὰσ μὲν παρὰ Φαρναβάζου ἐλπίδασ ἀπέγνω, αὐτὸσ δὲ καταρτίσασ τάσ τ’ ἐκ Πελοποννήσου ναῦσ καὶ τὰσ παρὰ τῶν ἔξωθεν συμμάχων, Δωριέα μὲν μετὰ τριῶν καὶ δέκα νεῶν ἀπέστειλεν εἰσ Ῥόδον, πυνθανόμενοσ ἐπὶ νεωτερισμῷ τινασ συνίστασθαι τῶν Ῥοδίων·

προσφάτωσ γὰρ τοῖσ Λακεδαιμονίοισ τινὲσ τῶν ἀπὸ τῆσ Ἰταλίασ Ἑλλήνων ἀπεστάλκεισαν εἰσ συμμαχίαν τὰσ προειρημένασ ναῦσ·

αὐτὸσ δὲ τὰσ ἄλλασ πάσασ ἀναλαβών, οὔσασ ὀγδοήκοντα καὶ τρεῖσ, ἀπῆρεν εἰσ Ἑλλήσποντον διὰ τὸ πυνθάνεσθαι τὸν τῶν Ἀθηναίων στόλον ἐν Σάμῳ διατρίβειν. καθ’ ὃν δὴ χρόνον οἱ τῶν Ἀθηναίων στρατηγοὶ θεωροῦντεσ παραπλέοντασ, ἀνήχθησαν ἐπ’ αὐτοὺσ μετὰ νεῶν ἑξήκοντα.

τῶν δὲ Λακεδαιμονίων κατενεχθέντων εἰσ Χίον ἔδοξε τοῖσ τῶν Ἀθηναίων στρατηγοῖσ προσπλεῦσαι τῇ Λέσβῳ, κἀκεῖ παρὰ τῶν συμμάχων ἀθροῖσαι τριήρεισ, ὅπωσ μὴ συμβαίνῃ τοὺσ πολεμίουσ ὑπερέχειν τῷ πλήθει τῶν νεῶν. οὗτοι μὲν οὖν περὶ ταῦτα διέτριβον.

Μίνδαροσ δ’ ὁ τῶν Λακεδαιμονίων ναύαρχοσ νυκτὸσ μετὰ τοῦ στόλου παντὸσ ἐκπλεύσασ εἰσ Ἑλλήσποντον ἐκομίζετο κατὰ σπουδήν, καὶ δευτεραῖοσ εἰσ Σίγειον κατέπλευσεν. οἱ δ’ Ἀθηναῖοι πυθόμενοι τὸν παράπλουν, οὐκ ἀνέμειναν ἁπάσασ τὰσ παρὰ τῶν συμμάχων τριήρεισ, τριῶν δὲ μόνον προσγενομένων αὐτοῖσ, ἐδίωκον τοὺσ Λακεδαιμονίουσ. ἐπεὶ δ’ ἦλθον εἰσ Σίγειον, εὑρ͂ον τὸν μὲν στόλον ἐκπεπλευκότα, τρεῖσ δὲ ναῦσ ὑπολελειμμένασ, ὧν εὐθέωσ ἐκυρίευσαν·

καὶ μετὰ ταῦτ’ εἰσ Ἐλεοῦντα καταπλεύσαντεσ τὰ περὶ τὴν ναυμαχίαν παρεσκευάζοντο. Λακεδαιμόνιοι δὲ θεωροῦντεσ τοὺσ πολεμίουσ τὰ πρὸσ τὴν μάχην ἑτοιμαζομένουσ, καὶ αὐτοὶ πένθ’ ἡμέρασ ἀναπείρασ ποιούμενοι καὶ γυμνάσαντεσ τοὺσ ἐρέτασ, ἐξέταξαν τὸν στόλον εἰσ ναυμαχίαν, ὄντα νεῶν δυεῖν ἐλάττω τῶν ἐνενήκοντα.

οὗτοι μὲν οὖν ἐκ τοῦ πρὸσ τὴν Ἀσίαν μέρουσ ἔστησαν τὰσ ναῦσ, οἱ δ’ Ἀθηναῖοι τὸ πρὸσ τὴν Εὐρώπην ἔχοντεσ ἀντανήγοντο, τῷ μὲν πλήθει λειπόμενοι, ταῖσ δ’ ἐμπειρίαισ ὑπερέχοντεσ. Λακεδαιμόνιοι μὲν οὖν ἐπὶ τοῦ δεξιοῦ κέρατοσ ἔταξαν τοὺσ Συρακοσίουσ, ὧν Ἑρμοκράτησ ἀφηγεῖτο, τὸ δ’ εὐώνυμον αὐτοὶ συνεπλήρουν Πελοποννήσιοι, Μινδάρου τὴν ἡγεμονίαν ἔχοντοσ.

τῶν δ’ Ἀθηναίων ἐπὶ μὲν τὸ δεξιὸν ἐτάχθη Θράσυλλοσ, ἐπὶ δὲ τὸ εὐώνυμον Θρασύβουλοσ. καὶ τὸ μὲν πρῶτον ἔσπευδον ἀμφότεροι φιλοτιμούμενοι περὶ τοῦ τόπου, ὅπωσ μὴ τὸν ῥοῦν ἔχωσιν ἐναντίον. διὸ καὶ πολὺν χρόνον ἀλλήλουσ περιέπλεον, διακλείοντεσ τὰ στενὰ καὶ περὶ τῆσ στάσεωσ τοπομαχοῦντεσ·

μεταξὺ γὰρ Ἀβύδου καὶ Σηστοῦ τῆσ ναυμαχίασ γινομένησ συνέβαινε τὸν ῥοῦν οὐ μετρίωσ ἐμποδίζειν ἐν στενοῖσ τόποισ. οὐ μὴν ἀλλ’ οἱ τῶν Ἀθηναίων κυβερνῆται πολὺ ταῖσ ἐμπειρίαισ προέχοντεσ πολλὰ πρὸσ τὴν νίκην συνεβάλοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 37

(디오도로스 시켈로스, Library, book xiii, chapter 37)

상위

목록

SEARCH

MENU NAVIGATION