헬라어 문장 검색 - Διοδορ́Λιβραρψ́6́09́

(디오도로스 시켈로스, Library, book xiii, chapter 18)

οἱ δ’ Ἀθηναῖοι συνδραμόντεσ ἐπὶ τὰσ τῶν ἡγεμόνων σκηνὰσ ἐδέοντο τῶν στρατηγῶν, μὴ τῶν νεῶν, ἀλλὰ τῆσ ἑαυτῶν φροντίζειν σωτηρίασ. Δημοσθένησ μὲν οὖν ἔφη δεῖν, λελυμένου τοῦ ζεύγματοσ, κατὰ τάχοσ πληροῦν τὰσ τριήρεισ, καὶ ἀπροσδοκήτωσ ἐπιθεμένουσ ἐπηγγέλλετο ῥᾳδίωσ κρατήσειν τῆσ ἐπιβολῆσ· Νικίασ δὲ συνεβούλευε καταλιπόντασ τὰσ ναῦσ διὰ τῆσ μεσογείου πρὸσ τὰσ συμμαχίδασ πόλεισ ἀναχωρεῖν.

ᾧ πάντεσ ὁμογνώμονεσ γενόμενοι τῶν νεῶν τινασ ἐνέπρησαν καὶ τὰ πρὸσ τὴν ἀπαλλαγὴν παρεσκευάζοντο. φανεροῦ δ’ ὄντοσ ὅτι τῆσ νυκτὸσ ἀναζεύξουσιν, Ἑρμοκράτησ συνεβούλευε τοῖσ Συρακοσίοισ ἐξάγειν τῆσ νυκτὸσ ἅπαν τὸ στρατόπεδον καὶ τὰσ ὁδοὺσ ἁπάσασ προκαταλαβέσθαι.

οὐ πειθομένων δὲ τῶν στρατηγῶν διὰ τὸ πολλοὺσ μὲν τραυματίασ εἶναι τῶν στρατιωτῶν, πάντασ δ’ ὑπὸ τῆσ μάχησ κατακόπουσ ὑπάρχειν τοῖσ σώμασιν, ἀπέστειλέ τινασ τῶν ἱππέων ἐπὶ τὴν παρεμβολὴν τῶν Ἀθηναίων τοὺσ ἐροῦντασ, ὅτι προαπεστάλκασιν οἱ Συρακόσιοι τοὺσ τὰσ ὁδοὺσ καὶ τοὺσ ἐπικαιροτάτουσ τόπουσ προκαταληψομένουσ.

ποιησάντων δὲ τῶν ἱππέων τὸ προσταχθὲν ἤδη νυκτὸσ οὔσησ, οἱ μὲν Ἀθηναῖοι νομίσαντεσ τῶν Λεοντίνων τινὰσ εἶναι τοὺσ δι’ εὔνοιαν ἀπηγγελκότασ, διεταράχθησαν οὐ μικρῶσ καὶ τὴν ἀπαλλαγὴν ὑπερέθεντο·

ᾧπερ εἰ μὴ παρεκρούσθησαν, ἀσφαλῶσ ἂν ἐχωρίσθησαν. οἱ μὲν οὖν Συρακόσιοι τῆσ ἡμέρασ ὑποφωσκούσησ ἀπέστειλαν τοὺσ προκαταληψομένουσ τὰ στενόπορα τῶν ὁδῶν·

οἱ δὲ τῶν Ἀθηναίων στρατηγοὶ διελόμενοι τοὺσ στρατιώτασ εἰσ δύο μέρη, καὶ τὰ μὲν σκευοφόρα καὶ τοὺσ ἀρρώστουσ εἰσ μέσον λαβόντεσ, τοὺσ δὲ δυναμένουσ μάχεσθαι προηγεῖσθαι καὶ οὐραγεῖν τάξαντεσ, προῄεσαν ἐπὶ Κατάνησ, ὧν μὲν Δημοσθένουσ, ὧν δὲ Νικίου καθηγουμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 18

(디오도로스 시켈로스, Library, book xiii, chapter 18)

상위

목록

SEARCH

MENU NAVIGATION