헬라어 문장 검색 - Διοδορ́Λιβραρψ́6́07́

(디오도로스 시켈로스, Library, book xiii, chapter 13)

οἱ δὲ Συρακόσιοι παρά τινων αὐτομόλων πυθόμενοι τὴν αἰτίαν τοῦ ὑπερτεθεῖσθαι τὸν ἀπόπλουν, τάσ τε τριήρεισ πάσασ ἐπλήρωσαν, οὔσασ ἑβδομήκοντα καὶ τέσσαρασ, καὶ τὰσ πεζὰσ δυνάμεισ ἐξαγαγόντεσ προσέβαλον τοῖσ πολεμίοισ καὶ κατὰ γῆν καὶ κατὰ θάλατταν. οἱ δ’ Ἀθηναῖοι τριήρεισ πληρώσαντεσ ἓξ πρὸσ ταῖσ ὀγδοήκοντα, τὸ μὲν δεξιὸν κέρασ παρέδωκαν Εὐρυμέδοντι τῷ στρατηγῷ, καθ’ ὃ ἐτάχθη ὁ τῶν Συρακοσίων στρατηγὸσ Ἀγάθαρχοσ·

ἐπὶ δὲ θατέρου μέρουσ Εὐθύδημοσ ἐτέτακτο, καθ’ ὃν ἀντετάξατο Σικανὸσ τῶν Συρακοσίων ἡγούμενοσ· τῆσ δὲ μέσησ τάξεωσ εἶχε τὴν ἡγεμονίαν παρὰ μὲν τοῖσ Ἀθηναίοισ Μένανδροσ, παρὰ δὲ τοῖσ Συρακοσίοισ Πύθησ ὁ Κορίνθιοσ. ὑπερτεινούσησ δὲ τῆσ τῶν Ἀθηναίων φάλαγγοσ διὰ τὸ πλείοσιν αὐτοὺσ ἀγωνίζεσθαι τριήρεσιν, οὐχ ἥκιστα καθ’ ὃ πλεονεκτεῖν ἐδόκουν κατὰ τοῦτο ἠλαττώθησαν.

ὁ γὰρ Εὐρυμέδων ἐπιχειρήσασ περιπλεῖν τὸ κέρασ τῶν ἐναντίων, ὡσ ἀπεσπάσθη τῆσ τάξεωσ, ἐπιστρεψάντων ἐπ’ αὐτὸν τῶν Συρακοσίων ἀπελήφθη πρὸσ τὸν κόλπον τὸν Δάσκωνα μὲν καλούμενον, ὑπὸ δὲ τῶν Συρακοσίων κατεχόμενον. κατακλεισθεὶσ δ’ εἰσ στενὸν τόπον καὶ βιασθεὶσ εἰσ τὴν γῆν ἐκπεσεῖν, αὐτὸσ μὲν ὑπό τινοσ τρωθεὶσ καιρίᾳ πληγῇ τὸν βίον μετήλλαξεν, ἑπτὰ δὲ ναῦσ ἐν τούτῳ τῷ τόπῳ διεφθάρησαν.

τῆσ δὲ ναυμαχίασ ἤδη γινομένησ ὅλοισ τοῖσ στόλοισ, ὡσ διεδόθη λόγοσ τόν τε στρατηγὸν ἀνῃρῆσθαι καί τινασ ναῦσ ἀπολωλέναι, τὸ μὲν πρῶτον αἱ μάλιστα συνεγγίζουσαι ταῖσ διεφθαρμέναισ ναυσὶν ἐνέκλιναν, μετὰ δὲ ταῦτα τῶν Συρακοσίων ἐπικειμένων καὶ διὰ τὸ γεγονὸσ εὐημέρημα θρασέωσ ἀγωνιζομένων, βιασθέντεσ οἱ Ἀθηναῖοι πάντεσ φυγεῖν ἠναγκάσθησαν.

γενομένου δὲ τοῦ διωγμοῦ πρὸσ τὸ τεναγῶδεσ μέροσ τοῦ λιμένοσ, οὐκ ὀλίγαι τῶν τριήρων ἐν τοῖσ βράχεσιν ἐπώκειλαν.

ὧν συμβαινόντων Σικανὸσ ὁ τῶν Συρακοσίων στρατηγὸσ ταχέωσ ὁλκάδα κληματίδων καὶ δᾴδων, ἔτι δὲ πίττησ πληρώσασ, ἐνέπρησε τὰσ ἐν τοῖσ βράχεσι ναῦσ κυλινδουμένασ. ὧν ἀναφθεισῶν οἱ μὲν Ἀθηναῖοι ταχέωσ τήν τε φλόγα κατέσβεσαν καὶ ἀπὸ τῶν νεῶν ἐρρωμένωσ ἠμύναντο τοὺσ ἐπιφερομένουσ, ἄλλην οὐδεμίαν εὑρίσκοντεσ σωτηρίαν·

τὰ δὲ πεζὰ στρατόπεδα παρεβοήθει παρὰ τὸν αἰγιαλόν, ἐφ’ ὃν αἱ ναῦσ ἐξεπεπτώκεισαν. ἁπάντων δὲ καρτερῶσ ὑπομενόντων τὸν κίνδυνον, ἐπὶ μὲν τῆσ γῆσ ἐτράπησαν οἱ Συρακόσιοι, κατὰ θάλατταν δὲ προτερήσαντεσ ἀπέπλευσαν εἰσ τὴν πόλιν.

ἀπώλοντο δὲ τῶν μὲν Συρακοσίων ὀλίγοι, τῶν δ’ Ἀθηναίων ἄνδρεσ μὲν οὐκ ἐλάττουσ δισχιλίων, τριήρεισ δ’ ὀκτωκαίδεκα. οἱ δὲ Συρακόσιοι νομίζοντεσ μηκέτι τὸν κίνδυνον εἶναι περὶ τῆσ πόλεωσ, ἀλλὰ πολὺ μᾶλλον ἐνεστηκέναι τὸν ἀγῶνα περὶ τοῦ λαβεῖν τὸ στρατόπεδον μετὰ τῶν πολεμίων αἰχμάλωτον, ἀπέφραττον τὸ στόμα τοῦ λιμένοσ ζεῦγμα κατασκευάζοντεσ.

ἀκάτουσ τε γὰρ καὶ τριήρεισ, ἔτι δὲ στρογγύλασ ναῦσ ἐπ’ ἀγκυρῶν ὁρμίσαντεσ, καὶ σιδηραῖσ ἁλύσεσι διαλαμβάνοντεσ, ἐπὶ τὰ σκάφη γεφύρασ ἐκ σανίδων κατεσκεύασαν καὶ πέρασ ἐν ἡμέραισ τρισὶ τοῖσ ἔργοισ ἐπέθηκαν.

οἱ δ’ Ἀθηναῖοι θεωροῦντεσ αὑτοῖσ πάντοθεν τὴν σωτηρίαν ἀποκεκλεισμένην, ἔκριναν ἁπάσασ τὰσ τριήρεισ πληροῦν καὶ τῶν πεζῶν τοὺσ κρατίστουσ ἐμβιβάσαι, τῷ τε πλήθει τῶν νεῶν καὶ τῇ τῶν ἀγωνιζομένων ὑπὲρ τῆσ σωτηρίασ ἀπονοίᾳ καταπλήξειν τοὺσ Συρακοσίουσ.

διόπερ τοὺσ ἐπὶ ταῖσ ἡγεμονίαισ τεταγμένουσ καὶ τοὺσ ἀρίστουσ ἐξ ὅλου τοῦ στρατεύματοσ ἐμβιβάσαντεσ τριήρεισ μὲν ἐπλήρωσαν πέντε λειπούσασ τῶν ἑκατὸν εἴκοσι, τοὺσ δὲ λοιποὺσ ἐπὶ τῆσ γῆσ ἔταξαν παρὰ τὸν αἰγιαλόν.

οἱ δὲ Συρακόσιοι τὸ μὲν πεζὸν στράτευμα πρὸ τῆσ πόλεωσ ἔστησαν, τριήρεισ δὲ συνεπλήρωσαν ἑβδομήκοντα τέσσαρασ· συμπαρείποντό τε τὰσ ὑπηρετικὰσ ἔχοντεσ ναῦσ παῖδεσ ἐλεύθεροι, τοῖσ τε ἔτεσιν ὄντεσ ὑπὸ τὴν τῶν νεανίσκων ἡλικίαν καὶ συναγωνιζόμενοι μετὰ τῶν πατέρων. τὰ δὲ περὶ τὸν λιμένα τείχη καὶ πᾶσ ὁ τῆσ πόλεωσ ὑπερκείμενοσ τόποσ ἔγεμε σωμάτων·

γυναῖκέσ τε γὰρ καὶ παρθένοι καὶ οἱ ταῖσ ἡλικίαισ τὴν ἐν τῷ πολέμῳ χρείαν παρέχεσθαι μὴ δυνάμενοι, τοῦ παντὸσ πολέμου τὴν κρίσιν λαμβάνοντοσ, μετὰ πολλῆσ ἀγωνίασ ἐπεθεώρουν τὴν μάχην. καθ’ ὃν δὴ χρόνον Νικίασ ὁ τῶν Ἀθηναίων στρατηγὸσ ἐπιβλέψασ τὰσ ναῦσ καὶ τὸ μέγεθοσ τοῦ κινδύνου λογισάμενοσ, οὐκ ἐπέμεινεν ἐπὶ τῆσ ἐν τῇ γῇ τάξεωσ, ἀλλὰ καταλιπὼν τοὺσ πεζοὺσ ἐπί τινα ναῦν ἀνέβη καὶ παρέπλει τὰσ τριήρεισ τῶν Ἀθηναίων.

ἕκαστον δὲ τῶν τριηράρχων ἐξ ὀνόματοσ προσφωνῶν καὶ τὰσ χεῖρασ ἐκτείνων ἐδεῖτο πάντων, εἰ καὶ πρότερον, τὸ νῦν ἀντιλαβέσθαι τῆσ μόνησ καταλελειμμένησ ἐλπίδοσ· ἐν γὰρ ταῖσ τῶν ναυμαχεῖν μελλόντων ἀρεταῖσ καὶ ἑαυτῶν ἁπάντων καὶ τῆσ πατρίδοσ κεῖσθαι τὴν σωτηρίαν. καὶ τοὺσ μὲν τέκνων ὄντασ πατέρασ τῶν υἱῶν ὑπομιμνήσκων, τοὺσ δ’ ἐνδόξων γεγονότασ πατέρων παρακαλῶν τὰσ τῶν προγόνων ἀρετὰσ μὴ καταισχῦναι, τοὺσ δ’ ὑπὸ τοῦ δήμου τετιμημένουσ προτρεπόμενοσ ἀξίουσ φανῆναι τῶν στεφάνων, ἅπαντασ δ’ ἀναμνησθέντασ τῶν ἐν Σαλαμῖνι τροπαίων ἠξίου μὴ καταρρῖψαι τῆσ πατρίδοσ τὴν περιβόητον δόξαν, μηδὲ αὑτοὺσ ἀνδραπόδων τρόπον παραδοῦναι τοῖσ Συρακοσίοισ.

ὁ μὲν οὖν Νικίασ τοιούτοισ χρησάμενοσ λόγοισ πάλιν ἐπὶ τὴν ἰδίαν τάξιν ἐπανῆλθεν·

οἱ δ’ ἐν ταῖσ ναυσὶ παιανίσαντεσ ἔπλεον, καὶ φθάσαντεσ τοὺσ πολεμίουσ διέλυον τὸ ζεῦγμα. οἱ δὲ Συρακόσιοι ταχέωσ ἐπαναχθέντεσ συνετάττοντο ταῖσ τριήρεσι, καὶ συμπλεκόμενοι τοῖσ ἐναντίοισ ἠνάγκασαν αὐτοὺσ ἐπιστρέφειν ἀπὸ τοῦ ζεύγματοσ καὶ διαμάχεσθαι. ποιουμένων δὲ τὰσ ἀνακρούσεισ τῶν μὲν ἐπὶ τὸν αἰγιαλόν, τῶν δ’ εἰσ μέσον τὸν λιμένα, τινῶν δὲ πρὸσ τὰ τείχη, ταχέωσ ἀπ’ ἀλλήλων διεσπάσθησαν αἱ τριήρεισ ἅπασαι, καὶ χωρισθέντων ἀπὸ τῶν κλείθρων πλήρησ ἦν ὁ λιμὴν τῶν κατ’ ὀλίγουσ ναυμαχούντων.

ἔνθα δὴ παραβόλωσ ἀμφοτέρων περὶ τῆσ νίκησ ἀγωνιζομένων, οἱ μὲν Ἀθηναῖοι τῷ τε πλήθει τῶν νεῶν θαρροῦντεσ καὶ σωτηρίαν ἄλλην οὐχ ὁρῶντεσ θρασέωσ ἐκινδύνευον καὶ τὸν ἐν τῇ μάχῃ θάνατον εὐγενῶσ ὑπέμενον·

οἱ δὲ Συρακόσιοι θεατὰσ τῶν ἀγώνων ἔχοντεσ γονεῖσ καὶ παῖδασ ἐφιλοτιμοῦντο πρὸσ ἀλλήλουσ, ἑκάστου βουλομένου δι’ ἑαυτοῦ τὴν νίκην περιγενέσθαι τῇ πατρίδι. διὸ καὶ πολλοὶ ταῖσ τῶν ἐναντίων πρῴραισ ἐπιβάντεσ, τῆσ οἰκείασ νεὼσ ὑφ’ ἑτέρασ τρωθείσησ, ἐν μέσοισ τοῖσ πολεμίοισ ἀπελαμβάνοντο.

ἔνιοι δὲ σιδηρᾶσ χεῖρασ ἐπιβάλλοντεσ ἠνάγκαζον τοὺσ ἀντιταττομένουσ ἐπὶ τῶν νεῶν πεζομαχεῖν. πολλάκισ δὲ τὰσ ἰδίασ ἔχοντεσ ναῦσ συντετριμμένασ, εἰσ τὰσ τῶν ἐναντίων μεθαλλόμενοι, καὶ τοὺσ μὲν ἀποκτείνοντεσ, τοὺσ δ’ εἰσ τὴν θάλατταν προωθοῦντεσ, ἐκυρίευον τῶν τριήρων.

ἁπλῶσ δὲ καθ’ ὅλον τὸν λιμένα τῶν τ’ ἐμβολῶν ψόφοσ ἐγίνετο καὶ βοὴ τῶν ἀγωνιζομένων ἐναλλὰξ ἀπολλυμένων. ὅτε γὰρ ἀποληφθείη ναῦσ ὑπὸ πλειόνων τριήρων, πανταχόθεν τυπτομένη τοῖσ χαλκώμασι, τοῦ ῥεύματοσ εἰσπίπτοντοσ αὔτανδροσ ὑπὸ τῆσ θαλάττησ κατεπίνετο.

ἔνιοι δὲ καταδυομένων τῶν νεῶν ἀποκολυμβῶντεσ τοῖσ τε τόξοισ κατετιτρώσκοντο καὶ τοῖσ δόρασι τυπτόμενοι διεφθείροντο. οἱ δὲ κυβερνῆται θεωροῦντεσ τεταραγμένην τὴν μάχην, καὶ πάντα τόπον ὄντα πλήρη θορύβου, καὶ πολλάκισ ἐπὶ μίαν ναῦν πλείουσ ἐπιφερομένασ, οὔθ’ ὅ,τι σημαίνοιεν εἶχον, μὴ τῶν αὐτῶν πρὸσ ἅπαντα συμφερόντων, οὔτε πρὸσ τοὺσ κελεύοντασ τοὺσ ἐνεδέχετο βλέπειν διὰ τὸ πλῆθοσ τῶν βελῶν.

ἁπλῶσ δὲ τῶν παραγγελλομένων οὐδεὶσ οὐδὲν ἤκουε, τῶν σκαφῶν θραυομένων καὶ παρασυρομένων τῶν ταρσῶν, ἅμα δὲ καὶ τῇ κραυγῇ τῶν ναυμαχούντων καὶ τῶν ἀπὸ τῆσ γῆσ συμφιλοτιμουμένων.

τοῦ γὰρ αἰγιαλοῦ παντὸσ τὸ μὲν ὑπὸ τῶν πεζῶν τῶν Ἀθηναίων κατείχετο, τὸ δ’ ὑπὸ τῶν Συρακοσίων, ὥστ’ ἐνίοτε τοὺσ παρὰ τὴν γῆν ναυμαχοῦντασ συμμάχουσ ἔχειν τοὺσ ἐπὶ τῆσ χέρσου στρατοπεδεύοντασ.

οἱ δ’ ἐπὶ τῶν τειχῶν ὅτε μὲν ἴδοιεν τοὺσ ἰδίουσ εὐημεροῦντασ, ἐπαιάνιζον, ὅτε δ’ ἐλαττουμένουσ, ἔστενον καὶ μετὰ δακρύων τοῖσ θεοῖσ προσηύχοντο.

ἐνίοτε γάρ, εἰ τύχοι, τῶν Συρακοσίων τριήρων παρὰ τὰ τείχη διαφθείρεσθαί τινασ συνέβαινε, καὶ τοὺσ ἰδίουσ ἐν ὀφθαλμοῖσ τῶν συγγενῶν ἀναιρεῖσθαι, καὶ θεωρεῖν γονεῖσ μὲν τέκνων ἀπώλειαν, ἀδελφὰσ δὲ καὶ γυναῖκασ ἀνδρῶν καὶ ἀδελφῶν οἰκτρὰν καταστροφήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 13

(디오도로스 시켈로스, Library, book xiii, chapter 13)

상위

목록

SEARCH

MENU NAVIGATION