헬라어 문장 검색 - Διοδορ́Βιβλιοτ́3́72́

(디오도로스 시켈로스, Bibliotheca Historica, book 3, chapter 71)

τῆσ δὲ περὶ αὐτὸν ἀρετῆσ τε καὶ δόξησ διαδιδομένησ, λέγεται τὴν Ῥέαν ὀργισθεῖσαν Ἄμμωνι φιλοτιμηθῆναι λαβεῖν ὑποχείριον τὸν Διόνυσον· οὐ δυναμένην δὲ κρατῆσαι τῆσ ἐπιβολῆσ τὸν μὲν Ἄμμωνα καταλιπεῖν, ἀπαλλαγεῖσαν δὲ πρὸσ τοὺσ ἀδελφοὺσ Τιτᾶνασ συνοικῆσαι Κρόνῳ τῷ ἀδελφῷ· τοῦτον δ’ ὑπὸ τῆσ Ῥέασ πεισθέντα στρατεῦσαι μετὰ τῶν Τιτάνων ἐπ’ Ἄμμωνα, καὶ γενομένησ παρατάξεωσ τὸν μὲν Κρόνον ἐπὶ τοῦ προτερήματοσ ὑπάρξαι, τὸν δ’ Ἄμμωνα σιτοδείᾳ πιεζόμενον φυγεῖν εἰσ Κρήτην, καὶ γήμαντα τῶν τότε βασιλευόντων Κουρήτων ἑνὸσ θυγατέρα Κρήτην δυναστεῦσαί τε τῶν τόπων καὶ τὸ πρὸ τοῦ τὴν νῆσον Ἰδαίαν καλουμένην ἀπὸ τῆσ γυναικὸσ ὀνομάσαι Κρήτην.

τὸν δὲ Κρόνον μυθολογοῦσι κρατήσαντα τῶν Ἀμμωνίων τόπων τούτων μὲν ἄρχειν πικρῶσ, ἐπὶ δὲ τὴν Νῦσαν καὶ τὸν Διόνυσον στρατεῦσαι μετὰ πολλῆ δυνάμεωσ.

τὸν δὲ Διόνυσον πυθόμενον τά τε τοῦ πατρὸσ ἐλαττώματα καὶ τὴν τῶν Τιτάνων ἐπ’ αὐτὸν συνδρομήν, ἀθροῖσαι στρατιώτασ ἐκ τῆσ Νύσησ, ὧν εἶναι συντρόφουσ διακοσίουσ, διαφόρουσ τῇ τε ἀλκῇ καὶ τῇ πρὸσ αὐτὸν εὐνοίᾳ· προσλαβέσθαι δὲ καὶ τῶν πλησιοχώρων τούσ τε Λίβυασ καὶ τὰσ Ἀμαζόνασ, περὶ ὧν προειρήκαμεν ὅτι δοκοῦσιν ἀλκῇ διενεγκεῖν, καὶ πρῶτον μὲν στρατείαν ὑπερόριον στείλασθαι, πολλὴν δὲ τῆσ οἰκουμένησ τοῖσ ὅπλοισ καταστρέψασθαι. μάλιστα δ’ αὐτάσ φασι παρορμῆσαι πρὸσ τὴν συμμαχίαν Ἀθηνᾶν διὰ τὸν ὅμοιον τῆσ προαιρέσεωσ ζῆλον, ὡσ ἂν τῶν Ἀμαζόνων ἀντεχομένων ἐπὶ πολὺ τῆσ ἀνδρείασ καὶ παρθενίασ.

διῃρημένησ δὲ τῆσ δυνάμεωσ, καὶ τῶν μὲν ἀνδρῶν στρατηγοῦντοσ Διονύσου, τῶν δὲ γυναικῶν τὴν ἡγεμονίαν ἐχούσησ Ἀθηνᾶσ, προσπεσόντασ μετὰ τῆσ στρατιᾶσ τοῖσ Τιτᾶσι συνάψαι μάχην. γενομένησ δὲ παρατάξεωσ ἰσχυρᾶσ, καὶ πολλῶν παρ’ ἀμφοτέροισ πεσόντων, τρωθῆναι μὲν τὸν Κρόνον, ἐπικρατῆσαι δὲ τὸν Διόνυσον ἀριστεύσαντα κατὰ τὴν μάχην. μετὰ δὲ ταῦτα τοὺσ μὲν Τιτᾶνασ φυγεῖν εἰσ τοὺσ κατακτηθέντασ ὑπὸ τῶν περὶ τὸν Ἄμμωνα τόπουσ, τὸν δὲ Διόνυσον ἀθροίσαντα πλῆθοσ αἰχμαλώτων ἐπανελθεῖν εἰσ τὴν Νῦσαν.

ἐνταῦθα δὲ τὴν δύναμιν περιστήσαντα καθωπλισμένην τοῖσ ἁλοῦσι κατηγορίαν ποιήσασθαι τῶν Τιτάνων, καὶ πᾶσαν ὑπόνοιαν καταλιπεῖν ὡσ μέλλοντα κατακόπτειν τοὺσ αἰχμαλώτουσ. ἀπολύσαντοσ δ’ αὐτοῦσ τῶν ἐγκλημάτων καὶ τὴν ἐξουσίαν δόντοσ εἴτε συστρατεύειν εἴτε ἀπιέναι βούλοιντο, πάντασ ἑλέσθαι συστρατεύειν· διὰ δὲ τὸ παράδοξον τῆσ σωτηρίασ προσκυνεῖν αὐτοὺσ ὡσ θεόν. τὸν δὲ Διόνυσον παράγοντα καθ’ ἕνα τῶν αἰχμαλώτων καὶ διδόντα σπονδὴν οἴνου πάντασ ἐξορκῶσαι συστρατεύσειν ἀδόλωσ καὶ μέχρι τελευτῆσ βεβαίωσ διαγωνιεῖσθαι·

διὸ καὶ τούτων πρώτων ὑποσπόνδων ὀνομασθέντων τοὺσ μεταγενεστέρουσ ἀπομιμουμένουσ τὰ τότε πραχθέντα τὰσ ἐν τοῖσ πολέμοισ διαλύσεισ σπονδὰσ προσαγορεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 71

(디오도로스 시켈로스, Bibliotheca Historica, book 3, chapter 71)

상위

목록

SEARCH

MENU NAVIGATION