헬라어 문장 검색 - Διοδορ́Βιβλιοτ́3́68́

(디오도로스 시켈로스, Bibliotheca Historica, book 3, chapter 67)

φησὶ τοίνυν παρ’ Ἕλλησι πρῶτον εὑρετὴν γενέσθαι Λίνον ῥυθμῶν καὶ μέλουσ, ἔτι δὲ Κάδμου κομίσαντοσ ἐκ Φοινίκησ τὰ καλούμενα γράμματα πρῶτον εἰσ τὴν Ἑλληνικὴν μεταθεῖναι διάλεκτον, καὶ τὰσ προσηγορίασ ἑκάστῳ τάξαι καὶ τοὺσ χαρακτῆρασ διατυπῶσαι. κοινῇ μὲν οὖν τὰ γράμματα Φοινίκεια κληθῆναι διὰ τὸ παρὰ τοὺσ Ἕλληνασ ἐκ Φοινίκων μετενεχθῆναι, ἰδίᾳ δὲ τῶν Πελασγῶν πρώτων χρησαμένων τοῖσ μετατεθεῖσι χαρακτῆρσι Πελασγικὰ προσαγορευθῆναι. τὸν δὲ Λίνον ἐπὶ ποιητικῇ καὶ μελῳδίᾳ θαυμασθέντα μαθητὰσ σχεῖν πολλούσ, ἐπιφανεστάτουσ δὲ τρεῖσ, Ἡρακλέα, Θαμύραν, Ὀρφέα.

τούτων δὲ τὸν μὲν Ἡρακλέα κιθαρίζειν μανθάνοντα διὰ τὴν τῆσ ψυχῆσ βραδυτῆτα μὴ δύνασθαι δέξασθαι τὴν μάθησιν, ἔπειθ’ ὑπὸ τοῦ Λίνου πληγαῖσ ἐπιτιμηθέντα διοργισθῆναι καὶ τῇ κιθάρᾳ τὸν διδάσκαλον πατάξαντα ἀποκτεῖναι, Θαμύραν δὲ φύσει διαφόρῳ κεχορηγημένον ἐκπονῆσαι τὰ περὶ τὴν μουσικήν, καὶ κατὰ τὴν ἐν τῷ μελῳδεῖν ὑπεροχὴν φάσκειν ἑαυτὸν τῶν Μουσῶν ἐμμελέστερον ᾅδειν. διὸ καὶ τὰσ θεὰσ αὐτῷ χολωθείσασ τήν τε μουσικὴν ἀφελέσθαι καὶ πηρῶσαι τὸν ἄνδρα, καθάπερ καὶ τὸν Ὅμηρον τούτοισ προσμαρτυρεῖν λέγοντα ἔνθα τε Μοῦσαι ἀντόμεναι Θάμυριν τὸν Θρήικα παῦσαν ἀοιδῆσ, καὶ ἔτι αἱ δὲ χολωσάμεναι πηρὸν θέσαν, αὐτὰρ ἀοιδὴν θεσπεσίην ἀφέλοντο καὶ ἐκλέλαθον κιθαριστύν.

περὶ δὲ Ὀρφέωσ τοῦ τρίτου μαθητοῦ τὰ κατὰ μέροσ ἀναγράψομεν, ὅταν τὰσ πράξεισ αὐτοῦ διεξίωμεν.

τὸν δ’ οὖν Λίνον φασὶ τοῖσ Πελασγικοῖσ γράμμασι συνταξάμενον τὰσ τοῦ πρώτου Διονύσου πράξεισ καὶ τὰσ ἄλλασ μυθολογίασ ἀπολιπεῖν ἐν τοῖσ ὑπομνήμασιν. ὁμοίωσ δὲ τούτοισ χρήσασθαι τοῖσ Πελασγικοῖσ γράμμασι τὸν Ὀρφέα καὶ Προναπίδην τὸν Ὁμήρου διδάσκαλον, εὐφυῆ γεγονότα μελοποιόν·

πρὸσ δὲ τούτοισ Θυμοίτην τὸν Θυμοίτου τοῦ Λαομέδοντοσ, κατὰ τὴν ἡλικίαν γεγονότα τὴν Ὀρφέωσ, πλανηθῆναι κατὰ πολλοὺσ τόπουσ τῆσ οἰκουμένησ, καὶ παραβαλεῖν τῆσ Λιβύησ εἰσ τὴν πρὸσ ἑσπέραν χώραν ἑώσ ὠκεανοῦ· θεάσασθαι δὲ καὶ τὴν Νῦσαν, ἐν ᾗ μυθολογοῦσιν οἱ ἐγχώριοι ἀρχαῖοι τραφῆναι τὸν Διόνυσον, καὶ τὰσ κατὰ μέροσ τοῦ θεοῦ τούτου πράξεισ μαθόντα παρὰ τῶν Νυσαέων συντάξασθαι τὴν Φρυγίαν ὀνομαζομένην ποίησιν, ἀρχαϊκοῖσ τῇ τε διαλέκτῳ καὶ τοῖσ γράμμασι χρησάμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 67

(디오도로스 시켈로스, Bibliotheca Historica, book 3, chapter 67)

상위

목록

SEARCH

MENU NAVIGATION