헬라어 문장 검색 - Διοδορ́Βιβλιοτ́3́64́

(디오도로스 시켈로스, Bibliotheca Historica, book 3, chapter 63)

τῶν δὲ μυθογράφων οἱ σωματοειδῆ τὸν θεὸν παρεισάγοντεσ τὴν μὲν εὑρ́εσιν τῆσ ἀμπέλου καὶ φυτείαν καὶ πᾶσαν τὴν περὶ τὸν οἶνον πραγματείαν συμφώνωσ αὐτῷ προσάπτουσι, περὶ δὲ τοῦ πλείουσ γεγονέναι Διονύσουσ ἀμφισβητοῦσιν. ἔνιοι μὲν γὰρ ἕνα καὶ τὸν αὐτὸν ἀποφαίνονται γενέσθαι τόν τε καταδείξαντα τὰ κατὰ τὰσ οἰνοποιίασ καὶ συγκομιδὰσ τῶν ξυλίνων καλουμένων καρπῶν καὶ τὸν στρατευσάμενον ἐπὶ πᾶσαν τὴν οἰκουμένην, ἔτι δὲ τὸν τὰ μυστήρια καὶ τελετὰσ καὶ βακχείασ εἰσηγησάμενον·

ἔνιοι δέ, καθάπερ προεῖπον, τρεῖσ ὑποστησάμενοι γεγονέναι κατὰ διεστηκότασ χρόνουσ, ἑκάστῳ προσάπτουσιν ἰδίασ πράξεισ· καί φασι τὸν μὲν ἀρχαιότατον Ἰνδὸν γεγονέναι, καὶ τῆσ χώρασ αὐτομάτωσ διὰ τὴν εὐκρασίαν φερούσησ πολλὴν ἄμπελον πρῶτον τοῦτον ἀποθλῖψαι βότρυασ καὶ τὴν χρείαν τῆσ περὶ τὸν οἶνον φύσεωσ ἐπινοῆσαι, ὁμοίωσ δὲ καὶ τῶν σύκων καὶ τῶν ἄλλων ἀκροδρύων τὴν καθήκουσαν ἐπιμέλειαν ποιήσασθαι, καὶ καθόλου τὰ πρὸσ τὴν συγκομιδὴν καὶ παράθεσιν τούτων τῶν καρπῶν ἐπινοῆσαι.

τὸν αὐτὸν δὲ καὶ καταπώγωνα λέγουσι γενέσθαι διὰ τὸ τοῖσ Ἰνδοῖσ νόμιμον εἶναι μέχρι τῆσ τελευτῆσ ἐπιμελῶσ ὑποτρέφειν τοὺσ πώγωνασ. τὸν δ’ οὖν Διόνυσον ἐπελθόντα μετὰ στρατοπέδου πᾶσαν τὴν οἰκουμένην διδάξαι τήν τε φυτείαν τῆσ ἀμπέλου καὶ τὴν ἐν ταῖσ ληνοῖσ ἀπόθλιψιν τῶν βοτρύων·

ἀφ’ οὗ Ληναῖον αὐτὸν ὀνομασθῆναι. ὁμοίωσ δὲ καὶ τῶν ἄλλων εὑρημάτων μεταδόντα πᾶσι τυχεῖν αὐτὸν μετὰ τὴν ἐξ ἀνθρώπων μετάστασιν ἀθανάτου τιμῆσ παρὰ τοῖσ εὖ παθοῦσιν. δείκνυσθαι δὲ παρ’ Ἰνδοῖσ μέχρι τοῦ νῦν τόν τε τόπον ἐν ᾧ συνέβη γενέσθαι τὸν θεὸν καὶ προσηγορίασ πόλεων ἀπ’ αὐτοῦ κατὰ τὴν τῶν ἐγχωρίων διάλεκτον·

καὶ πολλὰ ἕτερα διαμένειν ἀξιόλογα τεκμήρια τῆσ παρ’ Ἰνδοῖσ γενέσεωσ, περὶ ὧν μακρὸν ἂν εἰή γράφειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 63

(디오도로스 시켈로스, Bibliotheca Historica, book 3, chapter 63)

상위

목록

SEARCH

MENU NAVIGATION