헬라어 문장 검색 - Διοδορ́Βιβλιοτ́3́59́

(디오도로스 시켈로스, Bibliotheca Historica, book 3, chapter 58)

παραδέδοται δὲ τῆσ θεοῦ ταύτησ καὶ κατὰ τὴν Φρυγίαν γένεσισ. οἱ γὰρ ἐγχώριοι μυθολογοῦσι τὸ παλαιὸν γενέσθαι βασιλέα Φρυγίασ καὶ Λυδίασ Μῄονα· γήμαντα δὲ Δινδύμην γεννῆσαι μὲν παιδίον θῆλυ, τρέφειν δ’ αὐτὸ μὴ βουλόμενον εἰσ ὄροσ ἐκθεῖναι τὸ προσαγορευόμενον Κύβελον. ἐνταῦθα τῷ παιδίῳ κατά τινα θείαν πρόνοιαν τάσ τε παρδάλεισ καί τινα τῶν ἄλλων τῶν ἀλκῇ διαφερόντων θηρίων παρέχεσθαι τὴν θηλὴν καὶ διατρέφειν, γύναια δὲ τινα περὶ τὸν τόπον ποιμαίνοντα κατιδεῖν τὸ γινόμενον, καὶ θαυμάσαντα τὴν περιπέτειαν ἀνελέσθαι τὸ βρέφοσ, καὶ προσαγορεῦσαι Κυβέλην ἀπὸ τοῦ τόπου. αὐξομένην δὲ τὴν παῖδα τῷ τε κάλλει καὶ σωφροσύνῃ διενεγκεῖν, ἔτι δὲ συνέσει γενέσθαι θαυμαστήν·

τήν τε γὰρ πολυκάλαμον σύριγγα πρώτην ἐπινοῆσαι καὶ πρὸσ τὰσ παιδιὰσ καὶ χορείασ εὑρεῖν κύμβαλα καὶ τύμπανα, πρὸσ δὲ τούτοισ καθαρμοὺσ τῶν νοσούντων κτηνῶν τε καὶ νηπίων παίδων εἰσηγήσασθαι· διὸ καὶ τῶν βρεφῶν ταῖσ ἐπῳδαῖσ σωζομένων καὶ τῶν πλείστων ὑπ’ αὐτῆσ ἐναγκαλιζομένων, διὰ τὴν εἰσ ταῦτα σπουδὴν καὶ φιλοστοργίαν ὑπὸ πάντων αὐτὴν ὀρείαν μητέρα προσαγορευθῆναι.

συναναστρέφεσθαι δ’ αὐτῇ καὶ φιλίαν ἔχειν ἐπὶ πλέον φασὶ Μαρσύαν τὸν Φρύγα, θαυμαζόμενον ἐπὶ συνέσει καὶ σωφροσύνῃ· καὶ τῆσ μὲν συνέσεωσ τεκμήριον λαμβάνουσι τὸ μιμήσασθαι τοὺσ φθόγγουσ τῆσ πολυκαλάμου σύριγγοσ καὶ μετενεγκεῖν ἐπὶ τοὺσ αὐλοὺσ τὴν ὅλην ἁρμονίαν, τῆσ δὲ σωφροσύνησ σημεῖον εἶναί φασι τὸ μέχρι τῆσ τελευτῆσ ἀπείρατον γενέσθαι τῶν ἀφροδισίων. τὴν οὖν Κυβέλην εἰσ ἀκμὴν ἡλικίασ ἐλθοῦσαν ἀγαπῆσαι τῶν ἐγχωρίων τινὰ νεανίσκον τὸν προσαγορευόμενον μὲν Ἄττιν, ὕστερον δ’ ἐπικληθέντα Πάπαν·

συνελθοῦσαν δ’ εἰσ ὁμιλίαν αὐτῷ λάθρᾳ καὶ γενομένην ἔγκυον ἐπιγνωσθῆναι κατὰ τοῦτον τὸν καιρὸν ὑπὸ τῶν γονέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 58

(디오도로스 시켈로스, Bibliotheca Historica, book 3, chapter 58)

상위

목록

SEARCH

MENU NAVIGATION