헬라어 문장 검색 - Διοδορ́Βιβλιοτ́3́56́

(디오도로스 시켈로스, Bibliotheca Historica, book 3, chapter 55)

τῶν δ’ Ἀμαζόνων νυκτὸσ τὰ περὶ τὰσ φυλακὰσ ῥᾳθυμουσῶν διὰ τὴν εὐημερίαν, ἐπιθεμένασ τὰσ αἰχμαλωτίδασ, σπασαμένασ τὰ ξίφη τῶν δοκουσῶν κεκρατηκέναι πολλὰσ ἀνελεῖν· τέλοσ δὲ τοῦ πλήθουσ αὐτὰσ πανταχόθεν περιχυθέντοσ εὐγενῶσ μαχομένασ ἁπάσασ κατακοπῆναι. τὴν δὲ Μύριναν θάψασαν τὰσ ἀναιρεθείσασ τῶν συστρατευουσῶν ἐν τρισὶ πυραῖσ χωμάτων μεγάλων ἐπιστῆσαι τάφουσ τρεῖσ, οὓσ μέχρι τοῦ νῦν Ἀμαζόνων σωροὺσ ὀνομάζεσθαι.

τὰσ δὲ Γοργόνασ ἐν τοῖσ ὕστερον χρόνοισ αὐξηθείσασ πάλιν ὑπὸ Περσέωσ τοῦ Διὸσ καταπολεμηθῆναι, καθ’ ὃν καιρὸν ἐβασίλευεν αὐτῶν Μέδουσα·

τὸ δὲ τελευταῖον ὑφ’ Ἡρακλέουσ ἄρδην ἀναιρεθῆναι ταύτασ τε καὶ τὸ τῶν Ἀμαζόνων ἔθνοσ, καθ’ ὃν καιρὸν τοὺσ πρὸσ ἑσπέραν τόπουσ ἐπελθὼν ἔθετο τὰσ ἐπὶ τῆσ Λιβύησ στήλασ, δεινὸν ἡγούμενοσ, εἰ προελόμενοσ τὸ γένοσ κοινῇ τῶν ἀνθρώπων εὐεργετεῖν περιόψεταί τινα τῶν ἐθνῶν γυναικοκρατούμενα. λέγεται δὲ καὶ τὴν Τριτωνίδα λίμνην σεισμῶν γενομένων ἀφανισθῆναι, ῥαγέντων αὐτῆσ τῶν πρὸσ τὸν ὠκεανὸν μερῶν κεκλιμένων. τὴν δὲ Μύρινάν φασι τῆσ τε Λιβύησ τὴν πλείστην ἐπελθεῖν, καὶ παραβαλοῦσαν εἰσ Αἴγυπτον πρὸσ μὲν Ὧρον τὸν Ἴσιδοσ βασιλεύοντα τότε τῆσ Αἰγύπτου φιλίαν συνθέσθαι, πρὸσ δ’ Ἄραβασ διαπολεμήσασαν καὶ πολλοὺσ αὐτῶν ἀνελοῦσαν, τὴν μὲν Συρίαν καταστρέψασθαι, τῶν δὲ Κιλίκων ἀπαντησάντων αὐτῇ μετὰ δώρων καὶ τὸ κελευόμενον ποιήσειν ὁμολογούντων, ἐλευθέρουσ ἀφεῖναι τοὺσ ἑκουσίωσ προσχωρήσαντασ, οὓσ ἀπὸ ταύτησ τῆσ αἰτίασ μέχρι τοῦ νῦν Ἐλευθεροκίλικασ καλεῖσθαι.

καταπολεμῆσαι δ’ αὐτὴν καὶ τὰ περὶ τὸν Ταῦρον ἔθνη, διάφορα ταῖσ ἀλκαῖσ ὄντα, καὶ διὰ Φρυγίασ τῆσ μεγάλησ ἐπὶ θάλατταν καταβῆναι·

ἑξῆσ δὲ τὴν παραθαλάττιον χώραν προσαγαγομένην ὁρ́ουσ θέσθαι τῆσ στρατείασ τὸν Κάικον ποταμόν. τῆσ δὲ δορικτήτου χώρασ ἐκλεξαμένην τοὺσ εὐθέτουσ τόπουσ εἰσ πόλεων κτίσεισ οἰκοδομῆσαι πλείουσ πόλεισ, καὶ τούτων ὁμώνυμον μίαν ἑαυτῇ κτίσαι, τὰσ δ’ ἄλλασ ἀπὸ τῶν τὰσ ἡγεμονίασ τὰσ μεγίστασ ἐχουσῶν, Κύμην, Πιτάναν, Πριήνην.

ταύτασ μὲν οὖν οἰκίσαι παρὰ θάλατταν, ἄλλασ δὲ πλείουσ ἐν τοῖσ πρὸσ μεσόγειον ἀνήκουσι τόποισ.

κατασχεῖν δ’ αὐτὴν καὶ τῶν νήσων τινάσ, καὶ μάλιστα τὴν Λέσβον, ἐν ᾗ κτίσαι πόλιν Μυτιλήνην ὁμώνυμον τῇ μετεχούσῃ τῆσ στρατείασ ἀδελφῇ. ἔπειτα καὶ τῶν ἄλλων νήσων τινὰσ καταστρεφομένην χειμασθῆναι, καὶ ποιησαμένην τῇ μητρὶ τῶν θεῶν εὐχὰσ ὑπὲρ τῆσ σωτηρίασ προσενεχθῆναι νήσῳ τινὶ τῶν ἐρήμων·

ταύτην δὲ κατά τινα ἐν τοῖσ ὀνείροισ φαντασίαν καθιερῶσαι τῇ προειρημένῃ θεῷ καὶ βωμοὺσ ἱδρύσασθαι καὶ θυσίασ μεγαλοπρεπεῖσ ἐπιτελέσαι· ὀνομάσαι δ’ αὐτὴν Σαμοθρᾴκην, ὅπερ εἶναι μεθερμηνευόμενον εἰσ τὴν Ἑλληνικὴν διάλεκτον ἱερὰν νῆσον· ἔνιοι δὲ τῶν ἱστορικῶν λέγουσι τὸ πρὸ τοῦ Σάμον αὐτὴν καλουμένην ὑπὸ τῶν κατοικούντων ἐν αὐτῇ ποτε Θρᾳκῶν Σαμοθρᾴκην ὀνομασθῆναι. οὐ μὴν ἀλλὰ τῶν Ἀμαζόνων ἐπανελθουσῶν εἰσ τὴν ἤπειρον μυθολογοῦσι τὴν μητέρα τῶν θεῶν εὐαρεστηθεῖσαν τῇ νήσῳ ἄλλουσ τέ τινασ ἐν αὐτῇ κατοικίσαι καὶ τοὺσ ἑαυτῆσ υἱοὺσ τοὺσ ὀνομαζομένουσ Κορύβαντασ·

ἐξ οὗ δ’ εἰσὶ πατρὸσ ἐν ἀπορρήτῳ κατὰ τὴν τελετὴν παραδίδοσθαι· καταδεῖξαι δὲ καὶ τὰ νῦν ἐν αὐτῇ συντελούμενα μυστήρια καὶ τὸ τέμενοσ ἄσυλον νομοθετῆσαι. περὶ δὲ τούτουσ τοὺσ χρόνουσ Μόψον τὸν Θρᾷκα, φυγάδα γενόμενον ὑπὸ Λυκούργου τοῦ βασιλέωσ τῶν Θρᾳκῶν, ἐμβαλεῖν εἰσ τὴν χώραν τῶν Ἀμαζόνων μετὰ στρατιᾶσ τῆσ συνεκπεσούσησ αὐτῷ·

συστρατεῦσαι δὲ καὶ Σίπυλον τῷ Μόψῳ τὸν Σκύθην, πεφυγαδευμένον ὁμοίωσ ἐκ τῆσ ὁμόρου τῇ Θρᾴκῃ Σκυθίασ. γενομένησ δὲ παρατάξεωσ, καὶ τῶν περὶ τὸν Σίπυλον καὶ Μόψον προτερησάντων, τήν τε βασίλισσαν τῶν Ἀμαζόνων Μύριναν ἀναιρεθῆναι καὶ τῶν ἄλλων τὰσ πλείουσ.

τοῦ δὲ χρόνου προβαίνοντοσ, καὶ κατὰ τὰσ μάχασ ἀεὶ τῶν Θρᾳκῶν ἐπικρατούντων, τὸ τελευταῖον τὰσ περιλειφθείσασ τῶν Ἀμαζόνων ἀνακάμψαι πάλιν εἰσ Λιβύην. καὶ τὴν μὲν στρατείαν τῶν ἀπὸ Λιβύησ Ἀμαζόνων μυθολογοῦσι τοιοῦτο λαβεῖν τὸ πέρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 55

(디오도로스 시켈로스, Bibliotheca Historica, book 3, chapter 55)

상위

목록

SEARCH

MENU NAVIGATION