헬라어 문장 검색 - Διοδορ́Βιβλιοτ́3́52́

(디오도로스 시켈로스, Bibliotheca Historica, book 3, chapter 51)

παραδόξου δ’ εἶναι δοκοῦντοσ τοῦ πράγματοσ καὶ μύθῳ πεπλασμένῳ παραπλησίου, πειρῶνταί τινεσ τῶν φυσικῶν αἰτίασ ἀποδιδόναι τοῦ γινομένου τοιαύτασ. ἀνέμουσ φασὶ κατὰ τὴν χώραν τοὺσ μὲν τὸ σύνολον μὴ πνεῖν, τοὺσ δὲ παντελῶσ εἶναι βληχροὺσ καὶ κωφούσ·

ὑπάρχειν δὲ καὶ περὶ τὸν ἀέρα πολλάκισ ἠρεμίαν καὶ θαυμαστὴν ἀκινησίαν διὰ τὸ μήτε νάπασ μήτε συσκίουσ αὐλῶνασ παρακεῖσθαι πλησίον μήτε λόφων ὑπάρχειν ἀναστήματα· ποταμῶν τε μεγάλων σπανίζειν τοὺσ τόπουσ, καὶ καθόλου τὴν σύνεγγυσ χώραν ἅπασαν ἄκαρπον οὖσαν μηδεμίαν ἔχειν ἀναθυμίασιν· ἐξ ὧν ἁπάντων εἰωθέναι γεννᾶσθαί τινασ ἀρχὰσ καὶ συστάσεισ πνευμάτων. διόπερ συμπνιγοῦσ περιστάσεωσ τὴν χέρσον ἐπεχούσησ, ὅπερ ὁρῶμεν ἐπὶ τῶν νεφῶν ἐνίοτε συμβαῖνον ἐν ταῖσ νοτίαισ ἡμέραισ, τυπουμένων ἰδεῶν παντοδαπῶν, τοῦτο γίνεσθαι καὶ περὶ τὴν Λιβύην, πολλαχῶσ μορφουμένου τοῦ συμπίπτοντοσ ἀέροσ·

ὃν ταῖσ μὲν ἀσθενέσι καὶ βληχραῖσ αὔραισ ὀχεῖσθαι μετεωριζόμενον καὶ παλμοὺσ ποιοῦντα καὶ συγκρούοντα συστήμασιν ἑτέροισ ὁμοίοισ, νηνεμίασ δ’ ἐπιλαμβανούσησ καθίστασθαι πρὸσ τὴν γῆν, βαρὺν ὄντα καὶ τετυπωμένον ὡσ ἔτυχεν· ἔπειτα μηδενὸσ ὄντοσ τοῦ συγχέοντοσ προσπελάζειν τοῖσ αὐτομάτωσ περιτυγχάνουσι τῶν ζῴων. τὰσ δ’ ἐφ’ ἑκάτερα κινήσεισ αὐτῶν φασι προαίρεσιν μὲν μηδεμίαν ἐμφαίνειν·

ἐν ἀψύχῳ γὰρ ἀδύνατον ὑπάρχειν φυγὴν ἑκούσιον ἢ δίωξιν· τὰ μέντοι ζῷα λεληθότωσ αἴτια τῆσ μεταρσίασ κινήσεωσ γίνεσθαι· προσιόντων μὲν γὰρ αὐτῶν τὸν ὑποκείμενον ἀέρα μετὰ βίασ ἀναστέλλειν, καὶ διὰ τοῦθ’ ὑποχωρεῖν τὸ συνεστηκὸσ εἴδωλον καὶ ποιεῖν τὴν ἔμφασιν ὑποφεύγοντοσ· τοῖσ δ’ ἀναχωροῦσι κατὰ τοὐναντίον ἐπακολουθεῖν, ἀντεστραμμένησ τῆσ αἰτίασ, ὡσ ἂν τοῦ κενοῦ καὶ τῆσ ἀραιώσεωσ ἐπισπωμένησ. διόπερ ἐοικέναι διώκοντι τοὺσ ὑποχωροῦντασ·

ἕλκεσθαι γὰρ αὐτὸ καὶ προπίπτεὶν εἰσ τὸ πρόσθεν ἄθρουν ὑπὸ τῆσ πάλιν ῥύμησ· τοὺσ δ’ ὑποφεύγοντασ, ὅταν ἐπιστραφῶσιν ἢ μένωσιν, εὐλόγωσ ὑπὸ τοῦ συνακολουθοῦντοσ εἰδώλου ψαύεσθαι τοῖσ ὄγκοισ· τοῦτο δὲ κατὰ τὴν πρὸσ τὸ στερέμνιον πρόσπτωσιν περιθρύβεσθαι, καὶ πανταχόθεν προσχεόμενον καταψύχειν τὰ σώματα τῶν περιτυγχανόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 51

(디오도로스 시켈로스, Bibliotheca Historica, book 3, chapter 51)

상위

목록

SEARCH

MENU NAVIGATION