헬라어 문장 검색 - Διοδορ́Βιβλιοτ́3́50́

(디오도로스 시켈로스, Bibliotheca Historica, book 3, chapter 49)

τούτων δ’ ἡμῖν διευκρινημένων οἰκεῖον ἂν εἰή διελθεῖν περὶ τῶν Λιβύων τῶν πλησίον Αἰγύπτου κατοικούντων καὶ τῆσ ὁμόρου χώρασ. τὰ γὰρ περὶ Κυρήνην καὶ τὰσ Σύρτεισ, ἔτι δὲ τὴν μεσόγειον τῆσ κατὰ τοὺσ τόπουσ τούτουσ χέρσου, κατοικεῖ τέτταρα γένη Λιβύων· ὧν οἱ μὲν ὀνομαζόμενοι Νασαμῶνεσ νέμονται τὰ νεύοντα μέρη πρὸσ νότον, οἱ δ’ Αὐσχῖσαι τὰ πρὸσ τὴν δύσιν, οἱ δὲ Μαρμαρίδαι κατοικοῦσι τὴν μεταξὺ ταινίαν Αἰγύπτου καὶ Κυρήνησ, μετέχοντεσ καὶ τῆσ παραλίου, οἱ δὲ Μάκαι πολυανθρωπίᾳ τῶν ὁμοεθνῶν προέχοντεσ νέμονται τοὺσ τόπουσ τοὺσ περὶ τὴν Σύρτιν. τῶν δὲ προειρημένων Λιβύων γεωργοὶ μέν εἰσιν οἷσ ὑπάρχει χώρα δυναμένη καρπὸν φέρειν δαψιλῆ, νομάδεσ δ’ ὅσοι τῶν κτηνῶν τὴν ἐπιμέλειαν ποιούμενοι τὰσ τροφὰσ ἔχουσιν ἀπὸ τούτων·

ἀμφότερα δὲ τὰ γένη ταῦτα βασιλέασ ἔχει καὶ βίον οὐ παντελῶσ ἄγριον οὐδ’ ἀνθρωπίνησ ἡμερότητοσ ἐξηλλαγμένον. τὸ δὲ τρίτον γένοσ οὔτε βασιλέωσ ὑπακοῦον οὔτε τοῦ δικαίου λόγον οὐδ’ ἔννοιαν ἔχον ἀεὶ λῃστεύει, ἀπροσδοκήτωσ δὲ τὰσ ἐμβολὰσ ἐκ τῆσ ἐρήμου ποιούμενον ἁρπάζει τὰ παρατυχόντα, καὶ ταχέωσ ἀνακάμπτει πρὸσ τὸν αὐτὸν τόπον. πάντεσ δ’ οἱ Λίβυεσ οὗτοι θηριώδη βίον ἔχουσιν, ὑπαίθριοι διαμένοντεσ καὶ τὸ τῶν ἐπιτηδευμάτων ἄγριον ἐζηλωκότεσ·

οὔτε γὰρ ἡμέρου διαίτησ οὔτ’ ἐσθῆτοσ μετέχουσιν, ἀλλὰ δοραῖσ αἰγῶν σκεπάζουσι τὰ σώματα. τοῖσ δὲ δυνάσταισ αὐτῶν πόλεισ μὲν τὸ σύνολον οὐχ ὑπάρχουσι, πύργοι δὲ πλησίον τῶν ὑδάτων, εἰσ οὓσ ἀποτίθενται τὰ πλεονάζοντα τῆσ ὠφελείασ. τοὺσ δ’ ὑποτεταγμένουσ λαοὺσ κατ’ ἐνιαυτὸν ἐξορκίζουσι πειθαρχήσειν· καὶ τῶν μὲν ὑπακουσάντων ὡσ συμμάχων φροντίζουσι, τῶν δὲ μὴ προσεχόντων θάνατον καταγνόντεσ ὡσ λῃσταῖσ πολεμοῦσιν. ὁ δ’ ὁπλισμὸσ αὐτῶν ἐστιν οἰκεῖοσ τῆσ τε χώρασ καὶ τῶν ἐπιτηδευμάτων·

κοῦφοι γὰρ ὄντεσ τοῖσ σώμασι καὶ χώραν οἰκοῦντεσ κατὰ τὸ πλεῖστον πεδιάδα, πρὸσ τοὺσ κινδύνουσ ὁρμῶσι λόγχασ ἔχοντεσ τρεῖσ καὶ λίθουσ ἐν ἄγγεσι σκυτίνοισ· ξίφοσ δ’ οὐ φοροῦσιν οὐδὲ κράνοσ οὐδ’ ὅπλον οὐδὲν ἕτερον, στοχαζόμενοι τοῦ προτερεῖν ταῖσ εὐκινησίαισ ἐν τοῖσ διωγμοῖσ καὶ πάλιν ἐν ταῖσ ἀποχωρήσεσι. διόπερ εὔθετοι πρὸσ δρόμον εἰσὶ καὶ λιθοβολίαν, διαπεπονηκότεσ τῇ μελέτῃ καὶ τῇ συνηθείᾳ τὰ τῆσ φύσεωσ προτερήματα.

καθόλου δὲ πρὸσ τοὺσ ἀλλοφύλουσ οὔτε τὸ δίκαιον οὔτε τὴν πίστιν κατ’ οὐδένα τρόπον διατηροῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 49

(디오도로스 시켈로스, Bibliotheca Historica, book 3, chapter 49)

상위

목록

SEARCH

MENU NAVIGATION