헬라어 문장 검색 - Διοδορ́Βιβλιοτ́3́49́

(디오도로스 시켈로스, Bibliotheca Historica, book 3, chapter 48)

περὶ δὲ τῶν κατὰ τὸν οὐρανὸν ὁρωμένων παραδόξων ἐν τοῖσ τόποισ οὐ παραλειπτέον. θαυμασιώτατον μέν ἐστι τὸ περὶ τὴν ἄρκτον ἱστορούμενον καὶ πλείστην ἀπορίαν παρεχόμενον τοῖσ πλοϊζομένοισ· ἀπὸ γὰρ μηνὸσ ὃν καλοῦσιν Ἀθηναῖοι μαιμακτηριῶνα τῶν ἑπτὰ τῶν κατὰ τὴν ἄρκτον ἀστέρων οὐδένα φασὶν ὁρᾶσθαι μέχρι τῆσ πρώτησ φυλακῆσ, τῷ δὲ ποσειδεῶνι μέχρι δευτέρασ, καὶ κατὰ τοὺσ ἑξῆσ ἐκ τοῦ κατ’ ὀλίγον ἀθεωρήτουσ ὑπάρχειν. τῶν δ’ ἄλλων τοὺσ ὀνομαζομένουσ πλάνητασ τοὺσ μὲν μείζονασ τῶν παρ’ ἡμῖν, ἑτέρουσ δὲ μηδὲ τὰσ ὁμοίασ ἀνατολὰσ καὶ δύσεισ ποιεῖσθαι·

τὸν δ’ ἥλιον οὐχ ὥσπερ παρ’ ἡμῖν βραχὺ πρὸ τῆσ ἰδίασ ἀνατολῆσ προαποστέλλειν τὸ φῶσ, ἀλλ’ ἔτι νυκτὸσ οὔσησ σκοταίου παραδόξωσ ἄφνω φανέντα ἐκλάμπειν. διὸ καὶ μηδέποθ’ ἡμέραν μὲν ἐν ἐκείνοισ τοῖσ τόποισ γίνεσθαι πρὶν ὁραθῆναι τὸν ἥλιον, ἐκ μέσου δὲ τοῦ πελάγουσ φασὶν ἀναφαινόμενον αὐτὸν ὁρᾶσθαι μὲν ἄνθρακι παραπλήσιον τῷ πυρωδεστάτῳ, σπινθῆρασ δ’ ἀφ’ ἑαυτοῦ μεγάλουσ ἀπορρίπτειν, καὶ τῷ τύπῳ μὴ κωνοειδῆ φαίνεσθαι, καθάπερ ἡμεῖσ δοξάζομεν, ἀλλὰ κίονι τὸν τύπον ἔχειν ἐμφερῆ, μικρὸν ἐμβριθεστέραν ἔχοντι τὴν ἀπὸ τῆσ κεφαλῆσ ἐπιφάνειαν, πρὸσ δὲ τούτοισ μήτ’ αὐγὴν ποιεῖν μήτ’ ἀκτῖνασ βάλλειν ἄχρι πρώτησ ὡρ́ασ, φαινομένου πυρὸσ ἀλαμποῦσ ἐν σκότει·

δευτέρασ δ’ ἀρχομένησ ἀσπιδοειδῆ γίνεσθαι καὶ τὸ φῶσ βάλλειν ἀπότομον καὶ πυρῶδεσ καθ’ ὑπερβολήν. κατὰ δὲ τὴν δύσιν ἐναντία γίνεσθαι συμπτώματα περὶ αὐτόν·

δοκεῖν γὰρ τοῖσ ὁρῶσι καιναῖσ ἀκτῖσι φωτίζειν τὸν κόσμον οὐκ ἔλαττον ὡρῶν δυοῖν, ὡσ δ’ Ἀγαθαρχίδησ ὁ Κνίδιοσ ἀνέγραψε, τριῶν. τοῦτον δὲ τὸν καιρὸν ἥδιστον τοῖσ ἐγχωρίοισ φαίνεσθαι, ταπεινουμένου τοῦ καύματοσ διὰ τὴν δύσιν τοῦ ἡλίου. τῶν δ’ ἀνέμων ζέφυροι μὲν καὶ λίβεσ, ἔτι δ’ ἀργέσται καὶ εὖροι, πνέουσι καθάπερ καὶ παρὰ τοῖσ ἄλλοισ·

νότοι δὲ κατὰ μὲν Αἰθιοπίαν οὔτε πνέουσιν οὔτε γνωρίζονται τὸ σύνολον, κατὰ δὲ τὴν Τρωγλοδυτικὴν καὶ τὴν Ἀραβίαν θερμοὶ γίνονται καθ’ ὑπερβολήν, ὥστε καὶ τὰσ ὕλασ ἐκπυροῦν καὶ τῶν καταφευγόντων εἰσ τὰσ ἐν ταῖσ καλύβαισ σκιὰσ ἐκλύειν τὰ σώματα. ὁ δὲ βορέασ δικαίωσ ἂν ἄριστοσ νομίζοιτο, διικνούμενοσ εἰσ πάντα τόπον τῆσ οἰκουμένησ καὶ διαμένων ψυχρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 48

(디오도로스 시켈로스, Bibliotheca Historica, book 3, chapter 48)

상위

목록

SEARCH

MENU NAVIGATION