Diodorus Siculus, Bibliotheca Historica, book 3, chapter 47 3:

ἴδιον δέ τι παρὰ τοῖσ ἐγχωρίοισ συμβαίνει περὶ τοὺσ ἠσθενηκότασ ὑπὸ μακρᾶσ νόσου τὰ σώματα. διαπνεομένου γὰρ τοῦ σώματοσ ὑπ’ ἀκράτου καὶ τμητικῆσ φύσεωσ, καὶ τῆσ συγκρίσεωσ τῶν ὄγκων εἰσ ἀραίωμα συναγομένησ, ἔκλυσισ ἐπακολουθεῖ δυσβοήθητοσ· διόπερ τοῖσ τοιούτοισ ἄσφαλτον παραθυμιῶσι καὶ τράγου πώγωνα, ταῖσ ἐναντίαισ φύσεσι καταμαχόμενοι τὴν ὑπερβολὴν τῆσ εὐωδίασ. τὸ γὰρ καλὸν ποσότητι μὲν καὶ τάξει μετρούμενον ὠφελεῖ καὶ τέρπει τοὺσ ἀνθρώπουσ, ἀναλογίασ δὲ καὶ καθήκοντοσ καιροῦ διαμαρτὸν ἀνόνητον ἔχει τὴν δωρεάν.