헬라어 문장 검색 - Διοδορ́Βιβλιοτ́3́47́

(디오도로스 시켈로스, Bibliotheca Historica, book 3, chapter 46)

μετὰ δὲ τούτουσ ὑπάρχουσιν οἱ ὀνομαζόμενοι Κάρβαι, καὶ μετὰ τούτουσ Σαβαῖοι, πολυανθρωπότατοι τῶν Ἀραβικῶν ἐθνῶν ὄντεσ. νέμονται δὲ τὴν εὐδαίμονα λεγομένην Ἀραβίαν, φέρουσαν τὰ πλεῖστα τῶν παρ’ ἡμῖν ἀγαθῶν καὶ θρεμμάτων παντοδαπῶν ἐκτρέφουσαν πλῆθοσ ἀμύθητον. εὐωδία τε αὐτὴν πᾶσαν ἐπέχει φυσικὴ διὰ τὸ πάντα σχεδὸν τὰ ταῖσ ὀσμαῖσ πρωτεύοντα φύεσθαι κατὰ τὴν χώραν ἀνέκλειπτα. κατὰ μὲν γὰρ τὴν παράλιον φύεται τὸ καλούμενον βάλσαμον καὶ κασία καὶ πόα τισ ἄλλη ἰδιάζουσαν φύσιν ἔχουσα·

αὕτη δὲ πρόσφατοσ μὲν οὖσα τοῖσ ὄμμασι προσηνεστάτην παρέχεται τέρψιν, ἐγχρονισθεῖσα δὲ συντόμωσ γίνεται ἐξίτηλοσ. κατὰ δὲ τὴν μεσόγειον ὑπάρχουσι δρυμοὶ συνηρεφεῖσ, καθ’ οὕσ ἐστι δένδρα μεγάλα λιβανωτοῦ καὶ σμύρνησ, πρὸσ δὲ τούτοισ φοίνικοσ καὶ καλάμου καὶ κιναμώμου καὶ τῶν ἄλλων τῶν τούτοισ ὁμοίαν ἐχόντων τὴν εὐωδίαν·

οὐδὲ γὰρ ἐξαριθμήσασθαι δυνατὸν τὰσ ἑκάστων ἰδιότητάσ τε καὶ φύσεισ διὰ τὸ πλῆθοσ καὶ τὴν ὑπερβολὴν τῆσ ἐκ πάντων ἀθροιζομένησ ὀσμῆσ. θεία γάρ τισ φαίνεται καὶ λόγου κρείττων ἡ προσπίπτουσα καὶ κινοῦσα τὰσ ἑκάστων αἰσθήσεισ εὐωδία.

καὶ γὰρ τοὺσ παραπλέοντασ, καίπερ πολὺ τῆσ χέρσου κεχωρισμένουσ, οὐκ ἀμοίρουσ ποιεῖ τῆσ τοιαύτησ ἀπολαύσεωσ· κατὰ γὰρ τὴν θερινὴν ὡρ́αν, ὅταν ἄνεμοσ ἀπόγειοσ γένηται, συμβαίνει τὰσ ἀπὸ τῶν σμυρνοφόρων δένδρων καὶ τῶν ἄλλων τῶν τοιούτων ἀποπνεομένασ εὐωδίασ διικνεῖσθαι πρὸσ τὰ πλησίον μέρη τῆσ θαλάττησ· οὐ γὰρ ὥσπερ παρ’ ἡμῖν ἀποκειμένην καὶ παλαιὰν ἔχει τὴν τῶν ἀρωμάτων φύσιν, ἀλλὰ τὴν ἀκμάζουσαν ἐν ἄνθει νεαρὰν δύναμιν καὶ διικνουμένην πρὸσ τὰ λεπτομερέστατα τῆσ αἰσθήσεωσ. κομιζούσησ γὰρ τῆσ αὔρασ τὴν ἀπόρροιαν τῶν εὐωδεστάτων, προσπίπτει τοῖσ προσπλέουσι τὴν παράλιον προσηνὲσ καὶ πολύ, πρὸσ δὲ τούτοισ ὑγιεινὸν καὶ παρηλλαγμένον ἐκ τῶν ἀρίστων μῖγμα, οὔτε τετμημένου τοῦ καρποῦ καὶ τὴν ἰδίαν ἀκμὴν ἐκπεπνευκότοσ, οὔτε τὴν ἀπόθεσιν ἔχοντοσ ἐν ἑτερογενέσιν ἀγγείοισ, ἀλλ’ ἀπ’ αὐτῆσ τῆσ νεαρωτάτησ ὡρ́ασ καὶ τὸν βλαστὸν ἀκέραιον παρεχομένησ τῆσ θείασ φύσεωσ, ὥστε τοὺσ μεταλαμβάνοντασ τῆσ ἰδιότητοσ δοκεῖν ἀπολαύειν τῆσ μυθολογουμένησ ἀμβροσίασ διὰ τὸ τὴν ὑπερβολὴν τῆσ εὐωδίασ μηδεμίαν ἑτέραν εὑρίσκειν οἰκείαν προσηγορίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 46

(디오도로스 시켈로스, Bibliotheca Historica, book 3, chapter 46)

상위

목록

SEARCH

MENU NAVIGATION