헬라어 문장 검색 - Διοδορ́Βιβλιοτ́3́45́

(디오도로스 시켈로스, Bibliotheca Historica, book 3, chapter 44)

παραπλεύσαντι δὲ τὰ πεδία ταῦτα κόλποσ ἐκδέχεται παράδοξον ἔχων τὴν φύσιν. συννεύει μὲν γὰρ εἰσ τὸν μυχὸν τῆσ χώρασ, τῷ μήκει δ’ ἐπὶ σταδίουσ πεντακοσίουσ παρεκτείνεται, περικλειόμενοσ δὲ κρημνοῖσ θαυμασίοισ τὸ μέγεθοσ σκολιὸν καὶ δυσέξιτον ἔχει τὸ στόμα· ἁλιτενοῦσ γὰρ πέτρασ τὸν εἴσπλουν διαλαμβανούσησ οὔτ’ εἰσπλεῦσαι δυνατόν ἐστιν εἰσ τὸν κόλπον οὔτ’ ἐκπλεῦσαι. κατὰ δὲ τὰσ τοῦ ῥοῦ προσπτώσεισ καὶ τὰσ τῶν ἀνέμων μεταβολὰσ ὁ κλύδων προσπίπτων τῇ ῥαχίᾳ καχλάζει καὶ τραχύνεται πάντῃ περὶ τὴν παρήκουσαν πέτραν.

οἱ δὲ τὴν κατὰ τὸν κόλπον χώραν νεμόμενοι, Βανιζομενεῖσ ὀνομαζόμενοι, τὰσ τροφὰσ ἔχουσι κυνηγοῦντεσ καὶ σαρκοφαγοῦντεσ τὰ χερσαῖα ζῷα. ἱερὸν δ’ ἁγιώτατον ἵδρυται, τιμώμενον ὑπὸ πάντων Ἀράβων περιττότερον. ἑξῆσ δὲ τῇ προειρημένῃ παραλίᾳ νῆσοι τρεῖσ ἐπίκεινται, λιμένασ ποιοῦσαι πλείουσ.

καὶ τούτων τὴν μὲν πρώτην ἱστοροῦσιν ὑπάρχειν ἱερὰν Ἴσιδοσ, ἔρημον οὖσαν, παλαιῶν δ’ οἰκιῶν ἔχειν λιθίνασ ὑποστάθμασ καὶ στήλασ γράμμασι βαρβαρικοῖσ κεχαραγμένασ· ὁμοίωσ δὲ καὶ τὰσ ἄλλασ ἐρήμουσ ὑπάρχειν· πάσασ δ’ ἐλαίαισ καταπεφυτεῦσθαι διαφόροισ τῶν παρ’ ἡμῖν. μετὰ δὲ τὰσ νήσουσ ταύτασ αἰγιαλὸσ παρήκει κρημνώδησ καὶ δυσπαράπλουσ ἐπὶ σταδίουσ ὡσ χιλίουσ·

οὔτε γὰρ λιμὴν οὔτε σάλοσ ἐπ’ ἀγκύρασ ὑπόκειται τοῖσ ναυτίλοισ, οὐ χηλὴ δυναμένη τοῖσ ἀπορουμένοισ τῶν πλεόντων τὴν ἀναγκαίαν ὑπόδυσιν παρασχέσθαι. ὄροσ δὲ ταύτῃ παράκειται κατὰ μὲν κορυφὴν πέτρασ ἀποτομάδασ ἔχον καὶ τοῖσ ὕψεσι καταπληκτικάσ, ὑπὸ δὲ τὰσ ῥίζασ σπιλάδασ ὀξείασ καὶ πυκνὰσ ἐνθαλάττουσ καὶ κατόπιν αὐτῶν φάραγγασ ὑποβεβρωμένασ καὶ σκολιάσ. συντετρημένων δ’ αὐτῶν πρὸσ ἀλλήλασ, καὶ τῆσ θαλάττησ βάθοσ ἐχούσησ, ὁ κλύδων ποτὲ μὲν εἰσπίπτων, ποτὲ δὲ παλισσυτῶν βρόμῳ μεγάλῳ παραπλήσιον ἦχον ἐξίησι.

τοῦ δὲ κλύδωνοσ τὸ μὲν πρὸσ μεγάλασ πέτρασ προσαραττόμενον εἰσ ὕψοσ ἵσταται καὶ τὸν ἀφρὸν θαυμαστὸν τὸ πλῆθοσ κατασκευάζει, τὸ δὲ καταπινόμενον κοιλώμασι σπασμὸν καταπληκτικὸν παρέχει, ὥστε τοὺσ ἀκουσίωσ ἐγγίσαντασ τοῖσ τόποισ διὰ τὸ δέοσ οἱονεὶ προαποθνήσκειν. ταύτην μὲν οὖν τὴν παράλιον ἔχουσιν Ἄραβεσ οἱ καλούμενοι Θαμουδηνοί·

τὴν δ’ ἑξῆσ ἐπέχει κόλποσ εὐμεγέθησ, ἐπικειμένων αὐτῷ νήσων σποράδων, τὴν πρόσοψιν ἐχουσῶν ὁμοίαν ταῖσ καλουμέναισ Ἐχινάσι νήσοισ. ἐκδέχονται δὲ ταύτην τὴν παράλιον ἀέριοι θῖνεσ ἅμμου κατά τε τὸ μῆκοσ καὶ τὸ πλάτοσ, μέλανεσ τὴν χρόαν. μετὰ δὲ τούτουσ ὁρᾶται χερρόνησοσ καὶ λιμὴν κάλλιστοσ τῶν εἰσ ἱστορίαν πεπτωκότων, ὀνομαζόμενοσ Χαρμούθασ.

ὑπὸ γὰρ χηλὴν ἐξαίσιον κεκλιμένην πρὸσ ζέφυρον κόλποσ ἐστὶν οὐ μόνον κατὰ τὴν ἰδέαν θαυμαστόσ, ἀλλὰ καὶ κατὰ τὴν εὐχρηστίαν πολὺ τοὺσ ἄλλουσ ὑπερέχων· παρήκει γὰρ αὐτὸν ὄροσ συνηρεφέσ, κυκλούμενον πανταχόθεν ἐπὶ σταδίουσ ἑκατόν, εἴσπλουν δ’ ἔχει δίπλεθρον, ναυσὶ δισχιλίαισ ἄκλυστον λιμένα παρεχόμενοσ. χωρὶσ δὲ τούτων εὐύδροσ τ’ ἐστὶ καθ’ ὑπερβολήν, ποταμοῦ μείζονοσ εἰσ αὐτὸν ἐμβάλλοντοσ, καὶ κατὰ μέσον ἔχει νῆσον εὐύδρον καὶ δυναμένην ἔχειν κηπεύματα.

καθόλου δ’ ἐμφερέστατόσ ἐστι τῷ κατὰ τὴν Καρχηδόνα λιμένι, προσαγορευομένῳ δὲ Κώθωνι, περὶ οὗ τὰσ κατὰ μέροσ εὐχρηστίασ ἐν τοῖσ οἰκείοισ χρόνοισ πειρασόμεθα διελθεῖν. ἰχθύων δὲ πλῆθοσ ἐκ τῆσ μεγάλησ θαλάττησ εἰσ αὐτὸν ἀθροίζεται διά τε τὴν νηνεμίαν καὶ τὴν γλυκύτητα τῶν εἰσ αὐτὸν ῥεόντων ὑδάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 44

(디오도로스 시켈로스, Bibliotheca Historica, book 3, chapter 44)

상위

목록

SEARCH

MENU NAVIGATION