헬라어 문장 검색 - Διοδορ́Βιβλιοτ́3́44́

(디오도로스 시켈로스, Bibliotheca Historica, book 3, chapter 43)

τὴν δ’ ἑξῆσ παραθαλάττιον τὸ μὲν παλαιὸν ἐνέμοντο Μαρανῖται, μετὰ δὲ ταῦτα Γαρινδανεῖσ, ὄντεσ πλησιόχωροι. τὴν δὲ χώραν κατέσχον τοιῷδέ τινι τρόπῳ· ἐν τῷ πρόσθεν λεχθέντι Φοινικῶνι συντελουμένησ πανηγύρεωσ πενταετηρικῆσ ἐφοίτων πανταχόθεν οἱ περίοικοι, καμήλων εὖ τεθραμμένων ἑκατόμβασ τοῖσ ἐν τῷ τεμένει θεοῖσ θύσοντεσ, ὁμοίωσ δὲ καὶ τῶν ὑδάτων τῶν ἐξ αὐτοῦ κομιοῦντεσ εἰσ τὰσ πατρίδασ διὰ τὸ παραδίδοσθαι τοῦτο τὸ ποτὸν παρασκευάζειν τοῖσ προσενεγκαμένοισ τὴν ὑγίειαν. διὰ δὴ ταύτασ τὰσ αἰτίασ τῶν Μαρανιτῶν καταντησάντων εἰσ τὴν πανήγυριν, οἱ Γαρινδανεῖσ τοὺσ μὲν ἀπολελειμμένουσ ἐν τῇ χώρᾳ κατασφάξαντεσ, τοὺσ δ’ ἐκ τῆσ πανηγύρεωσ ἐπανιόντασ ἐνεδρεύσαντεσ διέφθειραν, ἐρημώσαντεσ δὲ τὴν χώραν τῶν οἰκητόρων κατεκληρούχησαν πεδία καρποφόρα καὶ νομὰσ τοῖσ κτήνεσι δαψιλεῖσ ἐκτρέφοντα.

αὕτη δ’ ἡ παράλιοσ λιμένασ μὲν ὀλίγουσ ἔχει, διείληπται δ’ ὄρεσι πυκνοῖσ καὶ μεγάλοισ, ἐξ ὧν παντοίασ ποικιλίασ χρωμάτων ἔχουσα θαυμαστὴν παρέχεται θέαν τοῖσ παραπλέουσι.

παραπλεύσαντι δὲ ταύτην τὴν χώραν ἐκδέχεται κόλποσ Λαιανίτησ, περιοικούμενοσ πολλαῖσ κώμαισ Ἀράβων τῶν προσαγορευομένων Ναβαταίων.

οὗτοι δὲ πολλὴν μὲν τῆσ παραλίου νέμονται, οὐκ ὀλίγην δὲ καὶ τῆσ εἰσ μεσόγειον ἀνηκούσησ χώρασ, τόν τε λαὸν ἀμύθητον ἔχοντεσ καὶ θρεμμάτων ἀγέλασ ἀπίστουσ τοῖσ πλήθεσιν. οἳ τὸ μὲν παλαιὸν ἐξῆγον δικαιοσύνῃ χρώμενοι καὶ ταῖσ ἀπὸ τῶν θρεμμάτων τροφαῖσ ἀρκούμενοι, ὕστερον δὲ τῶν ἀπὸ τῆσ Ἀλεξανδρείασ βασιλέων πλωτὸν τοῖσ ἐμπόροισ ποιησάντων τὸν πόρον τοῖσ τε ναυαγοῦσιν ἐπετίθεντο καὶ λῃστρικὰ σκάφη κατασκευάζοντεσ ἐλῄστευον τοὺσ πλέοντασ, μιμούμενοι τὰσ ἀγριότητασ καὶ παρανομίασ τῶν ἐν τῷ Πόντῳ Ταύρων·

μετὰ δὲ ταῦτα ληφθέντεσ ὑπὸ τετρηρικῶν σκαφῶν πελάγιοι προσηκόντωσ ἐκολάσθησαν. μετὰ δὲ τούτουσ τοὺσ τόπουσ ὑπάρχει χώρα πεδιὰσ κατάρρυτοσ, ἐκτρέφουσα διὰ τὰσ πάντῃ διαρρεούσασ πηγὰσ ἄγρωστιν καὶ μηδίκην, ἔτι δὲ λωτὸν ἀνδρομήκη.

διὰ δὲ τὸ πλῆθοσ καὶ τὴν ἀρετὴν τῆσ νομῆσ οὐ μόνον κτηνῶν παντοδαπῶν ἀμύθητον ἐκτρέφει πλῆθοσ, ἀλλὰ καὶ καμήλουσ ἀγρίασ, ἔτι δ’ ἐλάφουσ καὶ δορκάδασ. πρὸσ δὲ τὸ πλῆθοσ τῶν ἐντρεφομένων ζῴων φοιτῶσιν ἐκ τῆσ ἐρήμου λεόντων καὶ λύκων καὶ παρδάλεων ἀγέλαι, πρὸσ ἃσ οἱ κτηνοτροφοῦντεσ ἀναγκάζονται καὶ μεθ’ ἡμέραν καὶ νύκτωρ θηριομαχεῖν ὑπὲρ τῶν θρεμμάτων·

οὕτω τὸ τῆσ χώρασ εὐτύχημα τοῖσ κατοικοῦσιν ἀτυχίασ αἴτιον γίνεται διὰ τὸ τὴν φύσιν ὡσ ἐπίπαν τοῖσ ἀνθρώποισ μετὰ τῶν ἀγαθῶν διδόναι τὰ βλάπτοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 43

(디오도로스 시켈로스, Bibliotheca Historica, book 3, chapter 43)

상위

목록

SEARCH

MENU NAVIGATION