헬라어 문장 검색 - Διοδορ́Βιβλιοτ́3́42́

(디오도로스 시켈로스, Bibliotheca Historica, book 3, chapter 41)

ἀπὸ δὲ τούτων τῶν τόπων τὸν μὲν ἀπὸ Πτολεμαΐδοσ παράπλουν ἑώσ τῶν Ταύρων ἀκρωτηρίων προειρήκαμεν, ὅτε Πτολεμαίου τὴν τῶν ἐλεφάντων θήραν ἀπηγγείλαμεν· ἀπὸ δὲ τῶν Ταύρων ἐπιστρέφει μὲν ἡ παράλιοσ πρὸσ τὰσ ἀνατολάσ, κατὰ δὲ τὴν θερινὴν τροπὴν αἱ σκιαὶ πίπτουσι πρὸσ μεσημβρίαν ἐναντίωσ ταῖσ παρ’ ἡμῖν ἄχρι πρὸσ ὡρ́αν δευτέραν. ἔχει δὲ καὶ ποταμοὺσ ἡ χώρα, ῥέοντασ ἐκ τῶν ὀρῶν τῶν προσαγορευομένων Ψεβαίων.

διείληπται δὲ καὶ πεδίοισ μεγάλοισ φέρουσι μαλάχησ καὶ καρδάμου καὶ φοίνικοσ ἄπιστα μεγέθη· ἐκφέρει δὲ καὶ καρποὺσ παντοίουσ, τὴν μὲν γεῦσιν ἔχοντασ νωθράν, ἀγνοουμένουσ δὲ παρ’ ἡμῖν. ἡ δὲ πρὸσ τὴν μεσόγειον ἀνατείνουσα πλήρησ ἐστὶν ἐλεφάντων καὶ ταύρων ἀγρίων καὶ λεόντων καὶ πολλῶν ἄλλων παντοδαπῶν θηρίων ἀλκίμων.

ὁ δὲ πόροσ νήσοισ διείληπται καρπὸν μὲν οὐδένα φερούσαισ ἥμερον, ἐκτρεφούσαισ δ’ ὀρνέων ἴδια γένη καὶ ταῖσ προσόψεσι θαυμαστά. ἡ δ’ ἑξῆσ θάλαττα βαθεῖα παντελῶσ ἐστι, καὶ κήτη φέρει παντοδαπὰ παράδοξα τοῖσ μεγέθεσιν, οὐ μέντοι λυποῦντα τοὺσ ἀνθρώπουσ, ἐὰν μή τισ ἀκουσίωσ αὐτῶν ταῖσ λοφιαῖσ περιπέσῃ·

οὐ δύνανται γὰρ διώκειν τοὺσ πλέοντασ, ὡσ ἂν κατὰ τὴν ἐκ τῆσ θαλάττησ ἄρσιν ἀμαυρουμένων αὐτοῖσ τῶν ὀμμάτων ὑπὸ τοῦ κατὰ τὸν ἥλιον φέγγουσ. ταῦτα μὲν οὖν τὰ μέρη τῆσ Τρωγλοδυτικῆσ ἔσχατα γνωρίζεται, περιγραφόμενα ταῖσ ἄκραισ ἃσ ὀνομάζουσι Ψεβαίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 41

(디오도로스 시켈로스, Bibliotheca Historica, book 3, chapter 41)

상위

목록

SEARCH

MENU NAVIGATION