헬라어 문장 검색 - Διοδορ́Βιβλιοτ́3́40́

(디오도로스 시켈로스, Bibliotheca Historica, book 3, chapter 39)

ἀπὸ πόλεωσ τοίνυν Ἀρσινόησ κομιζομένοισ παρὰ τὴν δεξιὰν ἤπειρον ἐκπίπτει κατὰ πολλοὺσ τόπουσ ἐκ πέτρασ εἰσ θάλατταν ὕδατα πολλά, πικρᾶσ ἁλμυρίδοσ ἔχοντα γεῦσιν. παραδραμόντι δὲ τὰσ πηγὰσ ταύτασ ὑπέρκειται μεγάλου πεδίου μιλτώδη χρόαν ἔχον ὄροσ καὶ τὴν ὁρ́ασιν τῶν ἐπὶ πλέον ἀτενιζόντων εἰσ αὐτὸ λυμαινόμενον. ὑπὸ δὲ τὰσ ἐσχατιὰσ τῆσ ὑπωρείασ κεῖται λιμὴν σκολιὸν ἔχων τὸν εἴσπλουν, ἐπώνυμοσ Ἀφροδίτησ. ὑπέρκεινται δὲ τούτου νῆσοι τρεῖσ, ὧν δύο μὲν πλήρεισ εἰσὶν ἐλαιῶν καὶ σύσκιοι, μία δὲ λειπομένη τῷ πλήθει τῶν προειρημένων δένδρων, πλῆθοσ δ’ ἔχουσα τῶν ὀνομαζομένων μελεαγρίδων.

μετὰ δὲ ταῦτα κόλποσ ἐστὶν εὐμεγέθησ ὁ καλούμενοσ Ἀκάθαρτοσ, καὶ πρὸσ αὐτῷ βαθεῖα καθ’ ὑπερβολὴν χερρόνησοσ, ἧσ κατὰ τὸν αὐχένα στενὸν ὄντα διακομίζουσι τὰ σκάφη πρὸσ τὴν ἀντιπέρασ θάλατταν.

παρακομισθέντι δὲ τοὺσ τόπουσ τούτουσ κεῖται νῆσοσ πελαγία μὲν τῷ διαστήματι, τὸ δὲ μῆκοσ εἰσ ὀγδοήκοντα σταδίουσ παρεκτείνουσα, καλουμένη δὲ Ὀφιώδησ, ἣ τὸ μὲν παλαιὸν ὑπῆρχε πλήρησ παντοδαπῶν καὶ φοβερῶν ἑρπετῶν, ἀφ’ ὧν καὶ ταύτησ ἔτυχε τῆσ προσηγορίασ, ἐν δὲ τοῖσ μεταγενεστέροισ χρόνοισ ὑπὸ τῶν κατὰ τὴν Ἀλεξάνδρειαν βασιλέων οὕτωσ ἐξημερώθη φιλοτίμωσ ὥστε μηδὲν ἔτι κατ’ αὐτὴν ὁρᾶσθαι τῶν προϋπαρξάντων ζῴων.

οὐ παραλειπτέον δ’ ἡμῖν οὐδὲ τὴν αἰτίαν τῆσ περὶ τὴν ἡμέρωσιν φιλοτιμίασ.

εὑρίσκεται γὰρ ἐν τῇ νήσῳ ταύτῃ τὸ καλούμενον τοπάζιον, ὅπερ ἐστὶ λίθοσ διαφαινόμενοσ ἐπιτερπήσ, ὑάλῳ παρεμφερὴσ καὶ θαυμαστὴν ἔγχρυσον πρόσοψιν παρεχόμενοσ. διόπερ ἀνεπίβατοσ τοῖσ ἄλλοισ τηρεῖται, θανατουμένου παντὸσ τοῦ προσπλεύσαντοσ ὑπὸ τῶν καθεσταμένων ἐπ’ αὐτῆσ φυλάκων.

οὗτοι δὲ τὸν ἀριθμὸν ὄντεσ ὀλίγοι βίον ἔχουσιν ἀτυχῆ. ἵνα μὲν γὰρ μηδεὶσ λίθοσ διακλαπῇ, πλοῖον οὐκ ἀπολείπεται τὸ παράπαν ἐν τῇ νήσῳ· οἱ δὲ παραπλέοντεσ αὐτὴν διὰ τὸν ἀπὸ τοῦ βασιλέωσ φόβον πόρρωθεν παραθέουσι· τροφαὶ δὲ αἱ μὲν παρακομιζόμεναι ταχέωσ ἐκλείπουσιν, ἕτεραι δ’ ἐγχώριοι τὸ σύνολον οὐχ ὑπάρχουσι. διόπερ ὅταν τῶν σιτίων ὀλίγα καταλείπηται, κάθηνται πάντεσ οἱ κατὰ τὴν κώμην προσδεχόμενοι τὸν τῶν κομιζόντων τὰσ τροφὰσ κατάπλουν·

ὧν βραδυνόντων εἰσ τὰσ ἐσχάτασ ἐλπίδασ συστέλλονται. ὁ δὲ προειρημένοσ λίθοσ φυόμενοσ ἐν ταῖσ πέτραισ τὴν μὲν ἡμέραν διὰ τὸ πνῖγοσ οὐχ ὁρᾶται, κρατούμενοσ ὑπὸ τοῦ περὶ τὸν ἥλιον φέγγουσ, τῆσ δὲ νυκτὸσ ἐπιγινομένησ ἐν σκότει διαλάμπει καὶ πόρρωθεν δῆλόσ ἐστιν ἐν ᾧ ποτ’ ἂν ᾖ τόπῳ.

οἱ δὲ νησοφύλακεσ κλήρῳ διῃρημένοι τοὺσ τόπουσ ἐφεδρεύουσι, καὶ τῷ φανέντι λίθῳ περιτιθέασι σημείου χάριν ἄγγοσ τηλικοῦτον ἡλίκον ἂν ᾖ τὸ μέγεθοσ τοῦ στίλβοντοσ λίθου·

τῆσ δ’ ἡμέρασ περιιόντεσ περιτέμνουσι τὸν σημειωθέντα τόπον τῆσ πέτρασ, καὶ παραδιδόασι τοῖσ διὰ τῆσ τέχνησ δυναμένοισ ἐκλεαίνειν τὸ παραδοθὲν οἰκείωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 39

(디오도로스 시켈로스, Bibliotheca Historica, book 3, chapter 39)

상위

목록

SEARCH

MENU NAVIGATION