헬라어 문장 검색 - Διοδορ́Βιβλιοτ́3́39́

(디오도로스 시켈로스, Bibliotheca Historica, book 3, chapter 38)

καὶ Τρωγλοδυτικὴν καὶ τὴν ταύταισ συνάπτουσαν μέχρι τῆσ διὰ καῦμα ἀοικήτου, πρὸσ δὲ ταύταισ περὶ τῆσ παραλίασ τῆσ παρὰ τὴν Ἐρυθρὰν θάλατταν καὶ τὸ Ἀτλαντικὸν πέλαγοσ τὸ πρὸσ μεσημβρίαν κεκλιμένον, περὶ τοῦ καταλελειμμένου μέρουσ, λέγω δὲ τοῦ Ἀραβίου κόλπου, ποιησόμεθα τὴν ἀναγραφήν, τὰ μὲν ἐκ τῶν ἐν Ἀλεξανδρείᾳ βασιλικῶν ὑπομνημάτων ἐξειληφότεσ, τὰ δὲ παρὰ τῶν αὐτοπτῶν πεπυσμένοι. τοῦτο γὰρ τὸ μέροσ τῆσ οἰκουμένησ καὶ τὸ περὶ τὰσ Βρεττανικὰσ νήσουσ καὶ τὴν ἄρκτον ἥκιστα πέπτωκεν ὑπὸ τὴν κοινὴν ἀνθρώπων ἐπίγνωσιν.

ἀλλὰ περὶ μὲν τῶν πρὸσ ἄρκτον κεκλιμένων μερῶν τῆσ οἰκουμένησ τῶν συναπτόντων τῇ διὰ ψῦχοσ ἀοικήτῳ διέξιμεν, ὅταν τὰσ Γαϊού Καίσαροσ πράξεισ ἀναγράφωμεν· οὗτοσ γὰρ τὴν Ῥωμαίων ἡγεμονίαν εἰσ ἐκεῖνα τὰ μέρη πορρωτάτω προβιβάσασ πάντα τὸν πρότερον ἀγνοούμενον τόπον ἐποίησε πεσεῖν εἰσ σύνταξιν ἱστορίασ·

ὁ δὲ προσαγορευόμενοσ Ἀράβιοσ κόλποσ ἀνεστόμωται μὲν εἰσ τὸν κατὰ μεσημβρίαν κείμενον ὠκεανόν, τῷ μήκει δ’ ἐπὶ πολλοὺσ πάνυ παρήκων σταδίουσ τὸν μυχὸν ἔχει περιοριζόμενον ταῖσ ἐσχατιαῖσ τῆσ Ἀραβίασ καὶ Τρωγλοδυτικῆσ.

εὖροσ δὲ κατὰ μὲν τὸ στόμα καὶ τὸν μυχὸν ὑπάρχει περὶ ἑκκαίδεκα σταδίουσ, ἀπὸ δὲ Πανόρμου λιμένοσ πρὸσ τὴν ἀντιπέρασ ἤπειρον μακρᾶσ νεὼσ διωγμὸν ἡμερήσιον. τὸ δὲ μέγιστόν ἐστι διάστημα κατὰ τὸ Τύρκαιον ὄροσ καὶ Μακαρίαν νῆσον πελαγίαν, ὡσ ἂν τῶν ἠπείρων οὐχ ὁρωμένων ἀπ’ ἀλλήλων. ἀπὸ δὲ τούτου τὸ πλάτοσ ἀεὶ μᾶλλον συγκλείεται καὶ τὴν συναγωγὴν ἔχει μέχρι τοῦ στόματοσ.

ὁ δὲ παράπλουσ αὐτοῦ κατὰ πολλοὺσ τόπουσ ἔχει νήσουσ μακράσ, στενοὺσ μὲν διαδρόμουσ ἐχούσασ, ῥοῦν δὲ πολὺν καὶ σφοδρόν. ἡ μὲν οὖν κεφαλαιώδησ τοῦ κόλπου τούτου θέσισ ὑπάρχει τοιαύτη. ἡμεῖσ δ’ ἀπὸ τῶν ἐσχάτων τοῦ μυχοῦ τόπων ἀρξάμενοι τὸν ἐφ’ ἑκάτερα τὰ μέρη παράπλουν τῶν ἠπείρων καὶ τὰσ ἀξιολογωτάτασ κατ’ αὐτὰσ ἰδιότητασ διέξιμεν·

πρῶτον δὲ ληψόμεθα τὸ δεξιὸν μέροσ, οὗ τὴν παραλίαν τῶν Τρωγλοδυτῶν ἔθνη νέμεται μέχρι τῆσ ἐρήμου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 38

(디오도로스 시켈로스, Bibliotheca Historica, book 3, chapter 38)

상위

목록

SEARCH

MENU NAVIGATION